Isaiah 2:7 - Hawaii Pidgin Bible

⁷ All ova da Israel peopo land, Get plenny silva an gold An mo plenny rich kine stuffs den can count. All ova da land, get plenny horse An mo plenny war wagons den can count.

Isaiah 2:7 ပူးပေါင်းရင်းမြစ်များ

1 Kings 4:26

Solomon get 4,000 place fo keep da horses dat pull his war wagons, an 12,000 horse.

Job 3:15

Maybe I can sleep wit da leada guys dat wen get gold, An fill dea houses wit silva.

Songs 20:7

Some peopos trus da real plenny war wagons dey get, Odda guys, dey trus all da horse dey get fo win da war. But fo us guys, da One us call fo help us, az Da One In Charge, Cuz we know wat kine god him.

Isaiah 30:16

Dass how come you guys wen tell, “No way! We goin ride horse an run away!” So den, you guys goin run away! You guys wen tell, “We goin ride horse dat run real fas!” But da guys dat come chase you guys, Dey get fas horse too.

Isaiah 31:1

Bummahs! fo da peopo dat tink Da Egypt peopo goin help um erytime! Dey stay shua dey goin come okay If dey buy plenny horse dea. Dey trus da Egypt war wagons cuz dey get plenny, An plenny guys fo ride horse. But dey no go by Da One In Charge, Da Good an Spesho One fo da Israel peopo. Dey no aks him wat fo do!

Isaiah 57:17

Wen dey do bad kine stuff, An dey come greedy fo get eryting fo ony dem, I punish dem, An no do notting good fo dem Cuz I real huhu. But still yet, dey do Wateva dey tink az good.

Hosea 14:3

Da Assyria peopo no can get us guys outa trouble. We no goin ride war horses fo fight. We no goin tell no mo Dat da tings us guys wen make, dey oua gods. Cuz you da ony One dat show love an pity Fo da kids dat no mo faddah o muddah!’ ”

Micah 5:10

Da One In Charge tell: “Dat time, I goin wipe out yoa war horses, An bus up yoa war wagons.

Jesus Show 18:3

Da Babylon peopo, jalike dey one wahine, An all da diffren peopos all ova da world, Jalike dey fool aroun wit her. She make um do any kine, Jalike she make um drink too much strong wine Fo make um come real piloot! Da kings inside da world wen fool aroun wit her too. An da trader guys all ova da world Wen come rich from all kine rich stuffs Dat Babylon get from dem fo ony her.”