Isaiah 24:6 - Hawaii Pidgin Bible

⁶ Dass why God put kahuna on top da world Fo burn up eryting dea. All da peopo dat live dea, Dey gotta suffa cuz dey wen do wrong. Dass why, from da ones dat live on top da earth, Ony litto bit peopo stay now.

Isaiah 24:6 ပူးပေါင်းရင်းမြစ်များ

2 Kings 24:12

Koniah da Judah king, his muddah, his officer guys, his alii guys, an all his palace guys go outside da town fo give up to da Babylon king. All dis happen, da numba eight year wen Nebukadnezzar stay da Babylon king. Dass wen he make Koniah come his prisona.

2 Kings 25:12

But some a da peopo dat no mo notting, Nebuzaradan let um stay dea fo dem take kea da grape farms an work inside da fields.

Isaiah 1:31

Even da strong guys Goin burn up jalike one dry leaf. Eryting dey wen work fo make, Goin come jalike one spark. All da stuff dey make, An da guys dat make um, Goin burn up same time, An no mo nobody can pio da fire.”

Isaiah 1:9

Da One In Charge, Da God Ova All Da Armies, If he neva leave us guys some peopo ova dea still yet, Us guys goin come jalike da Sodom peopo, An da Gomorrah peopo—no mo nobody dea.

Isaiah 34:5

Da One In Charge tell, “Afta I use my sword inside da sky Fo wipe out da bad peopo dea, An get blood all ova um, Den, cuz I da judge, I goin use my sword fo bus up da Edom peopo An wipe dem all out.”

Isaiah 43:28

Az why I put kahuna On top da main leada guys Fo da Temple Dat Stay Spesho Fo Me, So dey no can come inside fo pray. An I tell dem dat I wen put kahuna On top da Jacob ohana fo wipe dem out. Erybody goin talk bad Bout da Israel peopo.”

Isaiah 5:24

“Az why, wen dose peopo make lidat, Dey goin come poho, Jalike one plant wit da root all rotten, An da wind blow away all da flowas jalike dus, Jalike da fire burn up da junks from da wheat, An da dry grass no mo wen stay burn. Az cuz dey no take da Rules Dat Da One In Charge, Da God Ova All Da Armies, teach um, An dey ack jalike wateva Da One In Charge tell dem, Stay no good! No matta he da Good An Spesho God fo da Israel peopo,

Isaiah 9:19

Da One In Charge, Da Boss Ova All Da Armies, He no take da bad kine stuff dey do. Dass why he huhu, an da land come all burn up. So da peopo, dey jalike da kine stuff dat da fire goin burn up. Nobody show pity fo dea ohana.

Jeremiah 12:4

“Da land stay coming all dry, An da grass inside ery field stay come wipe out, An da animals an birds go way awready. Cuz da peopo dat live inside dat land do bad kine stuff. How long moa, till you goin make dem stop?! An dose bad peopo stay tell, ‘God no give a rip wat happen to us guys!’ ”

Jeremiah 5:14

Az why Da One In Charge, da God Ova All Da Armies, tell dis to me, Jeremiah: “Cuz da peopo wen talk lidat, Dis wat I goin do: I goin put my words inside yoa mout. Wat you tell dem goin come out jalike one fire, An dese peopo, dey goin come Jalike da wood dat da fire goin burn up!”

Ezekiel 5:3

But take litto bit a da hair, an tie um up on da end a yoa clotheses.

Prieses 26:22

I goin sen wild kine animals agains you guys. Dey goin kill yoa kids, an wipe out yoa cows. Dey goin make you guys come ony litto bit peopo, den no mo nobody goin walk on top da roads inside yoa land.

Malakai 2:2

Dis wat Da One In Charge, Da God Ova All Da Armies tell: “Maybe you guys goin make deaf ear, an no like lissen fo show respeck fo me, no matta you know wat kine god me. Den I goin put kahuna on top you guys. Even da good tings I wen do fo you guys, I goin put kahuna fo make all dat come bad fo you guys. Dass cuz you guys no go all out fo show respeck fo me, no matta you know wat kine god me!

Malakai 3:9

Az why erybody inside da whole nation get kahuna on top dem, cuz you guys stay steal from me.

Malakai 4:1

Dis wat Da One In Charge, Da God Ova All Da Armies tell: “You know wat I goin do? Fo all da peopo dat ack jalike dey mo betta den erybody, An fo all da peopo dat stay do bad kine stuff— Da time goin come, wen dose peopo goin come Jalike da lef ova junk kine stuff from da wheat Dat peopo burn up inside one hot burning oven! No goin get notting lef, Not even da roots, not even da branches!

Malakai 4:6

An he goin make da faddahs come back togedda wit dea kids An da kids come back togedda wit dea faddahs. Cuz if dat no happen, Den I goin put kahuna on top erybody inside yoa land!”

Matthew 27:25

An all da peopo tell, “Yeah, us guys an oua kids goin be da one fo take da blame fo kill um!”

Matthew 7:14

But da real gate stay skinny an da real road mo smalla. Dass da one fo bring you to God dat goin make you live fo real kine, an ony litto bit guys goin pick dat road.

Rome 9:27

Befo time, Isaiah talk fo God inside da Bible. He tell, “Get choke plenny peopo dat get Israel fo dea ancesta guy. Da ohana big, jalike da sand on top da beach, No matta God goin take ony litto bit peopo Outa da bad kine stuff dey do.

Rules Secon Time 28:62

You guys was real plenny peopo, jalike da stars inside da sky, but you guys goin come ony litto bit peopo, cuz you neva lissen yoa God, Da One In Charge.

Rules Secon Time 4:27

Den Da One In Charge goin make you guys go all ova inside odda peopos land, an ony litto bit a you guys goin stay alive ova dea wit da odda peopos, wea Da One In Charge goin make you guys go.

2 Peter 3:10

But da time wen Da One In Charge come back, no goin get nobody dat know wen he goin come. Az jalike wen da steala guy go inside yoa house an you donno he wen come. Dat time, da sky, da sun, da moon, an da stars up dea inside da sky goin come burning hot an wipe out eryting! An den, no goin get notting no moa. Da world an all da tings dat peopo do hea goin burn up.