Isaiah 22:24 - Hawaii Pidgin Bible

²⁴ Him da one gotta carry da load Fo all his faddah guy ohana peopo Fo make shua dey all get respeck. Dey goin make Eliakim take kea eryting fo dem, Even da mos small kine stuff.’ ”

Isaiah 22:24 ပူးပေါင်းရင်းမြစ်များ

Isaiah 22:23

I goin make Eliakim come one strong guy, No mo notting can make him change, Jalike one strong stick Dat stick out from da wall fo hold stuff. Erybody goin get choke respeck fo his faddah ohana, Cuz Eliakim goin be jalike da throne dat hold da king.

Isaiah 22:25

Da One In Charge, Da God Ova All Da Armies, Dis wat he tell: “Bumbye, even Eliakim goin come jam up, Jalike wen somebody put one peg fo hang someting On top one solid place an da peg come loose. Somebody goin chop um off, Den da whole load goin fall down An eryting dat hang on top um goin come wipe out.” Da One In Charge, he da One tell all dat.

Ezekiel 15:3

Can use da grape wood fo make someting peopo goin use, o wat? Can make one peg from um dat stick outa da wall fo hang stuff on top um, o wat? No ways!

Zekariah 6:13

He goin build da temple fo me, an he goin get respeck jalike he one king, an sit on top his throne, an lead jalike one king. He goin be one pries guy too, ova dea on top his throne. He goin do da two jobs togedda, an do um good.’

Matthew 28:18

Den Jesus go nea dem an tell, “God give me all da powa fo me stay in charge a eryting all ova da world an inside da sky.