Isaiah 24:20 - Hawaii Pidgin Bible

²⁰ Da earth move dis way an dat way Jalike one guy dat drink plenny An jalike one shack ready fo fall down. Da peopo all ova da world stay go agains God, Dass someting real bad fo dem Dat make um fall down, An dey no can get up no moa.

Isaiah 24:20 ပူးပေါင်းရင်းမြစ်များ

Start 41:31

Da time dat goin come afta, goin be real hard. Cuz wen no mo notting fo eat, erybody goin foget da time wen had plenny fo eat all ova da land.

Job 12:25

Dey try feel wea fo go inside da dark. No mo light ova dea. He make dem stagga aroun jalike dey piloot.”

Songs 107:27

Dey fall all ova da place An stagga jalike dey piloot. Dey donno wat fo do. No matta dey good sailas, Dat no help um.

Songs 38:4

I know you gotta punish me Fo wat I wen do, But I no can handle dat. Jalike I gotta carry someting Real heavy.

Isaiah 1:28

But da peopo dat go agains me An da ones dat stay do bad kine stuff, I goin bus up all dem. Me, Da One In Charge, an I goin wipe all dem out!

Isaiah 1:8

My big town dea Jalike one shack in da middo a one grape field, An jalike fo guard one cucumba field, Jalike one big town wit army guys all aroun, Get ready fo bus up da town.

Isaiah 19:14

Da One In Charge, him da one wen make da Egypt peopo So dey no can tink strait. Cuz a Da One In Charge, da leada guys make dea peopo Go da wrong way bout eryting dey stay do. Da Egypt peopo, dey jalike one piloot guy Dat stay fall all ova, even in his puke.

Isaiah 24:1

Da One In Charge, he stay ready fo wipe out da whole world An make um come empty! He goin change da mountains an valleys An all da peopo goin go all ova da place.

Isaiah 28:7

But nowdays, even dose guys Fall down cuz dey drink too much wine An no can walk good cuz a da beer! Even da pries guys an da guys dat talk fo God, Dey fall down cuz a da beer An no can figga right cuz a da wine. Wen God like show um someting jalike one dream, Dey no undastan um an dey tell um az wrong Wen dey gotta judge wass right an wass wrong, Dey no can do um, cuz dey stay jam up.

Isaiah 29:9

Hang aroun an no do notting, An yoa jaws goin drop! Cova yoa eyes, Fo you no see notting! Come jalike you stay piloot, But not cuz you drink wine. Walk aroun an stagga, But not cuz you drink beer.

Isaiah 38:12

God take my body away from me Jalike one sheep guy broke down his tent. I stay roll up my whole life, Jalike one guy dat stay weave someting, Wen he pau, he roll um up, An jalike God cut me off da frame fo weave. God, morning time I stay okay, But befo nite time you make my life pau.

Isaiah 43:27

Even yoa ancesta befo time wen do bad kine stuff. Even yoa guys dat talk fo me wen go agains me.

Isaiah 66:24

“An wen peopo go outside Jerusalem, dey goin see all da mahke bodies a da peopo dat wen go agains me. Da worm dat stay eat dem no goin mahke, an da fire dat burn dem no goin pio. Erybody goin feel pilau wen dey see da bodies.”

Jeremiah 25:27

Den Da One In Charge tell me: “Now tell um, ‘Dis wat Da One In Charge, da God Ova All Da Armies, da God fo da Israel peopo, tell: Go drink plenny from da cup. Come piloot an puke an fall down so you no can stan up no moa, cuz I goin sen armies fo wipe out you guys.’

Jeremiah 4:24

I look da mountains. Dey stay shake jalike get earthquake! I look da hills. Dey stay move dis side an dat side!

Jeremiah 51:29

Da land shake an move jalike stay hurt, Cuz Da One In Charge know wat he like do, An fo shua he goin do um! He goin wase da Babylon land, So dat no mo nobody goin live ova dea.

Jeremiah 8:4

Tell da peopo, dis wat me, Da One In Charge, tell: “Weneva somebody fall down, Dey goin stan up one mo time, aah? Weneva somebody go da wrong road, Dey goin come back an go da right road, aah?

Sad Song 1:14

“Da One In Charge take all da bad tings I wen do, An tie um togedda fo come one yoke Dat stay on top my neck. He make me come weak. I no can win ova da strong guys. He give me to dem.

Daniel 11:19

So afta dis, da Syria king goin back to da strong wall inside his land. But bumbye he goin come weak, so dat nobody goin worry bout him an no goin see um one mo time no moa.

Amos 8:14

Da ones dat make one strong promise, an make um by da name a da pilau idol kine gods dat da Samaria an Dan an Beer-Sheba peopo pray to, dey goin come wipe out an stay lidat foeva. Dey goin tell: “I shua dat I goin do um, Jalike I shua dat da idol kine god dat da Dan ohana peopo pray to, stay alive! O jalike I shua dat da idol kine god we go pray to Beer-Sheba side, stay alive! “But all dose peopo dat make dat kine promise, dey goin fall down an mahke. Dey no goin get up, eva!” Dass wat Da One In Charge tell.

Nahum 1:5

Da mountains shake cuz a him, Jalike da hills melt. Da groun shake in front him. Erybody dat live on top da earth, dey shake too.

Jesus Show 18:21

Den one strong angel guy pick up one mangus stone, dass big jalike one millstone. He throw um inside da ocean. Den he tell, “Dass how Babylon, da big town, goin come wipe out real fas! An nobody goin eva see um no moa!