Isaiah 2:12 - Hawaii Pidgin Bible

¹² Da One In Charge, he da God Ova All Da Armies. Goin come one day, he goin go Agains erybody dat get big head, An agains all da peopo dat ack high makamaka. God goin bring down da kine peopo dat tink dey importan. He goin make all dat kine peopo come notting.

Isaiah 2:12 ပူးပေါင်းရင်းမြစ်များ

2 Samuel 22:28

Da kine peopo dat no need be Numba One erytime, You get um outa trouble. But da high makamaka kine peopo, you watch um good, An make dem come shame in front erybody!

Job 24:1

“Bummahs, dat Da God Dat Get All Da Powa No tell wat day he goin judge da bad peopo! Bummahs, dat even da peopo dat know him Gotta wait fo see him judge da bad peopo!

Songs 131:1

Eh! You Da One In Charge! I no mo one big head, I no ack high makamaka. I no try fo do big kine tings, O tings dat stay so awesome I no can handle.

Songs 18:28

Eh! You Da One In Charge! Jalike you da One dat open da light fo me, Fo see how fo me live fo real kine. You da God fo me! You make me come alive inside, Jalike you open da light, No matta was dark inside me befo time.

Songs 37:13

But da Boss, he ony laugh At da bad peopo, Cuz he know dat bumbye Dey gotta stan in front him, da Judge.

Songs 94:2

You da one stay da judge Fo da peopo all ova da world, So pay back da peopo dat tink Dey mo betta den all da odda peopo, Fo wat dey wen do.

Smart Guys 16:5

Erybody dat ack high makamaka kine, Dey pilau, da way Da One In Charge see um! Fo shua dey goin get punish bumbye.

Isaiah 10:12

Wen God my Boss pau all he goin do on top Mount Zion inside Jerusalem town wea da Temple stay, den God goin tell, “Now I goin punish da king fo Assyria, cuz he get big head an high nose.

Isaiah 10:33

But you know, Da Boss, dass Da One In Charge, Da God Ova All Da Armies, He goin wipe out da Assyria army an dea mo bigga leadas, Jalike he chop down one big tree wit one ax!

Isaiah 13:11

“I goin make bad kine stuff happen To da peopo all ova da world Cuz dey ony do bad kine stuff. I goin make all da peopo dat tink dey big, Pau get big head. I goin make all da ones dat make erybody sked a dem Come notting.

Isaiah 13:6

“You Babylon peopo, Cry an yell cuz you feel sore inside, Cuz Da One In Charge, his day stay come nea! Da God Dat Get All Da Powa, He goin wipe out da bad guys.

Isaiah 13:9

“Look! Da One In Charge, his day stay come fo judge da peopo! Wen dat happen, he no goin give chance notting. He still stay huhu, An he had it wit da bad kine stuff peopo do. He goin make da land wea no mo notting dea, An goin wipe out all da peopo dea dat stay do bad kine stuff.

Isaiah 14:15

But now, God bring you guys down to Da Mahke Peopo Place, Da mos far part a Da Deep Dark Hole.

Isaiah 23:9

Was Da One In Charge, Da God Ova All Da Armies! He da One plan um Fo shame all da awesome peopo dat get big head, An make erybody in da world lose face Dat wen get respeck befo time.

Isaiah 24:21

“Dat time, Da One In Charge goin punish All da bad angel army guys inside da sky dat get powa dea. An da kings on top da earth dat get powa dea.

Isaiah 24:4

Da world, jalike stay sad inside, an all dry up. Ery place peopo live, jalike dey stay tired, an all dry up. Da big name peopo, jalike dey all tired too.

Isaiah 40:23

He da One make da importan peopo come notting. He make da judge guys all ova da world jalike dey notting.

Isaiah 42:15

I goin bus up da mountains an hills, An make eryting dat grow on top dem come all dry. I goin make da rivas come down low Fo dem get islans in da middo. I goin dry up all da ponds.

Isaiah 5:15

All dem goin lose face an come notting, No matta dey big head an high nose.

Isaiah 61:2

Fo tell, “Dis, da year Da One In Charge goin make good to his peopo, An dis da time oua God goin pay back da bad guys.” He sen me fo give good kine words To erybody dat stay sad inside.

Jeremiah 12:9

Da peopo dat stay mines, Dey come jalike one scavenja dat like eat me. Jalike get wild hyenas, Wit scavenja birds all aroun um. Go bring all da wild kine animals fo eat up my peopo!

Jeremiah 13:9

“Dis how I goin make eryting come poho fo da Judah an Jerusalem peopo, cuz dey ack high makamaka.

Jeremiah 30:7

Eryting goin come real bad! Goin come real hard fo erybody! No goin get anodda day like dat! Too much presha fo da peopo dat come from Jacob! But me, Da One In Charge, I goin get dem outa dat trouble.”

Jeremiah 46:10

But Da One In Charge a me stay in charge a dat day too! He da God Ova All Da Armies! Dass wen he goin pay back Da peopo dat stay agains him. His sword goin kill peopo Till dey all mahke die dead. Cuz Da One In Charge a me, Da God Ova All Da Armies, Goin make sacrifice In da north country by da Eufrates Riva!

Jeremiah 50:31

Dis wat Da One In Charge, da God Ova All Da Armies, tell: “Eh! You get big head. An me, I stay agains you. Da time stay come fo me punish you now.

Ezekiel 13:5

Dey no go up to da places in da wall dat stay broke down fo fix um fo da Israel peopo. Da time wen Da One In Charge come fo punish dem, da Israel peopo wall no goin stay strong in da war.

Daniel 4:37

“Now me, Nebukadnezzar da King, I talk good bout da King Inside Da Sky, an tell dat he awesome. Eryting he do stay right. Anybody live his way, dey goin do da right ting too. An he can make da guys dat ack jalike dey big head guys come notting.”

Amos 5:18

Anodda time, Amos tell: “Bummahs, fo you guys dat talk lidis: ‘Time awready fo Da One In Charge show up!’ Wat you guys tink goin happen to you Wen Da One In Charge come back, aah? Wen he show up, eryting goin come hard fo you guys, not good! Jalike one storm make eryting come dark, no mo light!

Micah 2:3

Az why Da One In Charge tell dem, “You guys know wat?! I stay make one plan Fo punish you buggahs an yoa bad ohanas! You guys no can get outa dis trouble, Cuz goin be jalike one yoke stay tie aroun yoa neck An no can take um off. You guys goin get real plenny trouble. Az why you guys no goin walk aroun wit big head!

Micah 5:11

I goin wipe out big towns inside yoa land, An broke down all yoa strong wall.

Zefaniah 1:16

One day wen dey goin hear da sheep horn trumpets an yelling fo fight Agains da big towns dat get strong wall, An towas on top da cornas fo da wall.

Zefaniah 3:11

Dat time, you guys no goin get shame, Fo all da wrong kine stuff you guys wen do agains me! Cuz den, I goin take away from Jerusalem town All da peopo dat feel good cuz dey get big head. You guys no goin ack high makamaka no moa, On top da hill dat stay spesho fo me.

Malakai 4:1

Dis wat Da One In Charge, Da God Ova All Da Armies tell: “You know wat I goin do? Fo all da peopo dat ack jalike dey mo betta den erybody, An fo all da peopo dat stay do bad kine stuff— Da time goin come, wen dose peopo goin come Jalike da lef ova junk kine stuff from da wheat Dat peopo burn up inside one hot burning oven! No goin get notting lef, Not even da roots, not even da branches!

Malakai 4:5

“An one mo ting I goin do, I goin sen Elijah to you guys, Da guy dat wen talk fo me befo time. He goin show up befo I come back. An dat time goin be awesome an unreal!

Matthew 23:12

Whoeva make jalike he importan, God goin make um not importan. An whoeva make jalike he not importan, God goin make him importan.”

Luke 14:11

Cuz whoeva make jalike he importan, no goin be importan, an whoeva make jalike he not importan, goin be importan.”

1 Corint 5:5

Den, hand dis guy ova to Satan fo da guy see how stay wit Satan in charge an da guy do wass bad. Da guy goin change his mind. Den wen Jesus, Da One In Charge, come back, da guy spirit goin come out safe.

1 Tessalonika 5:2

Cuz you guys know awready dat da time wen Da One In Charge goin come back, goin be jalike wen one steala guy go sneak inside yoa house nite time, an you no expeck notting.

James 4:6

But God like do even mo plenny good tings still yet. Az why da Bible tell, “God stay agains da guy Dat get big head. But da guy dat make shua he da las one, An put da odda guy befo him, God goin do plenny fo dat guy.”