Isaiah 21:16 - Hawaii Pidgin Bible

¹⁶ Dis da ting God my boss tell me: “Befo pau one year, jalike one guy dat get work contrack mark how many days mo till da contrack pau, all da rich stuff inside Kedar no goin be no moa.

Isaiah 21:16 ပူးပေါင်းရင်းမြစ်များ

Start 25:13

Da boys dat come from Ishmael, dis dea names from da oldes to da younges: Nebaiot was da numba one boy, den Kedar, Adbeel, Mibsam,

1 Records 1:29

Nebaiot da firs boy fo born from Ishmael. An den Kedar, Adbeel, Mibsam,

Job 7:1

“Eh God! Erybody in da world get hard work dey gotta do. Dey live jalike dey ony worka guys.

Songs 120:5

Bummahs! I gotta live Far away from my peopo, Jalike I stay wit da no good peopo Meshek side, O jalike I put up one tent Wit da Kedar peopo.

Love Song 1:5

Eh you young Jerusalem wahines! Dark, but pretty, How I stay look! I dark jalike da dark tents da Kedar peopo use, Jalike da kine cloth Solomon use fo cova his tent!

Isaiah 16:14

An now Da One In Charge tell dis too: “Da Moab peopo, get choke plenny a dem, an dey awesome. But ony three year from today, jalike da day one work contrack pau, nobody goin tink da Moab peopo stay awesome. Cuz dat time, ony goin get litto bit Moab peopo inside dea. All da odda Moab peopo gone awready! Da ones dat stay back, dey no can do notting cuz dey no mo powa.”

Isaiah 42:11

Sing, you peopo dat live Inside da towns in da boonies. Let da peopo stay good inside Dat live in da small towns Wea da Kedar ohana peopo stay. Let da peopo inside Sela town yell Cuz dey stay good inside. Let dem call real loud From da top a da mountains.

Isaiah 60:7

All da sheeps from Kedar goin come togedda fo you guys. Da goats from Nebaiot goin be wat you guys need Fo make good kine sacrifice on top my altar. An I goin make my awesome Temple mo nice still yet.

Jeremiah 2:10

“Go take da boat da west side Cyprus Islan An da odda islans ova dea fo look how da peopo ack. Sen peopo east side by da Arab peopo an scope um out, Fo see if someting stay happen ova dea, jalike wat stay happen ova hea.

Jeremiah 49:28

Bout da Kedar ohana an da small town leada guys aroun Hazor, da ones King Nebukadnezzar wen take ova, dis wat Da One In Charge tell: “Stan up! Go attack Kedar! Wipe out da peopos dat live inside da east side boonies!

Ezekiel 27:21

“ ‘Da guys from Arabia an da princes from Kedar buy an sell stuffs wit you guys. Dey trade dea bebe boy kine sheeps, an boy kine goats.