Isaiah 25:6 - Hawaii Pidgin Bible

⁶ On top dis mountain, Jerusalem side, Da One In Charge, Da God Ova All Da Armies, He goin make one big luau fo all da diffren peopos. Goin get da bestes kine food, All da bestes kine wine, An good kine meat wit plenny good stuff inside da bone, Ol kine wine dat no mo junks awready.

Isaiah 25:6 ပူးပေါင်းရင်းမြစ်များ

Songs 36:8

Inside yoa house, Get ony da bestes stuffs, An you give yoa peopo all dat. You give um plenny tings Dat make um feel real good inside, Jalike you give um watta fo drink From one riva Dat erytime get plenny watta.

Songs 63:5

Inside, I feel jalike I get eryting I like, Jalike wen I eat da bestes kine grinds. I goin yell cuz I feel good An tell erybody dat you da bestes!

Songs 78:68

Da ohana dat God wen pick, Az was da Judah ohana. He wen pick Zion hill Inside Jerusalem town, Cuz he get love an aloha Fo dose peopo ova dea.

Love Song 1:2

I like fo you kiss me ova an ova! Cuz wen you make love to me, Az mo betta den wen I drink wine.

Love Song 1:4

Take me away wit you! Hurry up! Us go! Eh! You my king guy! Bring me inside da bedroom! Us guys like dance an sing cuz a you! We stay real good inside! Us goin talk good bout how you guys make love togedda now, Mo den we talk good bout da wine. So az right, fo dem get plenny love an aloha fo you!

Love Song 5:1

Eh sistah! I stay come inside my garden, My bride, da one I love. I bring my myrrh, an my balsam spice too. I eat my honeycomb, an my honey too. I drink my wine, an my milk too. Eh ma frenz! Eat an drink! You guys dat love each odda, drink plenny, Till you come full.

Isaiah 1:19

If you guys like lissen, An tink da same ting jalike me, You goin eat all da good stuff from da land.

Isaiah 25:10

An on top dis same mountain, Jerusalem side, Da One In Charge goin use his powa dea. “But da Moab peopo, Odda peopo goin walk all ova dem, Jalike wen dey make someting fo burn fire, Firs dey throw da doodoo from da animals An straw from da wheat, an watta inside one hole, Den dey step um down good fo mix da mud.

Isaiah 56:7

Dey da peopo I goin bring Jerusalem side, To da mountain dat stay spesho fo me. I goin make dem feel real good inside Wen dey come inside my house fo pray. Wen dey make burn up kine sacrifice on top my altar, An odda kine sacrifices dey make dea, Dat goin make me feel real good. Cuz peopo goin call my house ‘Da house wea all diffren peopos go fo pray.’ ”

Jeremiah 48:11

“Da Moab peopo, from da time dea land come one country, No mo notting happen fo give dem trouble. No mo nobody make dem prisonas O take um outa dea land. Dey jalike da kine wine Dat stay long time inside da same jar. Nobody pour um from one jar to anodda jar Fo make um taste mo betta. If you taste dat kine wine, Still yet goin taste an smell same same.”

Daniel 7:14

Da One Dat Stay From Befo Time give da guy Da powa fo stay in charge. He make peopo get respeck fo him An let him be dea king. All da diffren peopos From ery country an ery language Goin show dat guy love an respeck. Da powa he get fo stay in charge, He get um foeva. Dat powa goin be lidat foeva, An no mo nobody goin ovathrow him.”

Zekariah 8:3

Dis wat Da One In Charge tell: “I goin go back Mount Zion, an live inside Jerusalem town. Den dey goin call Jerusalem, ‘Da big town wea erybody tell da trut.’ An da mountain dat I own, me, Da One In Charge, Da God Ova All Da Armies, dey goin call um ‘Da Mountain Dat Stay Spesho Fo Da One In Charge.’ ”

Matthew 26:29

An I stay tell you guys, afta dis, I no goin drink dis kine wine, till da time come wen all us stay togedda wea my Faddah stay King. Dat time, I goin drink da new kine wine wit you guys.”

Matthew 8:11

An I like tell you guys one mo ting: wen God in da sky stay King, goin get plenny guys dat goin come from far away an all aroun, east side an west side, an dey all goin make big party togedda wit Abraham, Isaac, an Jacob.

Mark 16:15

Den he tell um, “Go all ova da world, an teach da Good Stuff Bout Me to erybody in da world.

Luke 22:30

You guys goin eat an drink by my table wen I come da King, an you guys goin sit down on top thrones, an come judges fo da twelve Israel ohanas.”

Luke 5:39

Nobody like drink da new kine wine afta he drink da ol one, cuz he tell, ‘Da ol wine mo betta.’ ”

Hebrews 12:22

But you guys, wen God make da New Deal fo us guys come tight wit him, az jalike da time yoa ancesta guys go by him on top Zion Hill wea he stay. An Zion Hill, jalike da big town inside da sky wea da God Dat Stay Alive live, dass jalike Jerusalem Town. An jalike you guys go by da uku pile a angel guys dat come togedda fo party.

Jesus Show 19:9

Den, jalike one dream, da angel guy tell me, “Write dis: Dey can stay good inside, all da peopo dat God tell fo come to da wedding luau fo God Bebe Sheep Guy!” Den da angel tell, “Dass fo real wat God tell.”