Isaiah 21:9 - Hawaii Pidgin Bible

⁹ An now, look! One guy inside one war wagon stay come, Get two horse stay pull um.” Den somebody tell, “Babylon town stay all bus up! All da idol kine gods fo Babylon, Stay all smash an all on top da groun!”

Isaiah 21:9 ပူးပေါင်းရင်းမြစ်များ

Isaiah 13:19

From all da diffren countries, Babylon, dass da mos awesome looking one. All da peopo dea feel real good Cuz Babylon stay da leada. But God goin wipe dem out Jalike he wen wipe out Sodom an Gomorrah.

Isaiah 14:4

Den you guys goin sing one song fo draw picha bout da Babylon king guys cuz you guys win awready: Look da ones wen give us hard time, Dey pau awready! Befo time, dey amp out jalike dey da winna, But now, dey no tell notting!

Isaiah 2:18

Da idol kine gods, God goin broke um down.

Isaiah 21:7

If he see war wagons An plenny horse wit um, Guys stay riding on top donkeys, An on top camels, Den he gotta look real good, An lissen!”

Isaiah 47:5

Da One In Charge, he tell da Babylon peopo: “Sit down an no talk! Sit inside da dark place. Nobody goin tell you guys no moa Dat yoa town jalike da queen Ova all da kings an da peopos.

Isaiah 47:9

But one day, same time, two tings goin happen: You goin come one widow, An yoa kids goin mahke. No matta you do kahuna kine stuff, An you use plenny magic kine words, Still yet dey goin come mahke die dead!

Isaiah 48:14

“All you peopos, come togedda an lissen! Wat idol kine god Wen tell bout dis stuff dat goin happen?! No mo! Me, Da One In Charge, I wen pick my fren Cyrus. He goin do eryting I like him do Agains da Babylon peopo.

Jeremiah 50:29

“Go tell all da guys dat shoot bow an arrow fo come, Da guys dat know how fo make da bow ready fo shoot, Fo dem go attack Babylon town. Go camp all aroun Babylon. No let nobody get outa dea. Pay dem back fo wat dey wen do. Make to dem jalike dey wen make to da odda peopos. Cuz dey wen get big head an go agains Da One In Charge, Da God Dat Stay Good An Spesho fo da Israel peopo.

Jeremiah 50:38

I goin make dea watta ditches come dry, Cuz da Babylon peopo get plenny idol kine gods. An dose idol kine gods goin get mad an ack all pupule Cuz dey goin come real sked.

Jeremiah 50:42

Dey stay carry bow an arrow an short spear fo fight. Dey mean, an dey like hurt peopo, an dey no give chance. Wen dey ride dea horses, Dey soun jalike big noise from da ocean. Dey all line up ready fo fight, An az you guys, da Babylon peopo, dey stay coming afta!”

Jeremiah 50:9

Cuz dis wat I goin do: I goin make some peopos come huhu an come togedda Fo make one plan fo attack Babylon town. Da armies from da big countries goin come From da north side. Dey goin make ready fo fight. Dey goin take ova Babylon from da north. Dea arrows, jalike army guys dat no goin miss, An erytime dey goin hit wat dey shoot.

Jeremiah 51:27

“Put up one flag inside da Babylon land! Blow da sheep horn trumpet Fo tell da diffren peopos time fo attack! Make da peopos come spesho fo me Fo dem fight Babylon! Call dese peopos fo go agains Babylon: Ararat, Minni, an Ashkenaz. Pick one officer guy fo take charge agains Babylon. Sen plenny horses jalike az plenny locust kine grasshoppas.

Jeremiah 51:44

I goin punish Bel, da god fo da Babylon peopo. I goin make Bel bahf wat he wen swallow. Da peopo no goin go Babylon fo pray to Bel no moa, Jalike how was befo time. Da Babylon town wall goin fall down too.

Jeremiah 51:47

Cuz fo shua, da time goin come Wen I goin punish da idol kine gods Babylon side. Peopo all ova da Babylon land goin come shame, An peopo inside Babylon town goin fall down an mahke.

Jeremiah 51:52

Dis wat Da One In Charge tell: “But da time goin come Wen I goin punish dea idol kine gods Dat da Babylon peopo stay pray to. All ova dea land, Da ones dat almos mahke goin cry an moan.

Jeremiah 51:64

Den tell, ‘Az how Babylon goin go down an no come back up no moa, cuz a all da bad kine stuff I stay ready fo make happen to dem. An dea peopo goin lose fight.’ ” Az all da messages Jeremiah wen tell. Dass it, pau awready.

Jeremiah 51:8

Wen da Babylon peopo tink notting bad goin happen, Right den an dea dey goin fall down an come all bus up! Cry fo da Babylon peopo! Bring medicine cuz dey hurt! Maybe dey can come good.

Jesus Show 14:8

Den I see da numba two angel messenja guy come. He tell, “Babylon, da Big Town, come wipe out! Cuz da Babylon peopo wen ack jalike one wahine dat make all da diffren peopos drink her kine wine, an dat make dem all go pupule an ony like fool aroun somebody.”

Jesus Show 18:2

Da angel tell wit one loud voice, “Babylon wen get wipe out! Dat big town pau awready! Now inside dea ony get bad kine spirits, An all kine pilau scavenja birds stay hide dea too!

Jesus Show 18:21

Den one strong angel guy pick up one mangus stone, dass big jalike one millstone. He throw um inside da ocean. Den he tell, “Dass how Babylon, da big town, goin come wipe out real fas! An nobody goin eva see um no moa!