Isaiah 14:8 - Hawaii Pidgin Bible

⁸ Even jalike da pine trees An da cedar trees on top da Lebanon mountain, Dey feel good inside cuz you king guys no mo powa. Da trees stay sing bout you lidis: “Now dat you no mo powa, Nobody come up hea fo chop us down.”

Isaiah 14:8 ပူးပေါင်းရင်းမြစ်များ

Songs 29:5

Wen Da One In Charge tell someting, Even da big cedar trees come broke. Da One In Charge make da cedar trees dat grow Lebanon side Come all bus up.

Isaiah 37:24

You wen sen guys dat work fo you, Dat wen try make me, da Boss, shame. You wen tell, “Me, Sennakerib, I get plenny war wagon! I can go on top a da high mountains, To da mos far part a da Lebanon mountains, Fo cut down da mos tall cedar trees An da bestes pine trees! Me, I da kine guy can go all da way to da end A da mos high places, Da fores wea da bestes tree grow!

Ezekiel 31:16

Wen da big tree fall down, da noise make all da peopos come sked. Dass how I make dem shake. I make da tree fall down inside da Mahke Peopo Place, jalike all da odda ones dat go down inside da Deep Dark Hole. Den all da trees inside Eden, da bestes ones inside Lebanon, all da ones dat drink plenny watta, dey feel mo good inside. Az cuz da big tree stay wit um down dea unda da groun.

Zekariah 11:2

Cry loud, you cypress trees, Cuz da cedar trees wen fall down! Da tall an awesome trees stay all bus up. Cry loud, you oak trees inside Bashan, Cuz all da fores stay cut down!