Isaiah 24:18 - Hawaii Pidgin Bible

¹⁸ Anybody run away from some skery kine noise, Dey goin fall down inside da deep hole. Anybody climb outa da deep hole, Somebody goin catch dem in da trap. “Az goin be jalike da time Da sky wen open fo let da watta come down, An undaneat da earth, da foundation stay shake!

Isaiah 24:18 ပူးပေါင်းရင်းမြစ်များ

Start 19:24

Den Da One In Charge make burning sulfur come down outa da sky wea he stay. Da fire come down on top Sodom town an Gomorrah town, jalike was rain.

Start 7:11

Noah was six hundred year an two month an seventeen day ol, wen dat happen. Dass wen Da watta dat run undaneat da wild ocean bus loose, An da big watta from inside da sky come down, Jalike somebody open up da windows up dea.

2 Kings 7:2

Da govmen guy dat come wit da Israel king tell Elisha, da guy dat stay tight wit God, “Wot! You tink Da One In Charge goin open up windows inside da sky an make food come down jalike rain?! No way!” Elisha tell da officer guy, “Fo shua, you goin see um happen jalike I wen tell. But you, you no goin eat notting from dat!”

Job 20:24

No matta dey run away from guys wit iron swords, One arrow wit bronze poin goin stab um.

Songs 18:15

Da One In Charge tell “Not good, wass happening!” Den he blow one real hard blas so can see da bottom a da ocean, An can see da foundation rock wea da earth stan.

Songs 18:7

Den da groun wen shake cuz a da earthquake, Undaneat da mountains da foundation stay shake! Da foundation wen move one side to da odda side, Cuz God come huhu!

Songs 18:8

God come huhu, Jalike smoke come outa his nose. Jalike fire come outa his mout Dat burn up stuff. From him, fire come Jalike kiawe stay burning.

Teacha 9:12

Nobody know wen dey goin mahke. Az jalike wen peopo trap fish in one net, O snag birds inside one trap. Hard times catch peopo, Wen dey figga notting bad goin happen!

Isaiah 13:13

“Dass why I goin make da sky shake An da groun goin move from da place he stay, Cuz dass da time dat me, Da One In Charge, Da God Ova All Da Armies, I still had it, an I no goin take wat da peopo do.

Isaiah 2:19

Peopo goin go inside caves inside da big rocks, An inside da big kine pukas undaneat da groun, Cuz dey real sked a Da One In Charge. He stay awesome cuz he da king, An he goin start fo shake up erybody inside da world.

Isaiah 2:21

Dey goin go inside da cracks in da rocks An da pukas in da pali, Cuz dey real sked a Da One In Charge. He stay awesome cuz he da king, An he goin start fo shake up erybody inside da world.

Isaiah 42:22

But dis Israel peopo, Odda peopo wen rip off an steal An take away dea stuffs. Jalike all a dem stay down Inside one deep hole an no can come out, O peopo hide um inside da jail. Odda peopo make dem dea slave, An no mo nobody fo get dem outa dea. No mo nobody fo tell, “Give back da stuffs you wen rip off!”

Isaiah 8:14

I stay good an spesho, Fo me come jalike one spesho place fo peopo hide an res. But fo da Judah ohana an da Israel ohana, I goin come jalike one stone an make dem trip an fall down. An one trap fo catch da peopo live inside Jerusalem.

Jeremiah 48:43

You peopo dat live Moab side, You goin come real sked an shake, Jalike somebody catch you in dea trap An you fall down inside one deep hole!” Az wat Da One In Charge tell.

Jeremiah 48:44

“Anybody run away from wateva make dem real sked an shaking, Dey goin fall down inside one deep hole. An whoeva climb outa da deep hole, Da trap goin catch um anyway. Cuz az time awready Fo me punish da Moab peopo.” Az wat Da One In Charge tell.

Sad Song 3:47

Us stay sked, an dey dig holes fo trap us guys. Us get real hard time, an dey bus us up.”

Ezekiel 11:8

You guys stay sked somebody goin fight you wit swords. An dass wat I goin do! I goin make one sword fight come to you guys. Me, Da One In Charge, da Boss, I like you guys know dis fo shua!

Ezekiel 12:13

But jalike I goin put out my net fo catch um, an my trap goin get um. I goin take him Babylon side, da land wea da Babylon peopo stay. But he no goin see dat land. An he goin mahke ova dea.

Ezekiel 15:7

I goin go agains dem. No matta dey wen come outa da hard times, jalike dey come outa da fire. Da hard times still yet goin wipe dem out, jalike da fire goin wipe um out. An wen I go agains dem, you guys goin know dat me, Da One In Charge, wen do all dat.

Amos 5:18

Anodda time, Amos tell: “Bummahs, fo you guys dat talk lidis: ‘Time awready fo Da One In Charge show up!’ Wat you guys tink goin happen to you Wen Da One In Charge come back, aah? Wen he show up, eryting goin come hard fo you guys, not good! Jalike one storm make eryting come dark, no mo light!

Amos 5:19

Fo you guys, goin be jalike dis—you go run away from da lion, An anodda kine wild animal goin catch you from da odda side! Den you go inside yoa house, An put yoa hand on top da wall fo res, An da snake bite you!