Isaiah 22:12 - Hawaii Pidgin Bible

¹² My boss, Da One In Charge, Da God Ova All Da Armies, He goin call you dat time Fo cry an stay sad inside, Fo pull out yoa hair, An put on burmbag kine clotheses, Fo show you stay sad inside.

Isaiah 22:12 ပူးပေါင်းရင်းမြစ်များ

2 Records 35:25

Jeremiah make up sad kine songs fo no foget Josiah, an still yet today all da guys an wahines dat sing no foget Josiah wit dose sad kine songs. Dey stay make um da funeral songs fo da Israel peopo, an write down how fo sing dose sad kine songs.

Ezra 9:3

Wen I hear dat, I come real sad inside. Den I rip my clotheses an my robe fo show I feel bad. I pull hair outa my head an my beard. I jus sit dea an no can figga an no can do notting.

Nehemiah 9:9

“You wen see how oua ancesta guys suffa plenny Egypt side. You wen hear dem yell fo help by da Red Sea.

Job 1:20

Wen Job hear dat, right den an dea he stan up an rip his clotheses an shave his head fo show he stay sad inside. Den he go down an put his face on top da groun.

Teacha 3:11

He make eryting happen jalike suppose to happen, fo da time wen suppose to happen. He make peopo tink bout wat maybe goin happen bumbye, but dey no can undastan eryting dat God stay do from da start till da end.

Teacha 3:4

One time fo cry An one time fo laugh, One time fo stay sad inside An one time fo dance.

Isaiah 15:2

Da Moab peopo go up to dea temple, An da Dibon peopo go up da sacrifice place on top da hill Fo cry. Cuz Nebo an Medeba stay bus up, Da Moab peopo yell plenny. Dey cut off dea hair an all dea beard Fo show dey stay sad inside.

Isaiah 26:10

But even if God hold back from punish da bad guys, Dey no goin learn fo do da right ting. Even inside one land Wea all da odda peopo stay do da right ting, Da bad kine peopo still goin do bad kine stuff. Dey no goin see Dat Da One In Charge stay awesome fo real kine.

Isaiah 29:1

Bummahs! fo da peopo inside Jerusalem town, Da town dat get da spesho name Ariel! Da town wea King David an his army guys Wen make camp befo he take ova da town. Year afta year, you Jerusalem peopo, Still make da spesho religious kine time!

Isaiah 3:24

“Now dey get perfume, But den dey goin smell haunas. Now dey get one fancy kine cloth aroun da wais, But layta dey goin get ony one rope. Now dey get nice style hair, But den dey goin come bolohead. Now dey get fancy kine clotheses, But den dey get ony burmbag clotheses. Now dey nice looking, But den dey get burn scar all ova dem.

Isaiah 32:11

Shake an come sked You wahines dat no give a rip bout notting. Shake an come sked You daughtahs dat stay shua notting goin hurt you. Take off yoa clotheses An put burmbag cloth aroun yoa wais Fo show you stay sad an crying.

Isaiah 37:1

Wen King Hezekiah hear wat da Assyria guy tell dem, he come real sore inside. He rip his clotheses an put on burmbag kine cloth fo show how he feel. Den he go inside da Temple.

Isaiah 37:2

He tell Eliakim, da guy dat stay in charge a da palace, Shebna, da secretary guy, an da older pries guys fo put on burmbag cloth an go by Isaiah, Amoz boy, da one dat talk fo God.

Isaiah 58:3

“Dey tell me, ‘Wase time, Us guys skip food fo us pray, An you neva see dat! Wase time! Us guys no make big head bout notting, An you neva know!’ Dass how dey talk. “But you know wat you guys do?! Weneva you guys skip food, You do um fo make ony you feel good! An same time, you guys make any kine to all yoa worka guys.

Jeremiah 16:6

“Da importan peopo an da not so importan kine peopo, dey all goin mahke inside dis land. No mo nobody goin bury dem, an no mo nobody goin stay sad inside an cry fo dem. No mo nobody goin cut dea body o make dea head bolohead fo show dey stay sad inside.

Jeremiah 16:8

“An no go inside one house wea peopo stay making party fo sit down wit da peopo dat stay eat an drink plenny.

Jeremiah 4:8

So, you guys betta put on burmbag kine clotheses, Fo show you guys stay sad inside an crying, Cuz Da One In Charge stay real huhu wit us guys. An he still yet stay huhu!”

Jeremiah 7:29

“ ‘Eh you Jerusalem peopo! Cut yoa hair an make bolohead fo show you stay sad inside. Cut um off an throw um away. Go da trails on top da mountains wea no mo notting grow, An sing one sad song dea. Cuz Da One In Charge had it wit his peopo. He dig out awready from da peopo dat stay hea now. He throw um out cuz he stay real huhu wit dem.’ ”

Ezekiel 27:31

Dey goin pull out dea hair from all ova dea head Fo show dey stay sad inside cuz a you Tyre guys. Dey goin wear burmbag kine clotheses. Dey goin cry an stay sad An come real sore inside.

Daniel 5:1

Long time afta, Belshazzar come king. One time, he throw one big party fo one tousan a his alii guys, an he drink wine togedda wit dem.

Hosea 9:1

You Israel peopo, no yell jalike you stay good inside! No ack jalike da odda peopos wen dey amp out. I tell dat cuz you guys no stay tight wit yoa God. Ery place wea peopo split da wheat from da junks, You guys like get money Cuz you fool aroun wit idol kine gods!

Joel 1:13

You pries guys, put on burmbag clotheses Fo show you stay sad inside. Cry loud, you guys dat work in front da altar. Wear burmbag clotheses all nite, You guys dat work in front my God. Cuz no mo da wheat an barley sacrifices an da drink sacrifices, No mo notting fo bring inside da Temple Fo Yoa God.

Joel 1:8

Cry cuz you stay sad inside, Jalike one bride, Dat gotta put on burmbag clotheses Fo show she stay sad inside, Cuz da guy she goin marry, he mahke.

Joel 2:12

Da One In Charge tell, “No matta I stay come awready, Go all out fo come back to me! No eat so you can pray. Cry, an stay sad inside.”

Joel 2:17

Let da pries guys dat work in front Da One In Charge Cry wen dey go from da temple lanai to da altar. Let dem tell, “Da One In Charge, try show pity fo yoa peopo. No let da odda peopos talk bad bout yoa property! No good da odda peopos tell each odda, ‘Wea dea God stay?’ ”

Amos 8:10

Wen you guys make one religious kine ceremony dat make you feel good, I goin change um an make you guys come sad. Wen you guys sing, I goin make you guys sing one sad kine song. I goin make erybody stay sad inside An wear burmbag kine cloth An shave bolohead fo show dey stay sad inside. Goin be jalike wen da faddah-muddah guys come sad Cuz dea one an ony boy mahke. Dat time, goin be jalike eryting taste real bad, till da end.”

Jonah 3:6

Den da king fo Nineveh, he hear bout wat Jonah stay tell too. He stan up from his throne, take off his fancy king kine robe, an put on burmbag kine clotheses an go sit down on top da ashes, fo show he stay sorry inside.

Micah 1:16

Shave off yoa hair an come bolohead Fo show you guys stay sad inside. Cuz da kids dat you guys get plenny love an aloha fo, Da army guys goin make dem prisonas An take dem away. So come bolohead jalike one scavenja bird!”

James 5:1

Eh! You rich peopo! Lissen! Mo betta you cry plenny now, an feel sad! Cuz bumbye, you goin suffa plenny fo shua.