Isaiah 23:5 - Hawaii Pidgin Bible

⁵ Wen da Egypt peopo hear Bout wat happen inside Tyre, Goin hurt dem plenny, Jalike one wahine start fo hurt Wen she start fo born one bebe.

Isaiah 23:5 ပူးပေါင်းရင်းမြစ်များ

Isaiah 19:16

Dat time, da Egypt peopo goin come jalike da wahines. Dey goin stay sked an shaking, wen dey see dat Da One In Charge, Da God Ova All Da Armies, put up his hand an shake um cuz he goin wack um.

Jeremiah 47:4

Cuz dis da time awready Fo wipe out da Filisha guys. Fo wipe out all dea guys dat still stay alive, So dey no can help da Tyre peopo an da Sidon peopo. Da One In Charge stay ready fo wipe out da Filisha peopo, Da ones dat come from Crete Islan.

Ezekiel 28:19

All da ones dat know you from da peopo you trade wit, Dey wen come bum out cuz a you. You wen come horraz, An you no goin be no moa, foeva!’ ”

Ezekiel 30:9

Dat time, goin get messenja guys go out in Nile Riva kine boats from wea I stay, fo make da Sudan peopo come sked so dey no figga eryting stay okay no moa. Dey goin worry plenny wen da Babylon army guys bus up da Egypt peopo, cuz fo shua dey goin had it too!