Isaiah 2:8 - Hawaii Pidgin Bible

⁸ An all ova dea land, get plenny idol kine gods. Dey go down an show respeck Fo da tings dey make wit dea hands.

Isaiah 2:8 ပူးပေါင်းရင်းမြစ်များ

1 Kings 16:7

All da time Baasha was king, he make any kine fo piss off Da One In Charge. He ack jalike da Jeroboam ohana. Da One In Charge even give Jehu, Hanani boy, dat guy dat talk fo God, da message fo King Baasha an his ohana. Jehu tell um all da kine stuff Da One In Charge see Baasha stay do, jalike da Jeroboam ohana guys do. An cuz a dat, God go afta Baasha too.

2 Kings 17:10

Dey put up big kine stone fo dem pray to um. Dey put poses fo da wahine god Asherah on top ery high hill an unda ery big tree dat get plenny leaf.

2 Kings 17:16

Da peopo no lissen all da tings dea God, Da One In Charge, wen tell um fo do. Dey even make two idol kine gods from metal fo dem pray to, dat look jalike bebe cows. Dey set up poses fo da wahine god Asherah. Dey go down in front da sun an moon an all da stars inside da sky jalike dey gods, an dey let da Baal god be dea boss.

2 Records 27:2

He do wat stay right, da way Da One In Charge see um, jalike his faddah Uzziah wen do, but he neva go inside da Temple Fo Da One In Charge jalike Uzziah wen do. But dat time, da peopo still yet stay do pilau kine stuff.

Isaiah 17:8

Dey no goin even tink Bout da altars dey wen build wit dea hands fo da odda gods An da small kine tings dey make wit dea fingas. Dey no even goin look at Dea spesho tiki pos fo da wahine god Asherah An da places fo burn incense fo da odda gods.

Isaiah 26:13

Da One In Charge, you da God fo us guys! Befo time, get odda bosses stay in charge a us, not you. So us guys goin make shua Dat you, da ony one us goin tink bout An use yoa name.

Isaiah 37:19

an throw all da idol kine gods da peopo wen make inside da fire an wipe um out. Cuz dose idols, dey not real gods, but ony wood an stone statue.

Isaiah 40:19

Da One In Charge, He not one idol kine god! Fo make one idol, One guy melt metal fo make um. Den somebody put gold all ova on top um An melt silva fo make chain.

Isaiah 41:29

You know wat?! Dea idol kine gods, dey ony bulai! Wateva dey do, not importan. Dey jalike da wind, No mo notting inside!”

Isaiah 57:5

You guys like fool aroun Unda da kine kapu trees fo da idol kine gods. You guys kill yoa kids fo da god Molek Down by da streams dat no mo watta, Fo make sacrifice unda da cracks in da cliffs.

Jeremiah 1:16

I goin tell wat I figga bout my peopo, cuz I da Judge. Cuz a all da bad tings dey stay do— Dey tell ‘Laytas!’ to me An burn sacrifice fo odda gods An go down in front da gods dey wen make wit dea hands.

Jeremiah 11:13

You Judah guys get plenny towns an plenny gods, jalike get one god fo ery town. An you Jerusalem guys put up plenny sacrifice places fo make one shame kine sacrifice, an dose sacrifice places fo da shame kine god Baal, jalike you guys get one sacrifice place fo ery street inside Jerusalem.’

Jeremiah 2:28

So, now! Wea da gods stay, Dat you guys wen make fo you?! Let um come, if dey can get you guys outa trouble. Cuz you Judah guys get plenny gods, aah? Jalike you get one god fo ery town!”

Hosea 12:11

You guys tink da Gilead peopo do real bad kine stuff? Eh, da peopo ova dea, dey no worth notting! Da Gilgal peopo wase time wen dey kill bulls fo make sacrifice. Dea altars look jalike stones dey pile up All aroun one field dey wen plow.

Hosea 13:2

Now, dey stay do bad kine stuff mo an moa. Dey cova idol kine gods wit dea silva. Dey know how fo make um real good. But dass ony peopo dat make um. Odda peopo talk bout dem. Dey tell, “Dose peopo dat make da sacrifices to odda gods, Dey kiss da bebe cow statues.”

Hosea 14:3

Da Assyria peopo no can get us guys outa trouble. We no goin ride war horses fo fight. We no goin tell no mo Dat da tings us guys wen make, dey oua gods. Cuz you da ony One dat show love an pity Fo da kids dat no mo faddah o muddah!’ ”

Hosea 8:6

Somebody from Israel wen make dat idol! One guy dat work wit metal Wen make da bebe cow kine idol from Samaria. Dass not me, God! Gotta broke um in small pieces awready!

Micah 5:12

I goin wipe out all da kahuna kine stuff you guys make. You guys no goin get nobody fo call da spirits Fo come tell you wat goin happen bumbye.

Jesus Guys 17:16

Paul wait fo Silas an Timoty inside Athens, an he come bum out wen he see had plenny idol kine gods ova dea.

Rules Secon Time 4:28

Ova dea you guys goin come one slave fo da kine idol gods dat peopo make from wood an stone. Dose gods, dey no can see o hear o eat o smell notting.

Jesus Show 9:20

Da odda peopo dat neva mahke from da big trouble, dey still yet no come sorry an no pau do bad kine stuff. Dey still yet go down in front da bad kine spirits an da idol kine gods. No matta dey make da idols wit gold, silva, bronze, stone, an wood. An no matta da idol kine gods no can see, o hear, o walk, notting!