Isaiah 20:5 - Hawaii Pidgin Bible

⁵ Da Judah peopo dat wen trus da Sudan peopo an talk big bout da Egypt peopo, dey goin lose fight an come shame too.

Isaiah 20:5 ပူးပေါင်းရင်းမြစ်များ

2 Kings 18:21

Wise up! You stay trus da Egypt king, but no can trus him. Da Egypt guys, jalike one small splinta from one bamboo dat get smash, dat poke yoa hand an make you sore if you lean on top um! Az how plenny Pharaoh, da Egypt king, goin help all you guys dat trus him!

Isaiah 2:22

No trus da peopo! Da ones dat stay breave da air an stay alive, But wat you can trus dem fo do fo you, aah?! Notting!

Isaiah 30:3

“You tink Pharaoh da one goin help you guys? He no can! You tink da Egypt peopo Goin let you guys stay wit dem Fo notting hurt you? Dey still no can, An you goin come shame too!

Isaiah 30:5

Erybody dat tell da Pharaoh guy fo help dem Goin come shame. Cuz da Egypt peopo no can do notting good fo dem. Dey no goin help dem, Dey no goin do notting good fo dem. Dey ony goin make da Judah peopo come shame, An make fun a dem!”

Isaiah 30:7

Da Egypt peopo, even if dey try fo kokua da Judah peopo No goin help da Judah peopo notting. Az why I call da Egypt peopo, ‘Da proud fake crocodile Dat ony make plenny noise!’ ”

Isaiah 31:1

Bummahs! fo da peopo dat tink Da Egypt peopo goin help um erytime! Dey stay shua dey goin come okay If dey buy plenny horse dea. Dey trus da Egypt war wagons cuz dey get plenny, An plenny guys fo ride horse. But dey no go by Da One In Charge, Da Good an Spesho One fo da Israel peopo. Dey no aks him wat fo do!

Isaiah 36:6

Fo shua, I goin tell you who you stay trus! You trus da Egypt army fo help you. But Pharaoh, dea king, he no goin help you. He jalike one smash up bamboo dat make splintas inside yoa hand wen you lean on top um. Dass how plenny da Pharaoh guy help erybody dat trus him!

Isaiah 36:9

How you guys tink you goin make even one small kine officer from my boss army guys turn aroun an go home, no matta you guys trus da Egypt guys fo give you war wagons an guys fo ride on top da horses?!

Isaiah 37:9

Laytas, Sennakerib, da Assyria king, hear someting bout Tirhakah, da king from Sudan. Somebody tell Sennakerib, “Tirhakah come out fo fight you Assyria guys.” Wen Sennakerib hear dat, he sen messenja guys by Hezekiah. He tell dem

Jeremiah 17:5

Dis da message from Da One In Charge: “Da guys dat stay strong ony trus peopo, not me. I goin put kahuna on top dem. Dey tink, cuz dea body strong, dey strong enuff. But da way dey tink, dey stay bag from me, Da One In Charge.

Jeremiah 46:25

Da One In Charge, da God Ova All Da Armies, da God fo da Israel peopo, tell: “I stay ready fo punish Amon, da god fo da Thebes peopo, Pharaoh, da Egypt peopo, an dea gods an dea kings. I goin punish da Pharaoh king guy an da peopo dat trus him.

Ezekiel 29:16

Da Israel peopo no goin trus da Egypt peopo no moa. Da Israel peopo no goin foget dat was one bad ting fo dem tell ‘Laytas’ to me an follow da Egypt peopo befo time. Den dey goin know dat was me Da One In Charge, da Boss, wen make all dis happen.”

Nahum 3:9

Da South Sudan peopo an da Egypt peopo Wen make Thebes town mo strong den anybody. Da Put peopo an da Libya peopo help Thebes.

Zefaniah 2:12

“You Sudan peopo too, I goin kill you wit my sword!”

1 Corint 3:21

So den, no good talk big bout some guy. Cuz eryting stay fo you guys awready.