Isaiah 21:3 - Hawaii Pidgin Bible

³ Wen I hear dis, I come plenny sore inside An I move my body. Da pain stay grab me, Jalike wen one wahine start fo born one bebe. I stay all mix up an no can figga Cuz a wat I wen hear. Bodda me plenny an make me sked, Wat I wen see.

Isaiah 21:3 ပူးပေါင်းရင်းမြစ်များ

Songs 48:6

Real fas dey come all sked an shaking, Jalike one wahine Dat start fo born one bebe!

Isaiah 13:8

Dey stay real sked an lose fight. Dey feel sore inside, an no can keep still Jalike one wahine dat goin born one bebe. Dey look at each odda An dea face stay all red from da fire, Cuz Babylon town stay burn!

Isaiah 15:5

Inside I stay cry fo da Moab peopo. Da peopo from dea run all da way to Zoar town An to Eglat-Shelishiyah. I stay cry cuz dey go up da way fo go to Luhit, An dey still stay cry wen dey stay going. I stay cry cuz on top da road to Horonaim, Da peopo stay yell An tell bout dea place Wea eryting stay broke.

Isaiah 16:11

Dass why I stay cry inside fo da Moab peopo. I stay cry real plenny, Jalike one sad song you play wit da harp. How I tink an how I feel, I feel real sore inside fo da Kir-Hareset peopo.

Isaiah 16:9

Dass why I stay cry plenny Da same way da Jazer peopo cry Fo da grape plants Sibmah side. I cry mo plenny Fo da Heshbon an Elealeh peopo. Befo time, wen da Moab peopo bring dea summa fruit An harves da wheat, Erybody yell plenny, Cuz dey feel good inside. But now, da peopo no yell dat way no moa Cuz no mo notting fo harves.

Isaiah 26:17

Us guys stay jalike one wahine Az time awready fo born one bebe, Den her move aroun an yell Cuz her stay real sore. Dass how we wen stay cuz a you, Da One In Charge.

Jeremiah 4:19

Den Jeremiah tell, “Bummahs! I suffa plenny! I plenny sore cuz I hurt inside. My heart stay poun hard inside, I gotta tell someting! Cuz I hear da soun from da trumpets fo start fo fight! I hear da army guys yell!

Jeremiah 48:41

Da nation dat stay come Goin take ova da towns. Dey goin capcha all da place dat get strong wall. Dat time, da Moab army guys Goin suffa, jalike one wahine Dat suffa wen she born one bebe.

Jeremiah 49:22

Look! One nation stay come! Jalike one eagle dat stay fly high An den come down fas. Da eagle spread his wings fo attack Bozrah town. Dat time, da Edom army guys, Goin suffa, jalike one wahine Dat suffa wen she born one bebe.

Jeremiah 50:43

Da Babylon king stay hear bout dis, An he lose fight. He no can handle! He real sore, jalike one wahine dat ready fo born one bebe.

Jeremiah 6:24

I tell: “Us wen hear stuff bout dem awready, An we lose fight. Us worry plenny, an dat make us come weak. We hurt jalike one wahine dat stay born one bebe.

Habakkuk 3:16

Wen I hear all dat, my body stay shake. My lips shake cuz I sked. My bones come weak. My legs shake wen I stan. But I goin res easy An wait fo da time God goin punish dem, Dose peopo dat attack us.

John 16:21

You know, wen one wahine goin born one bebe, she sad cuz she stay suffa. But afta da bebe born, she no tink bout dat no moa. Den she stay good inside cuz one bebe born hea inside dis world.

Rules Secon Time 28:67

Morning time you guys goin tell, ‘I like nite time fo come!’ Nite time you guys goin tell, ‘I like morning time fo come!’ Cuz you guys stay real sked inside, an you goin see real bad kine stuff happen.

1 Tessalonika 5:3

Erybody goin tell, “Eh, eryting goin good! Notting goin happen to me!” Den bummahs! Right den an dea dey goin get it! Goin be jalike wen da pain hit da hapai wahine. No way peopo can run away from dat kine!