Isaiah 2:19 - Hawaii Pidgin Bible

¹⁹ Peopo goin go inside caves inside da big rocks, An inside da big kine pukas undaneat da groun, Cuz dey real sked a Da One In Charge. He stay awesome cuz he da king, An he goin start fo shake up erybody inside da world.

Isaiah 2:19 ပူးပေါင်းရင်းမြစ်များ

2 Samuel 22:46

Dey lose fight, all dose peopo from odda countries. Dey come outa da places wea dey hide fo no mahke, An dey sked an shaking!

Job 9:6

He shake da earth from wea stay. He make da poses undaneat um shake.

Songs 7:6

Eh! You Da One In Charge! Do someting! Get mad an stan up fo fight! Da guys dat stay agains me, Dey all huhu, so go afta dem! Do someting fo help me, You da judge dat tell wass right!

Isaiah 13:13

“Dass why I goin make da sky shake An da groun goin move from da place he stay, Cuz dass da time dat me, Da One In Charge, Da God Ova All Da Armies, I still had it, an I no goin take wat da peopo do.

Isaiah 2:10

You Jacob ohana peopo, Go down deep inside da rocks, Hide inside da groun, Cuz you stay sked an shaking From all da stuff Da One In Charge goin do Cuz he da awesome King!

Isaiah 2:21

Dey goin go inside da cracks in da rocks An da pukas in da pali, Cuz dey real sked a Da One In Charge. He stay awesome cuz he da king, An he goin start fo shake up erybody inside da world.

Isaiah 24:1

Da One In Charge, he stay ready fo wipe out da whole world An make um come empty! He goin change da mountains an valleys An all da peopo goin go all ova da place.

Isaiah 24:18

Anybody run away from some skery kine noise, Dey goin fall down inside da deep hole. Anybody climb outa da deep hole, Somebody goin catch dem in da trap. “Az goin be jalike da time Da sky wen open fo let da watta come down, An undaneat da earth, da foundation stay shake!

Isaiah 24:19

“Da earth stay all bus up. Da earth stay all crack. Da earth stay shake plenny.

Isaiah 30:32

Erytime Da One In Charge wack da Assyria guys Wit da stick he use fo punish dem, Da Judah peopo goin play music Wit tammorine an harp, Wen Da One In Charge Win ova da Assyria guys Wit his strong powa.

Isaiah 33:10

But Da One In Charge, he tell, “Now, I goin stan up an start fo do tings! Now I goin show peopo how big me! An peopo goin know dat I importan!

Isaiah 7:19

Da armies all goin come. Goin be jalike wen da flies an da bees go down inside da gulches, inside da cracks inside big stone, inside places wea get thorn bushes, an all ova da pukas wea get watta.

Jeremiah 16:16

Dis anodda message from Da One In Charge: “Right now, I goin tell plenny guys dat fish fo come, an dey goin catch da Israel peopo jalike dey catch fish. Afta dat, I goin tell plenny guys dat hunt animal fo come, an dey goin hunt fo da Israel peopo an bring um in from on top ery mountain an hill, an from inside da cracks inside da cliffs.

Jeremiah 4:29

All da peopo inside da towns goin run Wen dey hear da army guys stay coming on top da horses, An da guys dat shoot wit bow an arrow. Some guys hide inside da bushes. Some guys climb up fo hide inside da rocks. Da peopo dig out from ery town, No mo nobody live dea no moa.

Jeremiah 48:28

You Moab peopo, go way from all yoa towns. Go live inside da cliffs an da caves. Make jalike da rock dove dat make nes Inside one puka on top da cliff, an da odda side a one gulch.

Ezekiel 33:27

“Dis how I like you talk to dem: ‘Dis wat me Da One In Charge, da Boss, tell: Fo shua I stay alive, an fo shua da peopo dat stay inside da towns dat stay all wipe out, dey goin get kill wit swords. Da peopo dat live in da boonies, I goin give dem to da wild animals fo eat. An da peopo dat live wea get strong wall inside da mountains an da caves, dey goin mahke from da real bad kine sick.

Hosea 10:8

Da sacrifice places on top da hills nea Bet-Aven— Dat mean “house wea peopo do wass wrong”— Dey goin come wipe out. Az wea da Israel peopo stay do da real bad kine stuff. Thorns an da kine weed dat make yoa skin itchy Goin grow ova dea an cova dea altars. Den da peopo goin tell da mountains, “Proteck us!” An tell da hills, “Fall down on top us!”

Micah 7:17

Dey goin eat dirt jalike da snake, An odda tings dat crawl on top da groun. Dey goin come from dea places wea dey live To oua God, dass Da One In Charge a us, An dey goin shake cuz dey stay plenny sked a you guys.”

Nahum 3:11

Same ting wit you Nineveh peopo! You guys goin drink plenny an come piloot too. You goin hide an look fo one place Wea da guys dat stay agains you no can find you.

Haggai 2:6

“Dis wat me Da One In Charge, Da God Ova All Da Armies, tell: ‘Pretty soon, one mo time I goin shake da sky an da earth, da ocean an da dry land.

Haggai 2:7

I goin shake up all da diffren nations. Da rich kine stuffs from all da nations goin come hea. An I goin make dis Temple come real awesome. Az wat me Da One In Charge, Da God Ova All Da Armies, tell.

Luke 23:30

Dat time da peopo goin tell da mountains, ‘Fall down on top us!’ An dey goin tell da hills, ‘Hide us!’

2 Tessalonika 1:9

God goin punish dem, an wipe dem out to da max foeva. No way dey goin stay wit Da One In Charge. No way dey eva goin see da awesome kine tings he get da powa fo do.

Hebrews 11:38

Dey go all ova da boonies, on top da mountains, inside da caves an da big holes inside da groun. Eh! Dat kine peopo, dey too good fo dis world, you know!

Hebrews 12:26

Dat time was God voice dat make da earth shake. But now, he make one promise. He tell, “One mo time I goin make da earth shake, an I goin make da sky shake too.”

Jesus Show 11:13

Right den an dea da earth start fo shake real hard. An ten percent a da Big Town come wipe out, an seven tousan peopo mahke. Da res a da peopo was real sked, an dey tell dat God dat stay inside da sky, he awesome.

Jesus Show 11:19

Den God temple inside da sky come open fo see da Box Fo No Foget Da Deal dat get da Ten Main Rules inside. Den had lightning, an noise, an loud thunda. Da earth shake, an get big hail come down.

Jesus Show 16:18

Den get big lightning, plenny noise, big thunda, an da earth stay shake real hard—neva had dat kine big shaking befo, wen peopo stay on top da earth, till now.

Jesus Show 20:11

Den, jalike one dream, I spock one big white throne, an da One dat sit on top um. Da earth an da sky disappea from him, an nobody eva see dem no moa.

Jesus Show 9:6

Dat time da peopo goin like mahke cuz dey suffa plenny. Dey goin beg plenny fo mahke, but dey no can!

1 Samuel 13:6

Wen da Israel guys see az goin be bad fo dem, an dat da Israel army get plenny presha, dey lose fight an dey go hide inside da caves an bushes, inside da cracks in da cliffs, an inside holes cut in da rocks an pukas fo watta.

1 Samuel 14:11

So da two a dem let da Filisha army guys see um. Da Filisha guys tell, “Eh! Look! Get Hebrew guys stay come outa da hole wea dey stay hide!”