Isaiah 2:17 - Hawaii Pidgin Bible

¹⁷ Anybody stay get real high nose, Dey goin come notting. Anybody ack real high makamaka, Dey goin come shame. Dat time, Da One In Charge da ony One Da peopo goin talk good bout.

Isaiah 2:17 ပူးပေါင်းရင်းမြစ်များ

Songs 20:8

All dem odda guys, dey go down on dea knees an come wipe out, But us guys, we help each odda fo stan up, cuz us da winnas!

Songs 46:10

He tell: “No fight! No foget dis: Me God! All da diffren nations goin know Dat I da main one. All ova da world Dey goin know dis!”

Songs 46:11

Da One In Charge, Da God Ova All Da Armies, He stay right hea wit us guys! He da God Dat oua ancesta guy Jacob Wen pray to. He da One dat make shua Nobody attack us guys! (Time out fo da music.)

Isaiah 13:11

“I goin make bad kine stuff happen To da peopo all ova da world Cuz dey ony do bad kine stuff. I goin make all da peopo dat tink dey big, Pau get big head. I goin make all da ones dat make erybody sked a dem Come notting.

Isaiah 2:11

Anybody dat get real high nose, Dey goin come shame. Anybody ack real high makamaka, Dey goin come notting. Dat time, Da One In Charge da ony One Da peopo goin talk good bout.

Isaiah 2:16

If peopo tink dey strong jalike da big boats dat go Spain, Da nice looking boats, Da One In Charge can sink um.

Isaiah 2:18

Da idol kine gods, God goin broke um down.

Isaiah 30:18

Dass how come Da One In Charge stay wait, Cuz he stay ready fo do good tings fo you guys. He goin stan up Fo show you guys pity an love. Cuz Da One In Charge, he da kine god Dat judge da right way erytime. An all da peopo dat stay wait fo him, Dey can stay good inside.

Isaiah 5:16

But Da One In Charge, Da God Ova All Da Armies, Cuz he stay judge da right way, Peopo goin know how big him! Him, da God dat stay good an spesho! Peopo goin know how spesho he stay Cuz he do da right ting erytime!