Isaiah 17:14 - Hawaii Pidgin Bible

¹⁴ Bummahs! Sun down time we all sked. But befo da morning time, Dis wat happen: Da guys dat like steal oua stuffs An take eryting, Dey no stay no moa.

Isaiah 17:14 ပူးပေါင်းရင်းမြစ်များ

2 Kings 19:3

Dey tell Isaiah, “Dis wat Hezekiah tell: Us stay supa presha out today an hard time us get! Da One In Charge stay punish us guys. Us come shame in front da odda peopos! Az jalike one bebe goin born, but da muddah not strong enuff fo born um.

2 Kings 19:35

Dat same day, nite time, one angel messenja guy from Da One In Charge go out inside da Assyria army camp. He kill 185,000 guys inside dea. Wen da Assyria guys dat no mahke get up da nex morning, get all da mahke bodies all ova da place!

Job 20:29

Dass wat God goin give to da bad guys, Dass wat dey goin get from God!”

Songs 37:36

Den one day, I wen go by dea, An you know wat?! No mo da bad guy! I wen go look fo him, But no can find um.

Smart Guys 22:23

Cuz Da One In Charge, him goin be da One Dat goin help dose guys in front da judge. An fo da ones dat take away stuff from dem, He goin take away dea life!

Isaiah 10:25

But ony litto bit mo time now, Den I no goin stay huhu wit you guys no moa. I goin come huhu wit da Assyria guys An go wipe dem out.”

Isaiah 21:12

Da watcha guy tell um, “Morning stay come, An den da nite come. If you guys ova dea like aks, az okay. Go, den come back one mo time an aks.”

Isaiah 29:2

Still yet, I goin make hard Fo da peopo inside Ariel town. Dey goin stay sad an sore inside. Bumbye Ariel town goin be fo me, Jalike da kine town I like um fo be.

Isaiah 29:5

Goin get real plenny guys from anodda place Dat stay agains you guys, But dey goin come jalike da dirt on top da groun. All da peopo dat like hurt you guys, Dey goin come jalike da junk kine stuffs from da wheat Dat stay blow way. Goin come real fas,

Isaiah 29:7

Dat time, da Jerusalem peopo Goin tink bout all da diffren armies Dat wen fight dem, An how dey wen try fo bus up Da strong wall aroun da town, An how dey wen make hard fo da peopo. Wen da Jerusalem peopo tink bout all dat, Goin be, jalike ony was one dream Dat dey wen see nite time.

Isaiah 30:28

Wen he breave, jalike one riva Dat run fas, Dat no can stay inside da stream, But reach up to da peopo neck. He shake da peopo inside diffren countries Jalike dey stay inside one straina, An dey no can do notting. Jalike he put one horse bridle inside dea mout Dat make da diffren peopos go da wrong way.

Isaiah 33:1

Bummahs! you Assyria guys Dat stay wipe out da odda peopos! Nobody eva wipe you out. Bummahs! you dat set up yoa braddah! Nobody eva set you up. But wen you pau wipe out da odda peopos, Den somebody goin do da same ting to you. Wen you pau set dem up, Den somebody goin set you up.

Isaiah 33:18

You goin tink bout how sked you was befo time. You goin tink, “Eh! Wea da guy Dat count how much us gotta pay da Assyria king?! Wea da guy stay dat weigh da silva fo oua tax?! An da Assyria army guy dat count How much towns us guys get dat get strong wall an towas Fo make shua us no can fight?! No mo all dem awready!”

Isaiah 34:17

He wen measure da land he goin give To all da birds an animals. An to dea kids an dea grankids, Fo dem get da Edom land all da time.

Isaiah 41:12

No matta you guys go look fo da guys dat stay agains you, You no goin find dem. Whoeva make war agains you guys, Dey no goin stay cuz jalike dey notting.

Jeremiah 13:25

Dis wat goin happen to you guys. I wen measure awready wat goin happen, Cuz you guys wen foget me, Da One In Charge. You wen trus da fake idol kine gods.

Jeremiah 2:3

Dat time, you Israel peopo wen stay spesho fo me, Da One In Charge, Jalike you guys was da firs food from da harves Dat peopo give to me. Anybody eat up dat food an no give um to me, Dey goin get blame fo dat. An all da bad kine stuff goin come on top dem.’ ” Dass da message from Da One In Charge.

Jeremiah 49:10

But me, I goin take away eryting from da Esau ohana. I goin show erybody da secret places wea dey stay hide, So dey no can hide dea no moa. Dea kids, dea ohana, da peopo dat live nea dem, All dem goin come wipe out. An da Esau peopo no goin stay no moa.

Ezekiel 39:10

Dey no need go out fo pick up wood from da fields, o cut trees wea eva get fores, cuz dey goin burn da stuffs dat peopo wen use fo fight fo cook food. Da Israel peopo goin rip off da peopo dat wen rip dem off befo time. Dey goin take away wat odda peopo wen take from dem. Az wat me Da One In Charge, da Boss, tell.

Zekariah 2:12

Da One In Charge goin make da Judah land his property, inside da land dat stay spesho fo him. An he goin pick Jerusalem fo come his town one mo time.

Local Leadas 5:31

Deborah tell: “Da One In Charge, I like all da guys dat stay agains you, come wipe out! But I like da peopo dat get love an aloha fo you, Come jalike da bright sun wen stay shine in da sky.” Den da peopo res, an no fight nobody fo forty year.