Isaiah 24:2 - Hawaii Pidgin Bible

² Goin be same same fo all a dem, Da pries guys an da regula peopo, Da slave guys an da boss guys, Da worka girl an da lady she work fo, Da guy dat buy stuff an da guy dat sell stuff, Da guy dat lend stuff an da guy dat borrow, Da loan shark guys an da guys dey wen lend um.

Isaiah 24:2 ပူးပေါင်းရင်းမြစ်များ

Start 41:50

Dat time, befo da land no can grow da food, Joseph get two boys. Asnat, she dea muddah, her faddah Poti-Fera, da pries fo da Egypt god On.

2 Records 36:20

He take all da odda peopo Babylon side, da ones dat da army guys no kill. Dey come slaves fo him an his boys, till da Persia king ovathrow da Babylon govmen.

Isaiah 2:9

But now, erybody goin come shame. Dey no goin get big head no moa. Eh! You Da One In Charge! No let go dat kine peopo!

Isaiah 24:3

All ova da world, no goin get notting dea, Jalike somebody wen go rip off eryting! Dis wat Da One In Charge tell.

Isaiah 28:7

But nowdays, even dose guys Fall down cuz dey drink too much wine An no can walk good cuz a da beer! Even da pries guys an da guys dat talk fo God, Dey fall down cuz a da beer An no can figga right cuz a da wine. Wen God like show um someting jalike one dream, Dey no undastan um an dey tell um az wrong Wen dey gotta judge wass right an wass wrong, Dey no can do um, cuz dey stay jam up.

Isaiah 5:15

All dem goin lose face an come notting, No matta dey big head an high nose.

Jeremiah 41:2

Ishmael an his ten guys get up an jump Gedaliah wit dea swords an kill um. Gedaliah, you know, he da guy dat da Babylon king wen pick fo stay in charge a da land.

Jeremiah 42:18

“Cuz dis wat Da One In Charge, da God Ova All Da Armies, da God fo da Israel peopo, tell: ‘Jalike I come huhu an tell “Laytas” to wat da peopo dat wen stay inside Jerusalem do, same ting az how I tell “Laytas” to wat you guys goin do wen you go Egypt side. Peopo goin sing sad songs an cry loud kine bout you guys. Dey goin tink az skery wat happen to you. Dey goin like put kahuna on top you guys, an poin finga you guys an laugh at you. An you guys no goin see dis land no moa.’

Sad Song 4:13

All dat happen, cuz da guys dat suppose to talk fo God Do bad kine stuff, An da pries guys kill da guys dat do wass right.

Sad Song 4:16

Da One In Charge, he da One dat scatta dem all ova da place. He no take kea dem no moa. Da pries guys an da older leadas, Nobody show dem respeck no moa.

Sad Song 4:6

Da One In Charge punish my peopo Mo worse den da Sodom peopo wen get punish Fo da bad tings dey wen do. Sodom town come wipe out real fas, No matta nobody attack um.

Hosea 4:9

Same same, wat goin happen To da peopo an to da pries guys?! I goin punish all a dem An pay dem back fo da bad kine stuff dey wen do!