Isaiah 19:4 - Hawaii Pidgin Bible

⁴ I goin turn ova da Egypt peopo To one mean boss. One strong king goin take charge a dem.” Dat word come strait from Da One In Charge, Da Boss, Da God Ova All Da Armies!

Isaiah 19:4 ပူးပေါင်းရင်းမြစ်များ

Songs 31:8

You, you neva let da guys Dat stay agains me capcha me. You wen take me One safe kine place.

Isaiah 19:2

God tell: “I goin make da Egypt peopo go agains each odda. One braddah goin fight his braddah. One guy goin fight his frenz. Da peopo inside one big town goin fight Da peopo inside anodda big town. One king guys goin fight anodda king guys.

Isaiah 20:3

Laytas, Da One In Charge tell, “Wat my worka guy Isaiah wen do, go naked an barefeet fo three year, az jalike one sign fo blow da peopo mind bout wat goin happen to da Egypt peopo an da Sudan peopo.

Isaiah 20:4

So da king fo Assyria goin take da prisonas from Egypt an Sudan outa dea country naked an barefeet. No matta dey young o ol, dea okole an dea olos goin show, an dat goin make da Egypt peopo come shame.

Jeremiah 46:26

I goin turn dem ova to da peopo dat like kill dem—az Nebukadnezzar da Babylon king, an his officer guys. But bumbye, goin get peopo live Egypt side one mo time, jalike befo time. Az wat Da One In Charge tell.

Ezekiel 29:19

Az why dis wat me Da One In Charge, da Boss, tell: I goin give da Egypt land to Nebukadnezzar da Babylon king. He goin rip off an take away eryting da Egypt peopo get from all ova dea land fo pay his army guys.

Ezekiel 30:12

I goin make da Nile channels come dry groun. I goin sell da Egypt land fo da bad kine guys take um ova. I goin wase da land an eryting inside um. I goin use guys from odda countries fo do all dat. Az me Da One In Charge tell dis.

Nahum 3:10

But da Nineveh peopo even make da Thebes peopo come prisonas. An sen dem far away. Da Nineveh guys smash da small kids from Thebes an kill um All ova da town. Dey pull straw fo who goin get da Thebes alii guys fo dea slave. Dey tie up all da Thebes leada guys wit leg chains.

1 Samuel 23:7

Somebody tell Saul dat David wen go Keilah side. Saul tell um, “God wen bring David to me awready! Cuz David awready one prisona wen he go inside one town dat get strong wall an gates an bars, you know.”