Isaiah 15:5 - Hawaii Pidgin Bible

⁵ Inside I stay cry fo da Moab peopo. Da peopo from dea run all da way to Zoar town An to Eglat-Shelishiyah. I stay cry cuz dey go up da way fo go to Luhit, An dey still stay cry wen dey stay going. I stay cry cuz on top da road to Horonaim, Da peopo stay yell An tell bout dea place Wea eryting stay broke.

Isaiah 15:5 ပူးပေါင်းရင်းမြစ်များ

Start 13:10

Lot check out all da land nea da Jordan Riva. He see dat get plenny watta ditch dat side. Ova dea nea Zoar, look jalike da place wit trees dat Da One In Charge wen plant befo time, an jalike da Egypt land. (Az was befo Da One In Charge wipe out Sodom town an Gomorrah town.)

Start 19:22

But hurry up! Run ova dea, cuz I no can wipe out notting till you get dea.” (Dass how dat small town get da name, Zoar, dat mean “not importan.”)

2 Samuel 15:23

All da peopo country side stay cry loud an plenny wen all da peopo wit David go by. Da king go across da Kidron Stream, an all da peopo go da road dat bring um inside da boonies.

2 Samuel 15:30

Same time, David, he stay go up da Olive Ridge, an stay crying wen he go. He cova his head fo show he shame an he walk barefeet. All da peopo wit him cova dea head too an stay cry wen dey go.

Isaiah 16:14

An now Da One In Charge tell dis too: “Da Moab peopo, get choke plenny a dem, an dey awesome. But ony three year from today, jalike da day one work contrack pau, nobody goin tink da Moab peopo stay awesome. Cuz dat time, ony goin get litto bit Moab peopo inside dea. All da odda Moab peopo gone awready! Da ones dat stay back, dey no can do notting cuz dey no mo powa.”

Isaiah 22:5

“Da One In Charge a me, Da God Ova All Da Armies, One day he goin come. Den, God goin jam up da Jerusalem peopo head Fo dem no tink an donno wat dey stay do. He goin make dem run all ova each odda, Right dea, inside da place wit mountain all aroun Wea can see wat goin come bumbye. Dat time, da army goin broke down da Jerusalem wall. All da way to da mountain goin hear da peopo stay yelling.

Isaiah 59:7

Dey run fas fo do bad kine stuff. Dey real quick fo kill peopo Dat neva do notting bad. Dey ony tink bout How fo do bad kine stuff. Ery place dey go, Dey broke up eryting.

Jeremiah 13:17

But if you no lissen wat I tell, I goin go hide an cry, Cuz you guys ack high makamaka. I goin cry real hard wit plenny tears, Cuz da peopo a Da One In Charge all goin come prisonas.

Jeremiah 17:16

“But me, I neva bag from yoa sheeps Fo take kea dem. I neva like see da time come Wen nobody can handle wat you do to dem. An you, you know dat eryting I tell, I tell um in front you.

Jeremiah 4:19

Den Jeremiah tell, “Bummahs! I suffa plenny! I plenny sore cuz I hurt inside. My heart stay poun hard inside, I gotta tell someting! Cuz I hear da soun from da trumpets fo start fo fight! I hear da army guys yell!

Jeremiah 4:20

Get one big boom, den anodda! All da land come bus up. Fas dey wipe out my tents, Mo fas den I can handle!

Jeremiah 48:3

Lissen! Da peopo from Horonaim town stay yell! Dey yell cuz eryting all kapakahi, Eryting all bus up!

Jeremiah 48:5

Dey go up da Luhit road, An cry real hard wen dey go. Dey go down da Horonaim road, Dey stay all bum out an yell Cuz eryting all bus up.

Jeremiah 50:46

Wen da odda armies take ova Babylon town, Da noise goin make da earth shake. Da Babylon peopo goin yell loud fo help. An all da diffren peopos goin hear dat.

Jeremiah 9:10

Jeremiah tell: “Wen I tink bout da mountains, I like cry an make big noise. I goin sing sad songs bout da mahke peopo, Cuz a da grass inside da boonies Wea da sheep guys wen stay wit dea sheeps. Da grass stay all burn up, No mo nobody go thru dea. You no hear da noise from da cows no moa. Da birds an all da animals, Dey run away awready.”

Census 21:29

Bummahs! You Moab peopo! You peopo dat pray to da god Kemosh, You come wipe out awready! Da Moab king, his boys run away, An his girls come prisonas. Sihon take um. He one king guy fo da Amor peopo.