Isaiah 24:11 - Hawaii Pidgin Bible

¹¹ Da peopo stay yell on da street, Cuz no mo notting fo drink. Befo time dey dance an sing plenny, But all dat pau, Jalike wen da sun go down an eryting come dark. Eryting dat wen make da peopo dance an sing, Da army guys wen take um to dea country.

Isaiah 24:11 ပူးပေါင်းရင်းမြစ်များ

Songs 144:14

We like da cows dat pull oua wagons Pull heavy kine stuffs. We like nobody bus up da walls, O drag peopo outa dea home Fo make um prisonas, O make um cry on top da streets!

Smart Guys 31:6

Good, you can go give beer to da almos mahke kine peopo. Good, you can go give wine to da kine peopo dat suffa plenny all da time an no can handle.

Isaiah 16:10

Nobody stay feel good inside Nobody dance an sing Inside da farms an fields, Cuz no mo grapes fo make wine. I make um so no mo party ova dea.

Isaiah 32:10

In litto mo den one year, You guys dat stay shua notting goin hurt you, You goin shake an come sked. Cuz no goin get no mo grapes fo harves, An no goin get fruit fo harves.

Isaiah 32:13

Cry fo my peopo land Dat ony get thorns an thorn bush stay growing! Cry fo all da house wea erybody Wen dance an sing An fo da town wea dey get plenny party befo time!

Isaiah 8:22

Dey goin look at da land, but dey ony see hard time dey goin get ova dea, jalike one dark time dat goin come, jalike da peopo get plenny presha an no can see notting, jalike somebody goin throw um all outside, inside da dark.

Isaiah 9:19

Da One In Charge, Da Boss Ova All Da Armies, He no take da bad kine stuff dey do. Dass why he huhu, an da land come all burn up. So da peopo, dey jalike da kine stuff dat da fire goin burn up. Nobody show pity fo dea ohana.

Jeremiah 14:2

“Da Judah peopo stay sad inside. Da big towns no mo biznis. Da peopo sit on top da groun An cry bout da land, jalike get one funeral. All da Jerusalem peopo stay yell fo help.

Jeremiah 46:12

All da peopos goin hear how you wen lose face. All ova da world, peopo hear you stay yelling real loud. One fighta guy goin trip ova anodda fighta guy. Den da two a dem goin fall down togedda.”

Jeremiah 48:33

No mo nobody get good fun O stay good inside, In da places wea get fruit trees Inside da Moab land. I no let nobody step da grapes An yell cuz dey stay good inside Fo make da wine. If you hear um stay yelling, Az not cuz dey stay good inside.

Hosea 7:14

Dey no call me wit one good heart. Dey ony lay on top dea beds an cry loud. Dey cut dea body Fo odda gods give um wheat an barley an new wine, But dey tell ‘Laytas’ to me!

Joel 1:12

Da grape plant stay all dry. Da fig tree stay all any kine. Da pomagram tree, da date palm tree, da apple tree, All da trees in da field stay all dry. Fo shua da peopo no stay good inside Cuz dey all hamajang inside.

Joel 1:15

Bummahs, dat time! Cuz pretty soon, Da One In Charge goin come. Dat time, Da God Dat Get All Da Powa Goin wipe out peopo.

Luke 16:25

“But Abraham tell, ‘My boy, no foget wen you was alive, you get all da good kine stuff, an Lazarus suffa all da bad kine stuff. Now he stay good ova hea wit God, an you stay suffa inside da fire.