Isaiah 16:14 - Hawaii Pidgin Bible

¹⁴ An now Da One In Charge tell dis too: “Da Moab peopo, get choke plenny a dem, an dey awesome. But ony three year from today, jalike da day one work contrack pau, nobody goin tink da Moab peopo stay awesome. Cuz dat time, ony goin get litto bit Moab peopo inside dea. All da odda Moab peopo gone awready! Da ones dat stay back, dey no can do notting cuz dey no mo powa.”

Isaiah 16:14 ပူးပေါင်းရင်းမြစ်များ

Start 31:1

One time, Jacob wen find out dat Laban boys stay talking lidis: “Eh! Dat Jacob, he take away eryting oua faddah get. Da buggah use oua faddah stuffs fo make him come real rich.”

Esther 5:11

Haman call togedda his frenz an Zeresh his wife. He talk big to dem bout all his rich stuffs, bout all his boys, an how da king show him plenny respeck, an make him mo importan den all da odda alii an palace guys dat stay work fo da king.

Job 14:6

So look away from us guys, an bag from us. Jalike us goin stay da time somebody pay us fo work, An afta, us goin go home an feel good.

Job 7:1

“Eh God! Erybody in da world get hard work dey gotta do. Dey live jalike dey ony worka guys.

Isaiah 11:14

Togedda dey goin rush da Filisha peopo on da west side, All da way to da sea, An steal stuff from peopo on da east side. Dey goin take ova da Edom peopo an da Moab peopo An da Ammon peopo gotta do wat dey tell um fo do.

Isaiah 15:5

Inside I stay cry fo da Moab peopo. Da peopo from dea run all da way to Zoar town An to Eglat-Shelishiyah. I stay cry cuz dey go up da way fo go to Luhit, An dey still stay cry wen dey stay going. I stay cry cuz on top da road to Horonaim, Da peopo stay yell An tell bout dea place Wea eryting stay broke.

Isaiah 16:13

Dass wat Da One In Charge wen tell bout da Moab peopo long time befo time.

Isaiah 17:4

Dat time, eryting dat stay awesome now Bout da Israel ohanas, Dat goin change, an dey no goin stay awesome no moa. Jalike wen one guy had plenny fo eat An now he come skinny.

Isaiah 21:16

Dis da ting God my boss tell me: “Befo pau one year, jalike one guy dat get work contrack mark how many days mo till da contrack pau, all da rich stuff inside Kedar no goin be no moa.

Isaiah 23:9

Was Da One In Charge, Da God Ova All Da Armies! He da One plan um Fo shame all da awesome peopo dat get big head, An make erybody in da world lose face Dat wen get respeck befo time.

Isaiah 25:10

An on top dis same mountain, Jerusalem side, Da One In Charge goin use his powa dea. “But da Moab peopo, Odda peopo goin walk all ova dem, Jalike wen dey make someting fo burn fire, Firs dey throw da doodoo from da animals An straw from da wheat, an watta inside one hole, Den dey step um down good fo mix da mud.

Isaiah 25:11

Da Moab peopo goin push wit dea hands inside dea Fo stay on top da doodoo, Jalike one guy push da watta fo swim. Dey get big head, But God goin make dem come notting, No matta wat dey do wit dea hands.

Isaiah 7:16

But befo he come dat big, da land dat you worry bout wea da two kings stay goin come all bus up, an no mo notting goin stay dea.

Jeremiah 48:42

Moab goin come wipe out, An no goin be one peopo no moa, Cuz dey tink dey mo big den Da One In Charge.

Jeremiah 9:23

Dis wat Da One In Charge tell: “Da guy dat know wat fo do erytime No good fo him talk big dat he know wat fo do. Da guy dat know how fo fight No good fo him talk big dat he know how fo fight. Da rich guy, no good if him talk big bout how rich him.

Rules Secon Time 15:8

Mo betta fo get one good heart an let um borrow wateva dey need.