Isaiah 19:22 - Hawaii Pidgin Bible

²² He goin punish da Egypt peopo wit one bad kine sick, but den he goin make um come good. Cuz dey goin change dea mind an come tight wit Da One In Charge, an he goin lissen wen dey pray to him, an make um come good.

Isaiah 19:22 ပူးပေါင်းရင်းမြစ်များ

2 Kings 20:5

“Go back an tell Hezekiah, da leada guy fo my peopo, ‘Dis anodda message from me, Da One In Charge, da God fo yoa ancesta guy David. Tell um, I wen hear you pray awready, an see how you stay cry. Now, I da One goin make you come good. Da day afta tomorra, you goin go up by da Temple Fo Da One In Charge.

Job 22:23

If you come back to Da God Dat Get All Da Powa an be his guy, An take eryting dat no stay right far from yoa tent, God goin build you up one mo time.

Job 5:18

Cuz he can hurt you, but he put bandage on you too. He can wack you, but he touch you an make you come good too.

Outa Egypt 8:4

Da frogs goin jump up all ova you, all ova yoa peopo, an all ova all yoa palace guys.” ’ ”

Isaiah 11:11

Anodda ting goin happen dat time: Da One In Charge a me goin go bring back all his peopo dat still yet stay alive, from Assyria, Egypt, South Egypt, Sudan, West Iran, Babylonia, North Syria, an da islans.

Isaiah 27:13

Dat time, one big sheep horn trumpet goin blow. Da Israel peopo dat stay go all ova da place inside Assyria An da ones dey wen make go Egypt side, Dey all goin go God spesho hill inside Jerusalem town, An go down in front Da One In Charge Fo show love an respeck fo him ova dea.

Isaiah 30:26

Da moon goin shine strong, Jalike da sun. An da light from da sun goin come Seven time mo bright den befo, Jalike you get all da light from seven days, In one day! Az how goin happen Afta Da One In Charge wack his peopo. Den, Da One In Charge goin fix um Ery place da bone stay broke, An he goin bandage Da cut he wen give dem.

Isaiah 45:14

Dis, anodda message from Da One In Charge: “Da stuff dey make inside Egypt an Sudan, An da tall Yemen peopo, Dey goin come ova yoa side, An goin come yoa guys. Dey goin walk behind you An come by you wit chains on top dea legs. Dey goin go down in front you. Dey goin beg you an tell, ‘Fo shua God stay wit you. No mo anodda one dass God.’

Isaiah 55:7

Fo da bad kine peopo, Da ones dat stay make trouble, Az good dey bag from da stuff Dey do befo time, An no tink bad kine stuff no moa. Mo betta dey turn back to Da One In Charge, Cuz he goin show pity fo dem. Wen dey turn back to oua God, He goin do plenny fo let dem go Fo wat dey wen do befo time, An hemo dea shame.

Isaiah 57:18

I see how dey ack, But still yet, no matta dey stay sick inside, I goin make dem come good! I goin make dem An da ones dat stay bum out So dey no stay sad inside no moa.

Isaiah 6:10

Make dem so dey no can tink good, Make dem so dey no can hear good, An shut dea eyes so no can see good. I no like fo dem see wass happening, I no like fo dem start fo lissen, An fo tink good. Cuz if dey wen change, Den dey goin come good. But dey no goin change.”

Ezekiel 29:13

“But dis wat Da One In Charge, da Boss, tell: Afta forty year I goin bring da Egypt peopo togedda an bring um back from da nations wea dey stay scatta.

Hosea 14:1

Hosea tell: “You Israel peopo, come back by oua God, Da One In Charge. All da bad kine stuff you guys wen do, Az wat wen bring you guys down!

Hosea 5:15

Den I goin go back my place, Till dey know dat dey da ones get da blame. Den dey goin turn to me. Cuz dey get trouble, dey goin try real hard fo come tight wit me.”

Hosea 6:2

Two days, an he goin make us come strong one mo time. Day numba three he goin bring us back, So den we goin stay alive in front him!

Rules Secon Time 32:39

“Now see, dis me, I God fo real kine! No mo anodda god but me! I can make peopo mahke, an I can give dem life. I can hurt dem an I can make dem come good. An no mo nobody can get dem Outa da kine trouble I give um.

Hebrews 12:11

Erytime we get presha fo make us guys learn stuff, us guys come all sore inside, an we no like dat kine presha. But bumbye all dat presha goin make us come mo strong fo do da right ting, an den notting goin bodda us guys.