Isaiah 24:16 - Hawaii Pidgin Bible

¹⁶ From da mos far places on top da earth We hear peopo sing, “Da peopo dat do da right ting erytime, Dey look real good!” But me, I tell dis: “Bummahs! Jalike I stay come wipe out! Cuz get peopo, I no trus dem. Dey tell, dey stay my side. But wen I wen trus dem, Dey trick me.

Isaiah 24:16 ပူးပေါင်းရင်းမြစ်များ

Songs 106:15

So God give um da kine stuff dey aks fo, But he wack um wit one real bad sick.

Songs 119:158

Get peopo dat tell, dey my frenz, But dey ony tell dat fo bulai me, An dey no like do Notting you like teach um. Piss me off plenny, dat!

Songs 2:8

You ony gotta aks, An I goin give you All da diffren peopos Fo be yoa property. Da whole world, dass goin be Yoa land.

Songs 58:10

Da peopo dat stay do wass right, Wen dey see dat God Pay back da bad guys Fo wat dey wen do, Dey goin come real good inside. Jalike God goin get his feets wet Wit da blood from da bad guys.

Songs 65:8

Da peopo dat live Da mos far places inside da world, Dey even stay sked Cuz dey see da tings you do Fo show who you. Da ones dat live inside da lands Wea da sun come up An da lands wea da sun go down, You do tings fo dem, fo dem yell plenny Cuz dey stay good inside.

Songs 67:7

I like fo God stay do good tings fo us. In da mos far parts a da world, I like fo peopo feel sked an shaking Wen dey in front him!

Songs 98:3

Da One In Charge, he no foget Fo stay tight wit da Israel ohana, An dey can trus him fo do Wat he tell he goin do. Dass why da peopos From da mos far parts a da world Know dat oua God Get his Israel peopo outa trouble!

Outa Egypt 15:11

“Eh! You Da One In Charge! From all da gods dat get, No mo nobody jalike you! No mo nobody stay awesome jalike you, Da way you stay good an spesho Wen you do stuff az real awesome An awesome an unreal fo us!

Isaiah 10:16

Cuz a dat, Da One In Charge, da Boss, da God Ova All Da Armies, He goin make da big Assyria army guys Come sick an skinny, An come mo an mo weak jalike get feva. Fo shua, God goin light one fire Dat goin burn up all da awesome stuff Dat da Assyria king wen get.

Isaiah 11:12

He goin hold up one flag so all da peopos know wea fo come. He goin bring togedda all da peopo Dat da odda kings wen throw outa da Israel land, An da Judah guys from far place all ova da world.

Isaiah 17:4

Dat time, eryting dat stay awesome now Bout da Israel ohanas, Dat goin change, an dey no goin stay awesome no moa. Jalike wen one guy had plenny fo eat An now he come skinny.

Isaiah 21:2

God wen show me stuff Dat make me come real bum out jalike one bad dream: “Jalike da guy dat like set up his braddahs, He goin do um. Da guy dat like bus up eryting, He goin bus um up. Da Babylon guys goin make plenny peopo suffa an moan, But I goin make da Babylon guys stop all dat! You Elam army guys, go afta Babylon town! You Media army guys, make camp all aroun Babylon too, Fo nobody go inside dea o come outside!”

Isaiah 26:15

Da One In Charge, you wen give oua nation mo plenny peopo, An dat show dat you stay awesome. You even give us mo big land.

Isaiah 28:5

But dat time, Da One In Charge, Da God Ova All Da Armies, He goin come jalike da nice looking haku lei An jalike one awesome crown Fo da Israel peopo dat still stay alive dea.

Isaiah 33:1

Bummahs! you Assyria guys Dat stay wipe out da odda peopos! Nobody eva wipe you out. Bummahs! you dat set up yoa braddah! Nobody eva set you up. But wen you pau wipe out da odda peopos, Den somebody goin do da same ting to you. Wen you pau set dem up, Den somebody goin set you up.

Isaiah 42:10

Sing one new song fo Da One In Charge! Sing from da mos far places inside da world Fo tell dat he da greates! Sing, you peopo dat go work on da ocean An eryting dat live inside da ocean, you sing too! Sing, you islans, An da peopo dat live on top um!

Isaiah 48:8

You guys neva hear o know Bout wat I tell goin happen. From long time befo time you no like lissen. “But I know dis fo shua— No can trus you guys fo notting. Erybody know, you guys stay go agains me From da time you born.

Isaiah 52:10

Da One In Charge goin show how strong him Cuz he good an spesho! An all da peopo inside all da countries, Even da ones inside da mos far places on top da earth, Dey goin see How oua God get his peopo outa trouble!

Isaiah 6:5

Den I wen yell, “Bummahs! I stay wipe out awready! Da way I stay talk, An da way da peopo I stay wit stay talk, No way us can come in front God! But still yet, I wen see Da One In Charge, da King, Da God Ova All Da Armies.”

Isaiah 60:21

“Dat time, all yoa peopo goin do da right tings. Dey goin own da land foeva, Jalike I plant one young plant An put um dea. Me, I do all dat Fo peopo see dat I awesome.

Jeremiah 12:1

“You, Da One In Charge. You erytime judge da right way Weneva I tell you I get one problem. Still yet, I like talk to you Bout how you tink wass right an wass wrong. How come da bad kine guys come out okay erytime, aah?! How come all da peopo dat you no can trus live one easy kine life?!

Jeremiah 12:6

Even yoa braddahs an yoa ohana peopo, Dey stab you in da back. Dey go all out fo talk bad bout you. But no trus dem, no matta dey talk nice to you.”

Jeremiah 3:20

But you Israel peopo, Da way you guys ack, I no can trus you! You guys ack jalike one wahine dat her husban no can trus, An she dig out from him!’ ” Dass da message from Da One In Charge.

Jeremiah 5:11

Da Israel ohana an da Judah ohana, Da way dey ack, no way I can trus dem!” Az wat Da One In Charge tell.

Sad Song 1:2

Jerusalem jalike one wahine dat stay cry real hard nite time. Get tears all ova da cheeks. Jalike befo time get plenny guys dat get love an aloha fo her, But now, no mo nobody fo make her feel mo betta. Jalike all her frenz sell her out. Jalike dey go agains her.

Hosea 5:7

Me, Da One In Charge, I no trus dem, Cuz dey go agains me. Dey born kids dat no mo da right fo be my kids. Cuz a dat, wen dey make da spesho religious kine ceremony fo da new moon, Dey goin come wipe out, an dea property too.

Hosea 6:7

“But jalike Adam wen do, dey wen broke da deal dey get wit me. Da way dey ack, I no can trus dem.

Prieses 26:39

You peopo dat still yet stay alive, I goin punish you an make you come sick an weak inside da lands a da guys dat stay agains you guys. Cuz a da bad kine stuff you guys an yoa ancesta guys wen do, az why you guys goin come lidat!

Micah 5:4

Da leada goin stan up an take kea his peopo, Jalike one sheep guy take kea his sheeps. He goin stay strong cuz he stay tight wit Da One In Charge, An cuz he know wat kine god, his God, Da One In Charge. Den da peopo goin live dea, An nobody goin bodda dem. Cuz peopo all ova da world Goin know dat da Israel leada guy real importan.

Habakkuk 1:13

You stay good an right. Wen you see peopo do bad kine stuff, You no tell az okay. You tell “Laytas” to eryting dass wrong! So den, how come you let da bad peopo Make one plan fo set up peopo dat trus dem? Wen dey scam da peopo Dat do wass right mo den dem, How come you no tell notting?!

Habakkuk 1:3

How come you make me see Peopo do all kine stuff dass not right?! Wen peopo do wass wrong, How come you let um do um?! Peopo bus up each odda An wipe out each odda right in front me! Dey erytime make argue an beef.

Mark 13:27

Den I goin sen my angel messenja guys fo bring togedda all da peopo God wen pick from all ova da world, ery place dat get unda da sky.

Jesus Guys 13:47

Cuz dis wat Da One In Charge tell us fo do, “ ‘I make you guys jalike one light Fo da diffren peopos dass not Jew guys, Fo you tell all da peopo all ova da world Dat I can get dem outa da bad kine stuff dey stay do.’ ”

Jesus Show 15:3

Dey stay sing jalike Moses, da guy dat wen work fo God, an jalike God Bebe Sheep Guy. Dey sing: “God, you Da One In Charge! You Da God Dat Get All Da Powa. You do big an awesome stuff. You erytime do wass right an wass true. You da King fo all da diffren peopos foeva an eva!