Isaiah 24:8 - Hawaii Pidgin Bible

⁸ Good fun, da tammorine, but now no mo noise. Da noise from da party guys, all gone. Good fun, da harp, but dat stay pau too.

Isaiah 24:8 ပူးပေါင်းရင်းမြစ်များ

Job 3:7

I like fo no odda bebes born dat nite, An fo nobody hear somebody yell cuz dey stay good inside.

Job 30:31

Jalike my harp ony good fo play funeral kine songs, An my flute ony fo wen peopo stay cry.”

Songs 137:2

Us wen hang up oua harp In da middo A da willow tree branches Fo no play um no moa.

Isaiah 16:10

Nobody stay feel good inside Nobody dance an sing Inside da farms an fields, Cuz no mo grapes fo make wine. I make um so no mo party ova dea.

Isaiah 5:12

Dey make big party, Dey get plenny small harp an bass harp, Tammorine, flute, an wine dea. But dey no tink notting bout Da One In Charge, An da tings he do. Wen he show da tings he make wit his hands, Dey no see notting.

Isaiah 5:14

Dass why, jalike wea da mahke peopo go, Da mout stay open big, An waiting fo erybody. Cuz down inside dea, All da rich kine peopo goin go. Same ting fo da odda kine peopo Dat stay make big kine noise an go party out.

Jeremiah 16:9

Me, Da One In Charge, Da God Ova All Da Armies, an da God fo da Israel peopo, an dis wat I tell: Dis wat I goin do in front you guys wen you guys still stay alive. I da One goin make um so nobody stay good inside an like make party. No mo nobody inside dis land goin feel good an get good fun. You guys no goin hear da bride an groom an da wedding party no moa.

Jeremiah 25:10

I goin make shua dat no mo nobody from Jerusalem goin stay good inside o like make party. Even da bride an groom no goin say notting. No goin get noise from da stones dat make da wheat flour, an no goin get light from da olive oil lamps.

Jeremiah 7:34

Inside da Judah towns an da Jerusalem streets, no mo noise goin come from dea, from peopo dat stay good inside, da ones dat get good fun. No goin get wedding party kine noise cuz da whole land goin come all wipe out.”

Sad Song 5:14

Da older leadas stay away from da town gate now. Da young guys no play dea music no moa.

Ezekiel 26:13

I goin make you guys pau sing all dat noisy kine song, an pau play da music from yoa harps. No mo nobody goin hear um no moa.

Ezekiel 28:13

You wen stay inside Eden, Da park wit plenny trees dat God wen plant. You wear all kine jewelry stone dat cost plenny. Da ruby, da topaz, da emerald, Da chrysolite, da onyx, da jasper, Da lapis lazuli, da turquoise, an da beryl. Dey all put inside gold fo hold um togedda. Da day I wen make you, I give you all dat.

Hosea 2:11

I goin stop all her religious ceremonies, Da spesho times she make ery year, Da new moon spesho times, da Res Days, An all da odda spesho religious ceremonies.

Amos 6:7

“Fo shua, pretty soon now, Da Assyria army guys goin come drag you guys outa hea. You guys goin be da firs one. Den you no can lay dea an grind at da religious luaus fo da odda gods, Cuz all dat no goin be no mo fo you guys.

Jesus Show 18:22

No mo nobody goin eva play music inside yoa town no moa. No mo harp, o flute, o trumpet. No mo nobody goin hear da music no moa. No mo da guys dat know how fo make fancy kine stuffs. Nobody goin hear da noise from da millstone Dat grind flour fo yoa bread.