Isaiah 25:2 - Hawaii Pidgin Bible

² I goin tell dat you da greates, Cuz get big towns dat you bus up An make um come one pile a rubbish. Get strong towns wea da army guys no can come inside, You make um all fall down. Da place inside odda countries Wea da peopo build palace, No even get one mo town dea now. No way dey goin build um up one mo time.

Isaiah 25:2 ပူးပေါင်းရင်းမြစ်များ

Job 12:14

Fo shua, wateva he bus up, nobody can build um one mo time. If he put somebody inside da prison, nobody can let dem go.

Isaiah 13:20

Peopo no goin live ova dea no moa. Not even dea kids o grankids goin make house dea. No mo no guys from Arabia goin come dea Fo put up dea tent no moa. No mo no sheep guys goin bring dea sheeps Fo res ova dea no moa.

Isaiah 13:21

But ony da kine animals dat live inside da boonies Goin live ova dea. Plenny jackal kine wild dogs goin make house ova dea. Da owls goin stay dea, An da wild goats goin jump aroun ova dea.

Isaiah 13:22

Da hyena an da jackal kine wild dogs goin howl Inside da fancy kine palaces ova dea. Da Babylon town ony get litto mo time! No mo plenny time fo wait awready!

Isaiah 14:23

“I goin make Babylon town come jalike da boonies, One place wea da heron bird live inside da swamp. I goin wipe out Babylon town, Jalike I sweep um wit one broom.” Az how goin be, Da One In Charge, Da God Ova All Da Armies, tell.

Isaiah 17:1

Me, Isaiah, I get heavy kine stuff fo tell bout wat I see goin happen to da Damascus peopo: Look! Damascus no goin be one big town no moa. Da whole place goin come one pile a bus up junks.

Isaiah 17:3

Inside da Efraim land, No goin get towns dat get strong wall no moa. Inside da Damascus land, No goin get kings no moa. Da Aram kings from Damascus, An da Israel kings from Efraim, Dey was awesome befo time. But bumbye, da ones dat still stay alive From da Aram peopo an da Israel peopo, Dey no goin be awesome no moa. Az how goin be, Da One In Charge, Da God Ova All Da Armies tell.

Isaiah 21:9

An now, look! One guy inside one war wagon stay come, Get two horse stay pull um.” Den somebody tell, “Babylon town stay all bus up! All da idol kine gods fo Babylon, Stay all smash an all on top da groun!”

Isaiah 23:11

Wen Da One In Charge put up his hand fo use his powa ova da ocean, He make da kings an dea peopos come sked an shaking. He da One dat tell, az time fo wipe out Da towns inside Fonisha dat get strong wall.

Isaiah 23:13

Look! da Babylon land! Da peopo dat live dea, Befo time, nobody know who dem. Da Assyria guys wen use da Babylon land Fo da wild animals dat stay inside da boonies. But layta, az da Babylon peopo from da boonies Build towas fo fight Tyre town. Dey rip off eryting inside da palaces inside da town, An leave all da rubbish wea had house.

Isaiah 24:10

Da big town stay all bus up, No mo notting inside dea. All da door fo ery house stay shut Fo nobody come inside.

Isaiah 25:12

God goin broke down da strong wall Fo da place wea da Moab peopo like go hide. He goin make da wall fall down to da groun, On top da dirt.”

Isaiah 26:5

He make da guys wit big head come las. He bus up da big town. He goin make da towns come notting Dat sit on top da hills Fo da army guys no come dea. He make dea wall fall down to da groun, On top da dirt.

Isaiah 27:10

Da big town dat get strong wall Wea nobody can come inside, Nobody stay dea. Jalike da boonies, ony da cows stay dea. Da peopo, all gone awready. Get small cows stay eat grass dea. Dey eat all da stuff from da tree branches. Den dey lay down ova dea.

Isaiah 32:14

Erybody goin go way from da palace An leave da big town Dat wen get plenny noise befo time. Da hill wit da strong wall an da towas Goin get pukas an caves inside. Da wild donkeys goin like live dea Cuz no mo peopo, An da goats goin get food fo eat ova dea.

Isaiah 32:19

No matta get hail Dat make all da trees fall down, An all da buildings inside da big town fall down,

Isaiah 34:13

Dea palaces goin get thorn bush grow all ova da place. An dea towns dat get strong wall goin get stickas an kukus all ova. Da wild jackal dogs goin stay an eat dea, An goin be da place fo da owl birds.

Isaiah 37:26

“ ‘Eh Sennakerib, you neva hear, o wat? From long time me, Da One In Charge, wen start fo make all dis happen, Befo time, I wen make da plan dat way awready, An now I stay make um happen— Fo you bus up da towns dat get strong wall An make um come uku pile a rocks,

Jeremiah 51:26

Nobody goin even take one stone block from yoa town Fo make one corna block. An nobody goin even take one stone block from yoa town Fo make one foundation. Cuz yoa town goin stay all wipe out foeva!” Az wat Da One In Charge tell.

Jeremiah 9:11

Da One In Charge tell, “I goin make Jerusalem town come one rubbish pile. Ony goin get wild jackal dogs ova dea. I goin wipe out da Judah towns Fo no mo nobody live ova dea.”

Rules Secon Time 13:16

Bring all dea stuffs an put um all inside da middo a da town. Den burn up da whole town an all da stuffs. Az goin be jalike one sacrifice dass ony fo yoa God, Da One In Charge. Da town goin stay one rubbish pile foeva. Nobody goin build dea one mo time.

Jesus Show 18:19

Dey throw dirt on top dea heads fo show dey sad, An dey cry an stay sad inside. Dey talk loud an tell, “Horraz! Horraz! Babylon, da big town! All us guys dat wen get boats on top da ocean, Us come rich, cuz we bring rich stuffs to Babylon! In one hour dat town wen get wipe out!”