Isaiah 14:5 - Hawaii Pidgin Bible

⁵ Da Babylon king guys dat do real bad kine stuff Wen bus up us guys wit dea club. But da ones dat take ova us guys, An wack us wit dea stick, Now Da One In Charge broke dea stick.

Isaiah 14:5 ပူးပေါင်းရင်းမြစ်များ

Songs 125:3

Bumbye, maybe one bad kine king Take ova da land Wea da peopo live Dat stay do wass right. But dat kine king No goin stay king long time. Cuz if he stay da king, Maybe da good guys like do Bad kine stuff Fo ovathrow da bad king.

Smart Guys 28:15

Wen one leada guy stay bad, An da peopo dat no mo notting No can do notting bout da guy, Dey feel jalike get one lion Dat make big noise fo bite um, O jalike get one bear dat stay chase um.

Isaiah 10:5

God tell: “Bummahs fo you guys! I goin use da Assyria peopo jalike one club fo punish you, Cuz I stay huhu wit you Israel peopo, An I goin make da Assyria guys wack you!

Isaiah 13:11

“I goin make bad kine stuff happen To da peopo all ova da world Cuz dey ony do bad kine stuff. I goin make all da peopo dat tink dey big, Pau get big head. I goin make all da ones dat make erybody sked a dem Come notting.

Isaiah 14:29

Eh! All you Filisha peopo! You betta not stay good inside cuz you tink lidis, “Da king fo da Assyria peopo dat wen bus us guys up, He mahke, an now dey no mo powa!” But da king guys dat goin come Afta da Assyria king mahke Goin be mo worse den him! Cuz jalike you kill one snake, Anodda snake goin come from da firs one Dat can kill you wit poison. An you kill dat one, An goin get anodda snake come from dat one Dat can fly an catch you an bite you.

Isaiah 14:4

Den you guys goin sing one song fo draw picha bout da Babylon king guys cuz you guys win awready: Look da ones wen give us hard time, Dey pau awready! Befo time, dey amp out jalike dey da winna, But now, dey no tell notting!

Isaiah 14:6

Da Babylon king guys wen bus up All kine diffren peopos, Cuz dey real huhu, an dey no stop. Az cuz dey real huhu an dey take ova plenny countries An dey no hold back from hurt dem plenny.

Isaiah 9:3

God, you goin make da Israel peopo come mo plenny peopo. You goin make da peopo come real good inside. Dey goin dance an sing in front you, Jalike wen da peopo harves da food inside dea fields An dey stay good inside, An jalike wen da army guys steal rich stuffs from da guys dey wen fight, An give dea frenz some a da stuff, Dey all stay good inside.

Isaiah 9:4

Jalike you wen do befo time, Wen da Midian peopo make da Israel peopo bus ass fo dem. You wen hemo da Israel peopo From da hard work da Midian peopo make dem do. Jalike you wen stop da Midian peopo Fo dem no wack dem wit one stick An poke dem fo dem work mo fas.

Sad Song 1:21

“Peopo hear me moan, But no mo nobody come fo make me feel mo betta. All da peopo dat stay agains me wen hear I get trouble, An dey dance an sing cuz a wat you, Da One In Charge, wen do. I like you make da tings happen dat you wen promise goin happen, Fo dem suffa jalike I suffa!

Habakkuk 1:17

So, you goin let dem take ova all da peopo dey catch in dea nets, o wat?! Dey goin wipe out mo an mo peopos An no give um chance, o wat?!