Isaiah 19:2 - Hawaii Pidgin Bible

² God tell: “I goin make da Egypt peopo go agains each odda. One braddah goin fight his braddah. One guy goin fight his frenz. Da peopo inside one big town goin fight Da peopo inside anodda big town. One king guys goin fight anodda king guys.

Isaiah 19:2 ပူးပေါင်းရင်းမြစ်များ

1 Kings 16:21

Dat time, da Israel peopo wen go take sides. Half a dem like Tibni, Ginat boy, fo come king, an da oddas like fo Omri stay king.

2 Records 15:6

One peopo bus up anodda peopo, an da peopo from one town bus up da peopo from anodda town, cuz God make all kine big trouble fo dem.

Isaiah 3:5

Da peopo goin give each odda hard time, Fren agains fren. Da young guys goin make any kine to da ol guys Jalike dey own dem an dey hate dem. Da guys dat erybody get respeck fo, Da no good guys goin bus um up.

Isaiah 9:21

(An dis wat I mean: Da Manasseh ohana goin eat da Efraim ohana, An da Efraim ohana goin eat da Manasseh ohana. An togedda, dey goin eat da Judah ohana.) An Da One In Charge stay huhu wit da Israel peopo still yet, An he stay ready fo bus um up.

Jeremiah 46:12

All da peopos goin hear how you wen lose face. All ova da world, peopo hear you stay yelling real loud. One fighta guy goin trip ova anodda fighta guy. Den da two a dem goin fall down togedda.”

Jeremiah 51:46

No lose fight! No come sked! All ova da land, can hear peopo talk bout war. Dey tink, maybe dis year, maybe nex year, One king agains anodda king.

Ezekiel 38:21

I goin fight Gog on top all my mountains. All you Gog guys goin use yoa swords fo fight each odda. Az wat me Da One In Charge, da Boss, tell.

Zekariah 8:10

Befo da time you guys wen start fo build da Temple one mo time, no mo nobody get pay fo dea work, not even fo use da animals. Nobody dat time can do his work an no worry, cuz get peopo dat like fight um. Cuz I make erybody stay agains all da guys dat live nea dem.

Matthew 10:21

“One braddah goin set up his braddah fo mahke, an one faddah goin set up his kid, an kids goin fight wit dea muddah an faddah, an dey goin set um up fo mahke.

Matthew 10:36

You goin get guys inside yoa ohana dat stay agains you.’

Matthew 12:25

Jesus know wat dey tink. He tell um, “Da country dat beef each odda, dey ony bus up dea country. Da town o da ohana dat beef each odda, no can stay strong.

Matthew 24:7

Goin get fighting. One country goin start fo fight anodda country. One king goin fight anodda king. Plenny peopo no goin get notting fo eat. Plenny diffren places, da groun goin shake hard plenny.

Mark 3:24

Da ohana dat go agains each odda no can stay strong. Da country dat go agains each odda ony bus up dea country.

Local Leadas 7:22

Wen da three hundred trumpets make noise, Da One In Charge make da Midian guys inside dea camp attack each odda wit dea swords. Dea army guys run away to Bet-Shittah nea Zerarah to da edge a Abel-Meholah, nea Tabbat.

Local Leadas 9:23

God sen one spirit fo make da Shekem guys come hamajang an go agains Abimelek. Dey do stuff dat show Abimelek dat dey no trus him.

1 Samuel 14:16

Da watcha guys fo Saul, Gibeah side inside da Benjamin land, dey look, an ho! uku pile a Filisha guys, stay running aroun dis side an dat side, jalike dey donno wassup!

1 Samuel 14:20

Den Saul an all his army guys come togedda fo fight. Dey find da Filisha guys all pupule—dey stay fight each odda wit dea swords!