Isaiah 21:2 - Hawaii Pidgin Bible

² God wen show me stuff Dat make me come real bum out jalike one bad dream: “Jalike da guy dat like set up his braddahs, He goin do um. Da guy dat like bus up eryting, He goin bus um up. Da Babylon guys goin make plenny peopo suffa an moan, But I goin make da Babylon guys stop all dat! You Elam army guys, go afta Babylon town! You Media army guys, make camp all aroun Babylon too, Fo nobody go inside dea o come outside!”

Isaiah 21:2 ပူးပေါင်းရင်းမြစ်များ

Start 10:22

Dis da peopos dat come from Shem: Elam, Asshur, Arpakshad, anodda Lud guy, an Aram.

2 Kings 17:6

Wen Hoshea stay king fo nine year, da Assyria king take ova Samaria town, an make da Israel peopo go Assyria side fo live. He make some a dem live Halah side, some a dem by da Habor Riva dat go by Gozan, an da res inside da towns wea da Mede peopo live.

Songs 119:158

Get peopo dat tell, dey my frenz, But dey ony tell dat fo bulai me, An dey no like do Notting you like teach um. Piss me off plenny, dat!

Songs 12:5

But Da One In Charge, dis wat he tell: “Get peopo dat like wipe out Da peopo dat no mo notting An need plenny stuff. An get peopo dat need somebody Fo take kea dem, an dey moaning. Cuz a dat, I goin do someting! I goin do wateva I gotta do Fo get dem outa trouble, Cuz fo shua, dass wat dey like me fo do!”

Songs 25:3

Same ting fo all da peopo dat stay wait fo you Cuz dey shua you goin help um. No let dem come shame too! But da back stabbas Dat do um cuz dey like do um, Make dem come shame!

Songs 60:3

You wen make yoa peopo suffa, Jalike you make um Drink da kine wine Dat make um piloot So dey no can stan up strait.

Songs 79:11

Wen you hear oua peopo Dat stay prisonas, moaning, Lissen to dem! You get choke plenny powa, So wen da judge guys From da odda peopos tell Dat oua peopo gotta mahke, Make shua dey no mahke!

Smart Guys 13:15

Wen you akamai an you can tink strait, Erybody like dat. But da kine guys you no can trus, Dey goin be lidat all da time.

Isaiah 11:11

Anodda ting goin happen dat time: Da One In Charge a me goin go bring back all his peopo dat still yet stay alive, from Assyria, Egypt, South Egypt, Sudan, West Iran, Babylonia, North Syria, an da islans.

Isaiah 14:4

Den you guys goin sing one song fo draw picha bout da Babylon king guys cuz you guys win awready: Look da ones wen give us hard time, Dey pau awready! Befo time, dey amp out jalike dey da winna, But now, dey no tell notting!

Isaiah 14:7

But den, all ova da world eryting stay quiet. No mo trouble. Da peopo stay sing cuz dey feel good inside.

Isaiah 22:6

Da Elam guys goin shoot dea bow an arrow at da Jerusalem guys From inside da war wagon, Wit odda guys fo drive da horses fo da war wagon. Da guys from Kir goin put up da shield.

Isaiah 24:16

From da mos far places on top da earth We hear peopo sing, “Da peopo dat do da right ting erytime, Dey look real good!” But me, I tell dis: “Bummahs! Jalike I stay come wipe out! Cuz get peopo, I no trus dem. Dey tell, dey stay my side. But wen I wen trus dem, Dey trick me.

Isaiah 33:1

Bummahs! you Assyria guys Dat stay wipe out da odda peopos! Nobody eva wipe you out. Bummahs! you dat set up yoa braddah! Nobody eva set you up. But wen you pau wipe out da odda peopos, Den somebody goin do da same ting to you. Wen you pau set dem up, Den somebody goin set you up.

Isaiah 35:10

Da ones, Da One In Charge wen pay da price fo dem, Dey goin come back to Mount Zion. Dey goin go inside da Temple Fo Da One In Charge, An dey goin dance an sing An feel good inside all da time. All dat goin be jalike one crown on top dea head. Wen dey stay go, dey feel good inside Mo an mo erytime. Befo time, dey feel sore inside plenny. But all dat gone awready!

Isaiah 47:6

I wen stay huhu wit my peopo. An make to my peopo Jalike dey no stay spesho fo me. I wen give my peopo to you Babylon guys, An you neva even give dem chance. You even make da ol peopo suffa plenny, An make dem carry one heavy load.

Jeremiah 25:25

all da king guys fo da Zimri, Elam, an Mede peopo,

Jeremiah 31:20

But Da One In Charge tell: “Da Efraim peopo, dey my kids dat I love! Dey my kids, an dey make me feel good inside. I grumble bout dem plenny times, Still yet, I no foget dem even litto bit! Az why I stay sad inside Cuz I miss dem plenny. I get plenny love an pity fo dem.” Az wat Da One In Charge tell.

Jeremiah 31:25

Erybody dat come weak cuz dey thirsty, I goin give um plenny fo drink. Erybody dat feel jalike dey goin fall down cuz dey hungry, I goin feed dem plenny.”

Jeremiah 45:3

“You tell, ‘Ho, man! I stay all jam up! Da One In Charge make me come mo an mo sore inside, so I stay hurt plenny! I stay real tired from moaning! I no can res!’ ”

Jeremiah 49:34

Dis wat Da One In Charge tell Jeremiah bout da Elam peopo right afta Zedekiah come da Judah king:

Jeremiah 49:35

Dis wat Da One In Charge, da God Ova All Da Armies, tell: “You know wat I goin do?! I goin make da Elam peopo so dey no can fight! Jalike I goin broke dea bows an arrows, Az da main ting dat make um strong.

Jeremiah 50:14

“Erybody dat know how fo use da bow an arrow, Make ready fo fight all aroun Babylon! Shoot arrows at dem! No hold back da arrows! Cuz da Babylon peopo Wen do bad kine stuff agains Da One In Charge.

Jeremiah 50:34

But da One dat goin get da Israel peopo outa trouble, stay strong. Dass Da One In Charge, da God Ova All Da Armies, Az wat kine god him. He goin stan up fo dem Fo dem res real good inside dea land. But he goin bring trouble Fo da peopo dat live inside Babylon.”

Jeremiah 51:11

Da ones dat goin attack Babylon tell, “Make yoa arrows sharp. Fill up yoa arrow bags! Da One In Charge wen put one spirit inside da kings fo da Mede peopo Dat make um like do someting. Az cuz he make up his mind, Fo wipe out Babylon. How come Da One In Charge goin pay dem back, aah? He pay um back Cuz a wat dey wen do to his Temple!

Jeremiah 51:44

I goin punish Bel, da god fo da Babylon peopo. I goin make Bel bahf wat he wen swallow. Da peopo no goin go Babylon fo pray to Bel no moa, Jalike how was befo time. Da Babylon town wall goin fall down too.

Jeremiah 51:53

No matta da Babylon peopo like climb up to da sky, An make dea town wall real high Fo nobody climb ova um, Goin get guys dat come from me Dat goin wipe out Babylon town.” Az wat Da One In Charge tell.

Sad Song 1:22

“I like you see all da bad kine stuff dey do. Pay um back hard! Jalike you wen pay me back hard, Fo all da stuff I wen do agains you. I stay moan plenny, An I stay weak an sad inside.”

Daniel 5:28

“An ‘parsin,’ mean dat God half half da land wea you stay king, an give half to da Mede peopo an half to da Persia peopo.”

Daniel 5:9

Az why King Belshazzar come even mo sked, an his eyes come mo big. Da alii guys no can figga um too.

Daniel 8:2

Fo dis dream, me Daniel stay da Elam districk, inside da part a Susa town dat get strong wall. I stay stan by da side a da Ulai Canal.

Daniel 8:20

Da ram wit da two horn dat you wen see, dass jalike da king guys fo da Mede an Persia guys.

Jesus Show 13:10

Whoeva suppose to go prison, Dey goin go prison! Whoeva suppose to get kill wit sword, Dey goin get kill wit sword!” So dass why, God spesho peopo, dey gotta hang in dea an lissen God an trus him!

1 Samuel 24:13

Jalike da smart peopo wen tell long time befo time, ‘From bad kine peopo come bad kine stuff!’ But I not one bad guy, an no way I goin do someting bad to you.