Isaiah 21:10 - Hawaii Pidgin Bible

¹⁰ God tell, “Bummahs! My Israel peopo, You pooa guys stay all bus up, Jalike wen dey smash da wheat on top da groun Fo take out da junk kine stuffs.” Dass wat I wen hear from Da One In Charge, Da God Ova All Da Armies, Da God fo da Israel peopo. He wen tell me all dat fo help you guys.

Isaiah 21:10 ပူးပေါင်းရင်းမြစ်များ

1 Kings 22:14

But Mikaiah tell, “Jalike fo shua Da One In Charge stay alive, I stay shua too bout da ony ting I goin tell him! Az wat Da One In Charge goin tell me!”

2 Kings 13:7

Dat time, ony get litto bit army guys stay fo Jehoahaz. Ony get fifty horse an ridas, ten war wagon, an ten tousan army guys. Cuz da Aram king wen wipe out all da oddas, an make um come jalike da dirt dat fall down wen peopo hemo da junks from da wheat.

Isaiah 28:28

Fo make bread, firs gotta smash da wheat litto bit Fo take out da junks, But no need stay take out da junks all da time. Dey use da horses Fo move da wagon wheel ova um, But not fo smash da wheat real small kine.

Jeremiah 23:28

Wen da guys dat tell dey talk fo me get one dream, dey gotta tell dass jus one dream. But da guy dat get one fo real message from me, he betta tell um fo real kine. Cuz da straw not da same ting jalike da wheat.” Az wat Da One In Charge tell.

Jeremiah 51:33

Dis one message from Da One In Charge, da God Ova All Da Armies, da God fo da Israel peopo. He tell: “Babylon town an da peopo dat live dea Goin come jalike one flat place Wea peopo clean da groun Fo take da junk kine stuffs outa da wheat. Wen da flat place all clean up, Den da harves time almos ready fo come.”

Ezekiel 40:4

Da guy tell, “Eh! Fo Real Kine Guy! Look good wit yoa eyes an lissen good wit yoa ears. Look real good at eryting I goin show you. Az why God wen bring you ova hea fo see dat. Tell da Israel peopo Babylon side eryting you goin see dea!”

Amos 3:8

Wen da lion make big noise, you betta come sked! Wen Da One In Charge a us guys dat talk fo him tell someting, Us guys betta talk fo him!

Micah 4:13

Da One In Charge tell: “You guys my Jerusalem peopo, Get up an go drag da heavy board wit plenny spike Fo clean da junks from my peopo, Jalike dey wheat fo clean! Cuz I goin make you guys strong Jalike one bull dat get iron horns an bronze feets. You goin bus up plenny peopos! You goin give all dea rich kine stuffs to Da One In Charge, Jalike da stuffs az one sacrifice fo him. Da stuff dey get wen dey bus up odda peopos, Goin be fo Da One In Charge, Da Boss fo all da peopos inside da world!”

Habakkuk 3:12

You stay huhu, an you walk thru da earth. You huhu, an you make to da nations Jalike wen peopo wack da wheat Fo split um from da junk kine stuff.

Matthew 3:12

Jalike he goin throw all da wheat fo let da wind blow all da no good parts from da wheat, an den he goin put dat wheat inside da storage place. Afta dat, he goin burn all da no good parts inside da fire dat no goin pio eva.”