Isaiah 24:7 - Hawaii Pidgin Bible

⁷ Da grape plant no grow nice, Da juice from da grape fo make wine, look funny kine. Da kine peopo dat like party an feel good, Dey stay moan.

Isaiah 24:7 ပူးပေါင်းရင်းမြစ်များ

Isaiah 16:10

Nobody stay feel good inside Nobody dance an sing Inside da farms an fields, Cuz no mo grapes fo make wine. I make um so no mo party ova dea.

Isaiah 16:8

Da grape fields Heshbon side An da grape plants Sibmah side Stay all dry up. Da leadas a da diffren countries Wen tell dea army guys Fo go smash down da red grape plant. Befo time, had grape farm all da way to Jazer, An da shoots from da vine go all ova da place, To da boonies an all da way down To da odda side a da sea.

Jeremiah 7:34

Inside da Judah towns an da Jerusalem streets, no mo noise goin come from dea, from peopo dat stay good inside, da ones dat get good fun. No goin get wedding party kine noise cuz da whole land goin come all wipe out.”

Ezekiel 6:14

An I goin get ready fo wack dem, an bus up dea land fo nobody live dea, from da boonies south side to Riblah north side, wea eva dey stay. Den dey goin know az me, Da One In Charge, dat stay do all dis!’ ”