Isaiah 24:9 - Hawaii Pidgin Bible

⁹ Nobody drink wine an sing no moa. Wen dey drink beer, taste bad.

Isaiah 24:9 ပူးပေါင်းရင်းမြစ်များ

Songs 69:12

Da guys dat hang out by da town gate, Dey talk any kine bout me. Da piloot guys Even make songs bout me.

Teacha 9:7

So eat yoa food an stay good inside. Drink yoa wine wit one good heart. Cuz God awready stay good inside bout wat you do.

Isaiah 5:20

“Bummahs! fo da guys dat tell Dat da bad kine stuff stay good, An da good kine stuff stay bad! Dey tell, da dark stay light, An da light stay dark! Dey tell, da kine stuff dat taste bad, stay sweet, An da sweet kine stuff taste bad!

Isaiah 5:22

“Bummahs! fo da guys dat erytime like drink wine, An da real smart guys fo mix da booze.

Ezekiel 26:13

I goin make you guys pau sing all dat noisy kine song, an pau play da music from yoa harps. No mo nobody goin hear um no moa.

Amos 8:10

Wen you guys make one religious kine ceremony dat make you feel good, I goin change um an make you guys come sad. Wen you guys sing, I goin make you guys sing one sad kine song. I goin make erybody stay sad inside An wear burmbag kine cloth An shave bolohead fo show dey stay sad inside. Goin be jalike wen da faddah-muddah guys come sad Cuz dea one an ony boy mahke. Dat time, goin be jalike eryting taste real bad, till da end.”

Amos 8:3

Da One In Charge a me, he tell dis too: “Wen dat time come, da peopo dat sing inside da Temple no can sing, cuz dey sore inside an stay cry loud. Goin get choke plenny mahke bodies! All ova da place! Take um outside da town! An no talk! Dass wat me Da One In Charge tell.”

Zekariah 9:15

Da One In Charge, Da God Ova All Da Armies, goin proteck his peopo. His peopo goin fling stones at da peopo dat stay agains dem. Den his peopo goin party up an drink, An yell loud jalike piloot guys. Dey goin feel jalike dey get one full bowl, Jalike da kine bowl da pries guys use fo sprinkle blood On top da cornas a da altar.