Isaiah 17:5 - Hawaii Pidgin Bible

⁵ Goin be jalike Refaim Valley Right afta da guys harves da wheat ova dea. Dey harves da wheat, An take away plenny inside dea arm. Den da Israel ohana goin be Jalike wen some odda guy come layta, Cut wateva da firs guys neva take wit dem, An dey pick up ony litto bit.

Isaiah 17:5 ပူးပေါင်းရင်းမြစ်များ

2 Samuel 5:18

Da Filisha guys come up da Refaim Valley. Dey put dea army guys all ova da valley.

2 Samuel 5:22

One mo time da Filisha guys come nea Jerusalem an put dea guys all ova inside da Refaim Valley.

Smart Guys 27:25

Afta you harves da hay from da field Fo feed yoa animals, An you see da new grass stay come up, An you even cut da grass from on top da mountains,

Isaiah 17:11

No matta you put one fence Da same day you plant um, An da nex morning you make da seed start fo grow, You goin get ony junk kine plants From da seed you plant, Cuz you goin get one sick dat nobody can make come good, An you goin hurt plenny.

Jeremiah 51:33

Dis one message from Da One In Charge, da God Ova All Da Armies, da God fo da Israel peopo. He tell: “Babylon town an da peopo dat live dea Goin come jalike one flat place Wea peopo clean da groun Fo take da junk kine stuffs outa da wheat. Wen da flat place all clean up, Den da harves time almos ready fo come.”

Jeremiah 9:22

So tell um, “Dis, da message from Da One In Charge: Da mahke bodies all ova da place, Jalike rubbish all ova da country side. Da mahke bodies jalike wheat dat some guy wen harves, But no mo nobody dea fo pick um up fo bury um.”

Hosea 6:11

“An fo you Judah peopo too, I wen pick one day awready fo punish you guys. Az goin be jalike wen da harves time come An you gotta pay fo da bad kine tings you stay do! Dass da time I wen like bring back my peopo From wea dey was prisonas,

Joel 3:13

Swing da sickle cuz da food stay ready fo harves. Go come an step da grapes fo press out da juice, Cuz da place stay full a grapes, An da wine barrels stay full. Dey stay full wit all da bad kine stuff da peopos stay do.”

Matthew 13:30

Let um grow togedda till dey stay ready. Den pull out da weeds firs, an tie um togedda fo burn. Den harves da wheat, an put um inside da storage place.’ ”

Joshua 15:8

Den from da edge a da Judah land go up da Ben Hinnom Valley, da south side a da hill dat get Jerusalem on top side, da main town fo da Jebus peopo. Den go da top a da hill dat make da west side a da Hinnom Valley, by da north end a da Refaim Valley.

Joshua 18:16

Benjamin land go down by da bottom a da hill in front da Ben Hinnom Valley, den go north side a da Refaim Valley. Den go down da Hinnom Valley by da hill dat get Jebus town on top. Den go En-Rogel.