Isaiah 19:1 - Hawaii Pidgin Bible

¹ Me, Isaiah, I get heavy kine stuff fo tell bout wat I see goin happen to da Egypt peopo: Da One In Charge stay come Egypt side, Jalike he stay ride on top one cloud. Da idol kine gods da Egypt peopo pray to Stay shake in front him. Da Egypt peopo stay plenny sked An no can tink good.

Isaiah 19:1 ပူးပေါင်းရင်းမြစ်များ

Songs 104:3

He build his palace in da sky. He use da clouds fo war wagon An he ride on top da wind, Jalike da wind get wings fo carry him.

Songs 104:34

Wen I tell him da tings I tink bout, I like him tink, “Dass good!” I goin stay real good inside Cuz I stay tight wit Da One In Charge!

Songs 18:9

God open up da sky An come down hea. Undaneat his feets get black storm cloud.

Songs 68:4

Sing fo God! Sing bout how him da bestes, Sing bout wat kine god him! Tell he da mos importan one, Da One dat ride on top da clouds, He get da spesho name “Yah!” Dance an sing in front him!

Outa Egypt 12:12

“Dis wat I mean: Dat nite, I goin pass ova da Egypt land, from one side to da odda side. Ery numba one boy dat live inside da land, I goin kill um. Da peopo an da animals, same ting. Dass how I goin show proof to da Egypt peopo dat all da gods dey pray to, dey notting, cuz me Da One In Charge!

Isaiah 13:1

Me, Isaiah, Amoz boy, I get heavy kine stuff fo tell bout wat I see goin happen to Babylon:

Isaiah 13:7

Cuz a dis, all da Babylon peopo goin come weak An lose fight.

Isaiah 19:16

Dat time, da Egypt peopo goin come jalike da wahines. Dey goin stay sked an shaking, wen dey see dat Da One In Charge, Da God Ova All Da Armies, put up his hand an shake um cuz he goin wack um.

Isaiah 21:9

An now, look! One guy inside one war wagon stay come, Get two horse stay pull um.” Den somebody tell, “Babylon town stay all bus up! All da idol kine gods fo Babylon, Stay all smash an all on top da groun!”

Jeremiah 25:19

I give da cup to da Pharaoh guy, da king fo Egypt, his palace guys, his leada guys, an all his peopo, an

Jeremiah 4:13

“Look! Da army guys, come jalike da clouds. Dea war wagons come jalike one strong wind! Dea horses run mo fas den da eagles fly. Bummahs! Us guys goin come wipe out awready!

Jeremiah 44:8

How come you guys make me come real huhu wit yoa idol kine gods dat you guys make wit yoa hands, aah? Cuz you guys burn incense fo da odda gods inside Egypt wea you guys live now! You guys come wipe out. You goin make all da odda peopos on top da earth like put kahuna on top you. Dey goin poin finga you cuz a all da bad stuff you do.

Jeremiah 50:2

“All you guys, tell dis to all da peopos! Make shua dey hear um! Put up one flag fo dem lissen! Make shua dey hear da message! No hold back notting, but tell um dis: ‘Anodda army goin take ova Babylon town! Da Babylon god Bel goin come shame! Dey call um Marduk too, an he goin come real sked. Dea odda idol kine gods goin come shame too. Da horraz kine idol gods dey pray to goin come real sked.

Jeremiah 51:44

I goin punish Bel, da god fo da Babylon peopo. I goin make Bel bahf wat he wen swallow. Da peopo no goin go Babylon fo pray to Bel no moa, Jalike how was befo time. Da Babylon town wall goin fall down too.

Ezekiel 30:13

“ ‘Dis wat me Da One In Charge, da Boss, tell: I goin bus up da idol kine gods, an da no good statues dey pray to inside Memphis town. No goin get one prince ova da Egypt land no moa. I goin make erybody inside da land come sked.

Joel 3:19

But Egypt goin stay all wipe out. Edom goin stay ony boonies, all wipe out too. Cuz dey wen make any kine to da Judah peopo, An dey make peopo bleed an mahke Dat neva do notting wrong inside dea land.

Nahum 1:1

Da One In Charge show Nahum from Elkosh town someting jalike one dream, bout wat goin happen to da Assyria peopo dat live Nineveh town.

Nahum 1:3

Da One In Charge no get huhu real fas. He get plenny powa. He erytime punish da peopo dat get da blame. He show his powa inside da tornado an da storm. Da clouds, jalike da dus his feets kick up.

Zekariah 10:11

Dey goin go thru trouble jalike thru one ocean. But I goin make da wild ocean waves come quiet. An da deep places inside da Nile Riva goin come dry. Da Assyria peopo get big head, but I goin bring um down, An da Egypt king goin get wipe out.

Zekariah 14:18

If da Egypt peopo no go down in front him, dey no goin get rain. Da One In Charge goin bring da real bad kine sick on top dem too, jalike da sick dat he sen on top all da peopos dat no go Jerusalem fo make Da Spesho Religious Ceremony Fo Live In Shacks.

Census 33:4

Dat time, da Egypt peopo stay bury all da firs men guys fo born inside ery family, cuz Da One In Charge wen wack dem cuz he da judge fo punish dea gods.

Rules Secon Time 33:26

“No mo anodda god like da God fo Jeshurun, Az da Israel peopo dat stay do wass right, He ride from one side a da sky to da odda side Fo help you guys. He ride jalike da clouds one war wagon fo him Cuz he awesome.

Joshua 2:11

Wen we hear dat, us lose fight, an no mo nobody like do notting agains you guys. Cuz yoa God, Da One In Charge, he da ony God in da sky up dea an on top da earth down hea.

Joshua 2:24

Dey tell Joshua, “Da One In Charge stay give us all da land fo take ova. An all da peopo ova dea stay jalike dey melting in front us, cuz dey real sked!”

Joshua 2:9

She tell um, “I know Da One In Charge wen give you guys dis land awready. An I know, all us guys stay real sked a you guys. Erybody dat stay live hea stay shaking cuz us real sked!

Jesus Show 1:7

Try look! Look! Jesus stay come inside da clouds! Erybody goin see him, Even da guys dat wen stab him wit dea spear. All da diffren peopos all ova da world goin cry An feel bad inside cuz wat wen happen to him. Dass how goin be! Dass it!