Isaiah 24:21 - Hawaii Pidgin Bible

²¹ “Dat time, Da One In Charge goin punish All da bad angel army guys inside da sky dat get powa dea. An da kings on top da earth dat get powa dea.

Isaiah 24:21 ပူးပေါင်းရင်းမြစ်များ

Songs 76:12

He no let dea leada guys feel proud, An he make king guys All ova da world stay sked a him.

Isaiah 10:12

Wen God my Boss pau all he goin do on top Mount Zion inside Jerusalem town wea da Temple stay, den God goin tell, “Now I goin punish da king fo Assyria, cuz he get big head an high nose.

Isaiah 13:11

“I goin make bad kine stuff happen To da peopo all ova da world Cuz dey ony do bad kine stuff. I goin make all da peopo dat tink dey big, Pau get big head. I goin make all da ones dat make erybody sked a dem Come notting.

Isaiah 2:12

Da One In Charge, he da God Ova All Da Armies. Goin come one day, he goin go Agains erybody dat get big head, An agains all da peopo dat ack high makamaka. God goin bring down da kine peopo dat tink dey importan. He goin make all dat kine peopo come notting.

Isaiah 24:4

Da world, jalike stay sad inside, an all dry up. Ery place peopo live, jalike dey stay tired, an all dry up. Da big name peopo, jalike dey all tired too.

Isaiah 60:11

Yoa town gates goin stay open all da time. Day time o nite time, dey no goin stay shut, Az fo peopo bring rich kine stuffs fo you guys From all da diffren peopos, thru da gates. Wen dea king guys come by yoa town, You guys goin make parade fo bring um inside.

Ezekiel 39:1

“Eh! Fo Real Kine Guy! Go talk fo me agains Gog. Tell dis: Dis wat Da One In Charge, da Boss, tell: Eh Gog! I stay agains you. You da main leada guy fo da Meshek an Tubal lands.

Ezekiel 39:5

You goin fall down mahke on top da open fields. Cuz az wat me Da One In Charge, da Boss, promise fo do.

Joel 3:19

But Egypt goin stay all wipe out. Edom goin stay ony boonies, all wipe out too. Cuz dey wen make any kine to da Judah peopo, An dey make peopo bleed an mahke Dat neva do notting wrong inside dea land.

Zefaniah 1:8

Da time wen me Da One In Charge make dat sacrifice, I goin punish da leadas an da king ohana peopo, An all da peopo dat pray to da gods from anodda place.

Jesus Show 17:14

Dey goin make war an fight God Bebe Sheep Guy. But he goin win ova dem, cuz he Da One In Charge Ova All Da Bosses an da King ova all da kings! All da peopo dat God Bebe Sheep Guy wen pick an tell dem fo come be his guys, dey do wat dey tell dey goin do, an dey goin stay tight wit him.”

Jesus Show 18:9

Az why da kings from all ova da world dat wen fool aroun wit da Babylon peopo, an dat wen do any kine bad kine stuff wit dem, dey goin see da smoke from da fire dat stay burn dat town. Dey goin cry an come sad inside.