Isaiah 26:1 - Hawaii Pidgin Bible

¹ Dat time, goin get dis song fo us sing Judah side: Oua big town stay strong fo shua. Da One In Charge Keep us guys outa trouble. Jalike he da strong wall fo us guys An da extra wall outside oua big town.

Isaiah 26:1 ပူးပေါင်းရင်းမြစ်များ

Ezra 3:11

Dey tell good tings bout Da One In Charge, an tell um “Mahalo plenny!” an dey sing fo Da One In Charge lidis: “Da One In Charge, he real good! He stay tight wit us Israel peopo foeva!” Den all da peopo yell loud an tell good tings bout Da One In Charge, cuz now da Temple Fo Da One In Charge get foundation.

Songs 31:21

Erybody, tell good tings Bout Da One In Charge! Cuz he stay tight wit me Cuz I his guy, an dass awesome! He make shua notting hurt me, No matta I feel jalike odda peopo Stay fight fo take ova my town.

Songs 48:12

Go walk all da way aroun Zion town, Count how much watch towas get dea.

Songs 48:4

Ova dea, da king guys An dea army guys come togedda. Dey go thru da land togedda Fo take ova Mount Zion.

Isaiah 12:1

Dat time, you goin tell, “I goin sing fo tell Da One In Charge he da greates! I goin tell erybody dat you good, Da One In Charge. No matta you was huhu wit me, Now you no stay huhu wit me no moa, An you take away da sore from inside me.

Isaiah 14:31

Yell, all you peopo inside da town gates! Cry plenny, you peopo inside da big towns! All you Filisha peopo, You real sked, you stay shake! Cuz one strong army come from da north side! Dey burn down da towns. Can see da smoke! Da army guys, dey all stay togedda, Dey no even lose one army guy.

Isaiah 2:11

Anybody dat get real high nose, Dey goin come shame. Anybody ack real high makamaka, Dey goin come notting. Dat time, Da One In Charge da ony One Da peopo goin talk good bout.

Isaiah 2:20

Dat time, da idol kine gods Dat da peopo wen make from silva an gold Fo go down an show um respeck, Dey goin throw um all away To da bats an da rats.

Isaiah 25:9

Dat time, peopo goin tell, “Eh! Dis, oua God, fo shua! We wen trus him, An he wen get us outa trouble! Dis Da One In Charge, da One we trus. Now, us guys can dance an sing, An stay feel real good inside Cuz he wen do dat.

Isaiah 31:5

Jalike wen da muddah birds stay fly ova da nes So notting hurt da bebe birds, Same ting wit Da One In Charge Da God Ova All Da Armies, He no goin let notting hurt da Jerusalem peopo. He goin take kea dem An get dem outa trouble. He goin pass ova dem jalike Moses time, An save dem.”

Isaiah 31:9

Da big rock wea da Assyria guys like hide, Dey goin run pass um Cuz dey plenny sked. Wen dea officer guys see Da One In Charge flag fo war, Dey goin come sked an lose fight.” Dis word come strait from Da One In Charge: Wea can see da light from his fire Inside da Temple on top Mount Zion. Can see wea he burn up his rubbish Inside Jerusalem town.

Isaiah 33:5

Da One In Charge, he da greates! He live high on top da mos importan place! All ova Jerusalem town He goin make shua da judge guys judge da right way An da peopo do right kine tings.

Isaiah 33:6

All da time you stay alive, Da One In Charge goin be jalike one solid foundation fo you. He goin do plenny good tings fo you— Get you outa trouble, Help you know wat fo do erytime, Help you know how fo do stuff. Wen you Jerusalem peopo get respeck Fo Da One In Charge fo real kine, Goin be jalike az rich kine stuff he give you.

Isaiah 4:2

Dat time, goin get one guy, Da One In Charge goin give him da right fo be king, Cuz he jalike one new branch Dat Da One In Charge make come out from da king ohana. Dat guy goin be real good looking an stay awesome. Erybody goin know bout da stuff dat grow on top da land, Dat goin come real awesome too, An da Israel peopo dat still yet stay alive dat time Goin feel real good inside bout all dat, An all da odda peopo goin get respeck fo dem.

Isaiah 5:1

I like sing one song fo da one I get love an aloha fo. I goin sing one song bout his grape field On top one hill dat get good groun.

Isaiah 56:5

Fo dose guys dat no can make kids But stay tight wit me, I goin give dem someting Mo betta den get boys an girls. I goin make dem come jalike az my ohana, An give dem one spesho place inside my house. Peopo no goin foget dea name foeva, An nobody goin foget dea name eva.

Isaiah 60:18

No goin get noise inside yoa land no mo From peopo dat stay hurt each odda. Nobody goin wipe out stuff O broke up stuff inside yoa land. But wen you guys build one town wall, You goin give um da name ‘God get us outa trouble.’ An wen you guys put up one town gate, You goin give um da name ‘Da One In Charge stay good.’

Isaiah 62:10

Go, pass thru da town gates. Make one place fo my peopo come back! Build up da big road. Take away da stones. Hold up one flag So da diffren peopos know wea fo go!

Isaiah 62:11

Da One In Charge tell da peopo all ova da world fo lissen: “Tell my Jerusalem peopo from Mount Zion, ‘Look! Da One goin get you guys outa trouble, He stay come! Look! He stay bring wit him Da ones he wen get outa trouble!’ ”

Jeremiah 33:11

bumbye peopo goin hear laughing an singing, an peopo dat stay good inside, an wedding parties, an peopo dat bring animals to da Temple Fo Da One In Charge fo make sacrifice dat tell God ‘Mahalo plenny!’ Da peopo dat bring sacrifice animals goin sing lidis: “ ‘Fo Da One In Charge, Da God Ova All Da Armies, tell um: Mahalo plenny! Cuz Da One In Charge stay good! He stay tight wit his peopo foeva!’ Cuz I goin give back good kine stuff fo eryting in dis land come jalike was befo time.” Az wat Da One In Charge tell.

Ezekiel 40:5

I see one wall dat go all da way aroun outside da open lanai fo da temple. Da guy measure da wall wit da ten an one half feet long stick. Da wall ten an one half feet thick an ten an one half feet high.

Zekariah 2:5

But me, I da One goin be jalike one fire all aroun da town, jalike one wall! Wen I stay inside da town, goin be awesome!’ ” Dass wat Da One In Charge tell.

Zekariah 2:9

Fo shua, I goin pay dose guys back an make dea slave guys rip dem off.” Den you guys goin know dat Da One In Charge, Da God Ova All Da Armies, wen sen me, Zekariah.

Census 21:17

Den da Israel peopo sing dis song: “Go come up! Let da well bring up watta! Sing bout um!

Matthew 16:18

I tell you, yoa name Peter, an dat mean ‘rock.’ On top dis rock I goin make my church. Da powa dat come from Hell fo kill peopo no goin win ova my church guys.