Isaiah 15:9 - Hawaii Pidgin Bible

⁹ I stay cry cuz da stream dat go by Dimon Stay full wit blood, not watta. But God still goin make Mo plenny bad kine stuff happen fo da Dimon peopo: Da Moab peopo dat run away, An da peopo dat stay dea on top da land too, Da lion goin chase um an get um.

Isaiah 15:9 ပူးပေါင်းရင်းမြစ်များ

2 Kings 17:25

Da time dose odda peopos start fo live dea, dem too neva show respeck fo Da One In Charge. So Da One In Charge put lions in dea wea dey stay, an da lions wen kill some a da peopo.

Isaiah 15:8

I stay cry cuz from one side A da Moab land to da odda side, Can hear peopo stay crying All da way to Eglayim an Beer-Elim side.

Jeremiah 15:3

Da One In Charge tell: “I goin sen four kine tings fo wipe dem out: guys wit swords fo kill dem, da dogs fo drag da bodies out, da birds inside da sky, an da wild animals inside da fields fo eat um up an wipe um out.

Jeremiah 50:17

“Da Israel peopo, dey stay run all ova da place Jalike sheeps an goats wen da lions chase um. Da firs lion fo eat um was da Assyria king. Da nex lion was Nebukadnezzar da Babylon king. He grind da meat off dea bones.”

Prieses 26:18

“Afta I make all dese kine tings happen to you guys, an you guys still yet no like lissen me, I goin punish you guys seven times mo fo da bad kine stuff you guys still yet do.

Prieses 26:24

den fo shua I da one goin stay piss off wit you guys. I goin punish you guys seven times mo cuz a da bad kine stuff you guys do.

Prieses 26:28

den I goin get real mad wit you guys. I goin punish you guys cuz a da bad kine stuff you guys stay do, seven times mo worse.

Amos 5:19

Fo you guys, goin be jalike dis—you go run away from da lion, An anodda kine wild animal goin catch you from da odda side! Den you go inside yoa house, An put yoa hand on top da wall fo res, An da snake bite you!

Census 21:30

“But us guys, we wipe out da Amor guys! We wipe out Heshbon, an Dibon too! We bus um up all da way to Nofah, An go all da way to Medeba.”