Isaiah 22:13 - Hawaii Pidgin Bible

¹³ But you know wat?! You guys no stay sad inside. You guys dance an sing, An make party, You kill cows an sheeps, Eat da meat an drink da wine. You tell, ‘Eat an drink now, Cuz tomorra, we mahke!’

Isaiah 22:13 ပူးပေါင်းရင်းမြစ်များ

Isaiah 26:10

But even if God hold back from punish da bad guys, Dey no goin learn fo do da right ting. Even inside one land Wea all da odda peopo stay do da right ting, Da bad kine peopo still goin do bad kine stuff. Dey no goin see Dat Da One In Charge stay awesome fo real kine.

Isaiah 29:1

Bummahs! fo da peopo inside Jerusalem town, Da town dat get da spesho name Ariel! Da town wea King David an his army guys Wen make camp befo he take ova da town. Year afta year, you Jerusalem peopo, Still make da spesho religious kine time!

Isaiah 47:8

“Now lissen, you Babylon guys! You guys, jalike one wahine Dat tink she get eryting nice An can do wateva she like, Cuz no mo nobody goin hurt her. Jalike you stay tink: ‘Me, I da ony one! No mo nobody jalike me! I no goin come one widow An my kids no goin mahke.’

Isaiah 5:11

“Bummahs! to da guys Dat get up early in da morning Fo go all out fo da booze, Dey stay up late nite time, Till jalike dey stay on fire from da wine.

Isaiah 5:12

Dey make big party, Dey get plenny small harp an bass harp, Tammorine, flute, an wine dea. But dey no tink notting bout Da One In Charge, An da tings he do. Wen he show da tings he make wit his hands, Dey no see notting.

Isaiah 5:22

“Bummahs! fo da guys dat erytime like drink wine, An da real smart guys fo mix da booze.

Isaiah 56:12

All dem tell each odda, ‘Come on, you guys! I like get some wine! Us go get piloot wit beer! An tomorra, same ting jalike today, O even mo betta!’ ”

Isaiah 58:3

“Dey tell me, ‘Wase time, Us guys skip food fo us pray, An you neva see dat! Wase time! Us guys no make big head bout notting, An you neva know!’ Dass how dey talk. “But you know wat you guys do?! Weneva you guys skip food, You do um fo make ony you feel good! An same time, you guys make any kine to all yoa worka guys.

Ezekiel 16:49

“ ‘Now dis wat yoa sistah Sodom town wen do dass wrong. Her an her girls get big head, dey get mo plenny food den dey need an dey no need worry bout notting. But dey neva help da peopo dat no mo food an need help.

Hosea 9:1

You Israel peopo, no yell jalike you stay good inside! No ack jalike da odda peopos wen dey amp out. I tell dat cuz you guys no stay tight wit yoa God. Ery place wea peopo split da wheat from da junks, You guys like get money Cuz you fool aroun wit idol kine gods!

1 Corint 15:32

No matta I fight guys dat ack jalike wild animals Efesus side, dass okay! But if I ony do um ony fo me, an not fo God, dass wase time, you know. If da peopo dat mahke no goin come back alive, den mo betta us guys tink jalike da peopo talk, “Eh! Eat plenny! Suck um up! Cuz tomorra us all goin mahke die dead!”

James 5:5

You guys party up all da time hea inside dis world, an you guys tink you gotta get ony da bestes kine stuffs fo you. You guys jalike da cows. You stay eat all day an come all fat, fo da time dey goin bring you guys to da slaughterhouse!