Isaiah 22:5 - Hawaii Pidgin Bible

⁵ “Da One In Charge a me, Da God Ova All Da Armies, One day he goin come. Den, God goin jam up da Jerusalem peopo head Fo dem no tink an donno wat dey stay do. He goin make dem run all ova each odda, Right dea, inside da place wit mountain all aroun Wea can see wat goin come bumbye. Dat time, da army goin broke down da Jerusalem wall. All da way to da mountain goin hear da peopo stay yelling.

Isaiah 22:5 ပူးပေါင်းရင်းမြစ်များ

2 Kings 19:3

Dey tell Isaiah, “Dis wat Hezekiah tell: Us stay supa presha out today an hard time us get! Da One In Charge stay punish us guys. Us come shame in front da odda peopos! Az jalike one bebe goin born, but da muddah not strong enuff fo born um.

2 Kings 25:10

All da Babylon army guys wit Nebuzaradan, da main leada fo da king bodyguards, broke down da town wall all aroun Jerusalem.

Esther 3:15

Da king tell da messenja guys fo go real quick, so dey go out right den an dea, an tell wat da king rule tell. Dey put up da rule on top da strong wall inside Susa town too. Den da king an Haman sit down fo drink wine. But da peopo inside Susa town, dey donno wat fo do.

Isaiah 10:6

I goin sen da Assyria army guys agains my peopo Dat ack jalike I no matta. I no can take awready Da bad kine stuff da Israel peopo stay do. Dass why I tell da Assyria peopo Fo come take da Israel peopo rich stuff An take um all away. Jalike dey goin walk on top da Israel peopo An push um down jalike dey mud on top da streets.

Isaiah 22:1

Me Isaiah, I get heavy kine stuff fo tell bout wat I see goin happen to da Jerusalem peopo: Dis wat God tell bout da place Wit mountains all aroun, Wea can see wat goin come bumbye. “Wassup wit all you guys?! How come erybody go up on top yoa flat roof?!

Isaiah 25:10

An on top dis same mountain, Jerusalem side, Da One In Charge goin use his powa dea. “But da Moab peopo, Odda peopo goin walk all ova dem, Jalike wen dey make someting fo burn fire, Firs dey throw da doodoo from da animals An straw from da wheat, an watta inside one hole, Den dey step um down good fo mix da mud.

Isaiah 37:3

Dey tell Isaiah, “Dis wat King Hezekiah tell: ‘Dis one day all us feel all bum out. God stay show dat us guys wen do wrong, an cuz a dat us come shame. Us stay jalike wen one bebe goin born, but da muddah not strong enuff fo born um.

Isaiah 5:5

“Now, I goin tell you guys Wat I goin do wit my grape field! I goin take away da hedge from aroun um, Fo da cows come inside an eat wat stay dea. I goin broke down da wall aroun um Fo odda guys go inside an bus um up.

Isaiah 63:3

“He tell: ‘I no smash grapes. I smash da diffren peopos! No mo nobody from dose peopos help me. Ony me! I smash dem cuz I stay huhu wit dem. I real plenny huhu Dat I walk all ova dea bodies. Dea blood shoot out all ova on top my clotheses Jalike juice from da grape, an stain eryting.

Isaiah 63:6

I walk all ova da diffren peopos fo punish dem Jalike dey da grapes, cuz I stay huhu. I make da peopos stagga jalike dey piloot, Cuz I stay huhu still yet, An I make dea blood pour out all ova da groun.’ ”

Jeremiah 30:7

Eryting goin come real bad! Goin come real hard fo erybody! No goin get anodda day like dat! Too much presha fo da peopo dat come from Jacob! But me, Da One In Charge, I goin get dem outa dat trouble.”

Sad Song 1:5

Da peopo dat stay agains da Zion peopo inside Jerusalem come dea bosses. Now da bosses get one easy life! Da One In Charge make da Zion peopo stay sad inside, Cuz dey wen go agains him. Da Zion kids come prisonas an go far away. Dey stay prisonas fo da guys dat wen stay agains dem.

Sad Song 2:2

Jalike da Boss wen wase all da houses fo da Jacob peopo. He no mo pity fo dem. He bus up da strong wall aroun da Judah peopo, Cuz he stay real huhu agains da peopo. He make da king an da princes lose face. He bring um down to da groun, Cuz nobody get respeck fo dem now.

Sad Song 2:8

Da One In Charge make one plan fo bus up da wall aroun Jerusalem. He stretch out one line fo measure wat part he goin bus up. He no hold back. He wipe um out. Jalike he make da strong wall cry. All wasted, da walls!

Ezekiel 7:7

Da bad kine stuff goin happen to you guys dat stay inside da land. Da time stay nea. Da peopo all sked an eryting kapakahi. No mo nobody throw party!

Hosea 10:8

Da sacrifice places on top da hills nea Bet-Aven— Dat mean “house wea peopo do wass wrong”— Dey goin come wipe out. Az wea da Israel peopo stay do da real bad kine stuff. Thorns an da kine weed dat make yoa skin itchy Goin grow ova dea an cova dea altars. Den da peopo goin tell da mountains, “Proteck us!” An tell da hills, “Fall down on top us!”

Micah 7:4

Even da bestes kine guy dea, He jalike one bush wit thorns all ova um. Da guy wit dem dat do da mos right kine stuff, He still mo worse den one plant wit thorns! “Dis, da time yoa guys dat watch fo messages from God Wen talk bout awready. Az time awready fo God punish you guys. Now erybody stay all mix up.

Zefaniah 1:15

Dat time goin be one day Wen me Da One In Charge goin come real huhu. One day wen peopo goin come bum out an get stress. One day wen peopo goin get plenny trouble an come wipe out. One day wen goin come dark, jalike da dark stay thick. One day wen goin get plenny clouds an black sky.

Matthew 24:16

You know, wen you guys see dat happen, if you stay Judea side, go run to da mountains.

Luke 23:30

Dat time da peopo goin tell da mountains, ‘Fall down on top us!’ An dey goin tell da hills, ‘Hide us!’