Isaiah 19:11 - Hawaii Pidgin Bible

¹¹ Fo shua, da leada guys fo Zoan town, Egypt side, Dey stupid kine peopo wit attitude! An da mos smart guys, Dey suppose to tell da Pharaoh guy, dea king, Wat fo do, But dey ony tell um stupid kine stuff fo do. So den! How you guys goin tell da Pharaoh guy, “Oua ancesta guys, Dey was smart guys dat know wat fo do erytime, An dey was kings from befo time”?! No way you guys can tell da Pharaoh guy dat!

Isaiah 19:11 ပူးပေါင်းရင်းမြစ်များ

1 Kings 4:30

Dass how King Solomon know wat fo do, mo betta den all da smart guys dat live da east side, an all da Egypt smart guys.

1 Kings 5:10

An dass wat wen happen. Hiram give Solomon all da cedar wood an pine wood he like.

Job 12:17

He lead away da guys dat tell da king guys wass good fo dem do, An he take dem away barefeet cuz dey prisonas. He make da judge guys come pupule.

Songs 33:10

Wen da diffren nations make plan, Da One In Charge jam up dea plan. Wen da diffren peopos figga wat fo do, He no let um do um.

Songs 73:22

Me, I stupid, an donno notting! Eh God, gotta be you was tinking Dat I jalike one lolo animal.

Songs 78:12

God wen do plenny tings In front dea ancesta guys, Tings dat wen make dea jaw drop, Ova dea Egypt side, aroun Zoan town.

Songs 78:43

Dey neva tink bout Da tings God wen do Egypt side Fo show wat kine god him. He wen do awesome kine stuff Ova dea aroun Zoan.

Songs 92:6

But fo da kine peopo Dat donno how fo tink good, Get stuff dey no goin know. Da dumb buggahs dat tink Dey no need learn notting, Dey no can undastan Wat I goin tell now.

Outa Egypt 8:14

All ova da place da peopo make plenny pile frog. Da whole land come haunas.

Outa Egypt 8:4

Da frogs goin jump up all ova you, all ova yoa peopo, an all ova all yoa palace guys.” ’ ”

Smart Guys 30:2

Cuz I know I one dumb buggah, an mo like one animal den one guy. I no undastan wat peopo suppose to undastan.

Isaiah 19:13

Da leada guys fo Zoan town, Dey go do stupid kine tings cuz dey no undastan. Da leadas fo Memphis, az da main Egypt town, somebody wen bulai dem. Da leadas fo da Egypt ohanas wen make dea peopo go da wrong way.

Isaiah 19:3

Da peopo inside Egypt goin lose fight. Dey make one plan, but I goin jam up da plan. Dey goin go aks dea idol kine gods, An da mahke peopo spirits. Dey goin aks da kahuna guys an wahines wat fo do.

Isaiah 29:14

Az why I goin do dis awesome ting One mo time fo dis peopo, All plenny kine stuff, ova an ova. All da stuff dat da guys tell Dat know wat fo do erytime, Goin all come wipe out. An all da stuff dat da guys tell Dat undastan stuff, Nobody goin know wat dey know, bumbye.”

Isaiah 30:4

No matta da Pharaoh guy Get army officer guys north side inside Zoan, An no matta he sen messenja guys south side by Hanes,

Isaiah 44:25

I da One dat jam up da sign Da fake talka guys use Fo tell wat goin happen. Da guys dat try fo find out Wat goin happen bumbye, I show da peopo dat dey stupid. I turn aroun da stuff Dat da guys talk bout dat suppose to know wat fo do, An I make eryting dey know Show dat dey donno notting.

Jeremiah 10:14

Peopo, dey stupid. Dey donno notting. Da guys dat make stuff from gold come shame cuz a da idols dey make. Da idol kine gods dey make, dey not da real kine God. Dey no can breave!

Jeremiah 10:21

Da leada guys dat suppose to help da peopo, Dey jalike sheep guys Dat donno notting. Dey no go find out from Da One In Charge wat fo do. Az why dey no ack jalike peopo dat know wat dey stay do. Da peopo dey suppose to lead Go all ova da place, jalike sheeps.

Jeremiah 46:17

Ova dea peopo goin tell, ‘Pharaoh, da Egypt king, He ony mout! He wen miss his chance!’ ”

Jeremiah 49:7

Bout da Edom peopo, dis wat Da One In Charge, da God Ova All Da Armies, tell: “No mo nobody Teman side Dat know wat fo do erytime, o wat? No mo nobody dat undastan stuff An can help odda peopo make one good plan? Da ones dat befo time wen know wat fo do erytime, Now, dey come good fo notting, aah?

Jeremiah 8:9

Dese peopo dat tink dey know wat fo do erytime, Dey goin come shame. Dey goin come sked Jalike dey fall down inside one trap. Az cuz dey tell “Laytas” to wat Da One In Charge tell. So den, how come you guys tink Dey mo smart fo real? Dey know wat fo do erytime, o wat?!

Ezekiel 28:17

You come real big head Cuz you so good looking. Befo time you know wat fo do erytime, But now wat you do cuz you so awesome Come all hamajang. Dass why I throw you down on top da groun, An show da odda king guys how stupid you.

Ezekiel 30:14

I goin wipe out da peopo from da Nile Riva valley makai from Aswan to Memphis town. I goin burn down Zoan town. I goin punish da peopo dat live Thebes town.

Ezekiel 7:26

Real bad kine stuff goin happen, one right afta da odda. Dey goin hear any kine stuff bout wat goin happen. Da guys dat tell dey talk fo God, peopo goin aks dem fo tell wat God wen show dem. Da pries guys no goin teach da rules no moa. Da older leada guys no goin tell da peopo no mo wass good fo dem.

Obadiah 1:7

All da nations dat wen help you guys Goin trick you guys an push you outa yoa land! Da ones dat get good rep wit you Goin bulai you an win ova you. Yoa frenz you stay tight wit Get plan fo put one trap wea you goin step. But you guys no goin know dat!”

Obadiah 1:8

Da One In Charge tell, “Dat time, fo shua I goin wipe out da guys Edom side Dat tink dey know wat fo do erytime— Da guys from da Esau mountains dat undastan plenny.

Census 13:22

Dey go up thru da Negev, an come Hebron town, wea Ahiman, Sheshai, an Talmai live, dat come from Anak. (Da Anak ohana guys wen build Hebron seven year befo somebody wen build Zoan town Egypt side.)

Jesus Guys 7:22

Dey teach Moses plenny, so he know all da stuff da smart guys in Egypt know. An he talk an make jalike one guy dat get powa.