Isaiah 19:5 - Hawaii Pidgin Bible

⁵ Da Nile Riva watta no goin be enuff Fo cova da Egypt land jalike one sea. Da place wea da riva watta go goin stay all dry, No mo wet place.

Isaiah 19:5 ပူးပေါင်းရင်းမြစ်များ

Job 14:11

Jalike da watta dry up from one lake, O da place wea one riva start fo come dry, den come all dry,

Isaiah 15:6

I stay cry cuz da watta from Nimrim Stay all dry up, An cuz da grass fo da animals stay come dry, No mo green tings dea.

Isaiah 23:11

Wen Da One In Charge put up his hand fo use his powa ova da ocean, He make da kings an dea peopos come sked an shaking. He da One dat tell, az time fo wipe out Da towns inside Fonisha dat get strong wall.

Isaiah 37:25

Me, Sennakerib, I dig pukas fo watta inside odda peopo countries. An drink da watta from ova dea. Wen I go thru da streams Wea da Nile Riva split up, Egypt makai side, I make um all come dry!”

Isaiah 50:2

Wen I wen come fo help you guys, how come no mo nobody stay hea? Wen I wen call, how come nobody ansa me? You tink I no mo powa Fo get you guys outa trouble, o wat? Tink bout dis: I ony need fo tell da watta, ‘Go! No stay!’ An I make da ocean watta come dry, An I can make da rivas come one desert. Dea fish mahke, An come haunas cuz no mo watta.

Jeremiah 51:36

Az why Da One In Charge tell dis: “You know wat?! I goin fight fo you guys. I goin pay back da Babylon guys Fo wat dey do to you guys. I goin dry up da place dea watta come from An make dea pukas fo watta come dry.

Ezekiel 30:12

I goin make da Nile channels come dry groun. I goin sell da Egypt land fo da bad kine guys take um ova. I goin wase da land an eryting inside um. I goin use guys from odda countries fo do all dat. Az me Da One In Charge tell dis.

Zekariah 10:11

Dey goin go thru trouble jalike thru one ocean. But I goin make da wild ocean waves come quiet. An da deep places inside da Nile Riva goin come dry. Da Assyria peopo get big head, but I goin bring um down, An da Egypt king goin get wipe out.

Zekariah 14:18

If da Egypt peopo no go down in front him, dey no goin get rain. Da One In Charge goin bring da real bad kine sick on top dem too, jalike da sick dat he sen on top all da peopos dat no go Jerusalem fo make Da Spesho Religious Ceremony Fo Live In Shacks.