Isaiah 17:12 - Hawaii Pidgin Bible

¹² Bummahs! Plenny army guys stay make big noise Jalike da noise wen da rough ocean stay poun. Da armies from da diffren countries stay make noise, Jalike wen da watta stay come down from da mountain An no can stop um.

Isaiah 17:12 ပူးပေါင်းရင်းမြစ်များ

Songs 18:4

Was jalike peopo tie me up fo kill me. Jalike da flood come all ova me An litto mo wipe me out.

Songs 29:3

Wen Da One In Charge tell someting, Can hear um all ova da ocean, Mo loud den da big waves. Wen da awesome God talk, Soun jalike wen one storm wit thunda come ova da big ocean.

Songs 83:2

Eh! Da diffren peopos Dat stay agains you, Dey stay amping out An making big noise. Da ones dat hate you, Dey make tantaran fo make Jalike dey goin bus you up.

Isaiah 13:4

“Lissen up! Get big noise on top da mountains, Soun jalike get plenny peopos on top dea! Lissen up! Da king guys an dea nations, Dey stay coming togedda fo fight Babylon! Da One In Charge, da God Ova All Da Armies, He stay make ready one army Fo go make war.

Isaiah 28:17

Fo tes you Jerusalem peopo, I goin look fo see if you stay judge da right way An if you do wass pono erytime, Jalike da builda guys use one strong string Fo measure tings, An dey pull anodda string Fo check out if da building stay strait. You guys tink you can bulai da Assyria army guys Fo dem no hurt you. You tink you get one place fo hide Wen da army guys come Jalike da big watta. But no way you can bulai dem! No mo no place you can hide!

Isaiah 54:17

But no matta wat kine tings peopo make Fo fight you guys wit um, Dey no goin win. No matta wat peopo tell in front da judge Wen dey poin finga you guys, You guys goin show proof dey wrong. All dis I goin do fo you guys Cuz me Da One In Charge an you guys work fo me. Dass how I goin show Dat my peopo get um right wit me.” Dass wat Da One In Charge tell.

Isaiah 8:9

“All you diffren peopos, Go do all da bad kine stuff you do! Den you goin lose fight cuz you sked. Lissen, you peopo in all da far places in da world, Get ready fo fight! But you goin lose fight cuz you sked. You, get ready fo fight one mo time! But you goin lose fight one mo time, cuz you sked.

Isaiah 9:5

Fo shua, all da boots da army guys wear wen dey fight, An all da clotheses dat get blood all ova um, Dey goin throw all dat kine stuff on top da fire Fo burn um up.

Jeremiah 6:23

Dey get bow an arrow an short sword fo fight. Dey like hurt peopo, an dey no give nobody chance. Wen dey ride on dea horses, Dey soun jalike da loud noise from da ocean. Dey all line up ready fo fight, An az you guys, da Jerusalem peopo, da ones dey stay coming afta!”

Ezekiel 43:2

Den you know wat I wen see? I see da strong light from da awesome God fo da Israel peopo dat come from da east side! His voice soun jalike da big noise from one flash flood. An da land shine from da awesome strong light.

Daniel 7:2

Daniel tell: “Nite time, inside my dream, I see da ocean come real rough cuz get da winds from four side make da ocean all rough.

Micah 4:11

But now army guys from plenny countries Come togedda fo attack you guys. Dey tell, “Us guys like make pilau Zion Hill wea God stay, We like watch da peopo dat stay dea Wen dey stay suffa.”

Census 10:35

Weneva da pries guys pick up da Box fo carry um, Moses tell, “Go fo broke, Da One In Charge! I like fo da peopo dat stay agains you, run away all ova da place. I like fo da ones dat hate you, run away from in front you!”

Luke 21:25

“Goin get awesome stuff fo see up inside da sky, wit da sun, da moon, an da stars. All ova da world, da peopos from inside da diffren countries goin suffa plenny. Dey goin come all bum out, jalike peopo feel wen da ocean poun loud an da waves come real high.

Jesus Show 17:1

Den, jalike one dream, one a da seven angel messenja guys dat get da seven bowl wen come tell me, “Go come fo me show you how God goin punish da big hoa dat get her throne nea da big ocean.

Jesus Show 17:15

Den da angel messenja guy tell me, “Da big ocean you wen see, wea da hoa get her throne, dass peopos, nations, countries, an languages.