Isaiah 14:4 - Hawaii Pidgin Bible

⁴ Den you guys goin sing one song fo draw picha bout da Babylon king guys cuz you guys win awready: Look da ones wen give us hard time, Dey pau awready! Befo time, dey amp out jalike dey da winna, But now, dey no tell notting!

Isaiah 14:4 ပူးပေါင်းရင်းမြစ်များ

2 Records 36:18

All da big an litto stuff from da Temple fo God, Nebukadnezzar bring um Babylon side, da rich kine stuff from da Temple Fo Da One In Charge. He take stuff from da king palace an his leada guys houses too.

Isaiah 13:1

Me, Isaiah, Amoz boy, I get heavy kine stuff fo tell bout wat I see goin happen to Babylon:

Isaiah 13:19

From all da diffren countries, Babylon, dass da mos awesome looking one. All da peopo dea feel real good Cuz Babylon stay da leada. But God goin wipe dem out Jalike he wen wipe out Sodom an Gomorrah.

Isaiah 14:17

He make da earth come all empty An bus up all da towns. He no even open da door Fo let da prisona guys go home!”

Isaiah 14:5

Da Babylon king guys dat do real bad kine stuff Wen bus up us guys wit dea club. But da ones dat take ova us guys, An wack us wit dea stick, Now Da One In Charge broke dea stick.

Isaiah 14:6

Da Babylon king guys wen bus up All kine diffren peopos, Cuz dey real huhu, an dey no stop. Az cuz dey real huhu an dey take ova plenny countries An dey no hold back from hurt dem plenny.

Isaiah 16:4

Let us Moab peopo dat no mo place fo stay Make house wit you guys. Be da place fo us guys hide dea So da guys dat like wipe us out no can find us!” Cuz bumbye, no goin get da guys dat bus up you guys inside yoa land. All dat no goin be no moa.

Isaiah 21:2

God wen show me stuff Dat make me come real bum out jalike one bad dream: “Jalike da guy dat like set up his braddahs, He goin do um. Da guy dat like bus up eryting, He goin bus um up. Da Babylon guys goin make plenny peopo suffa an moan, But I goin make da Babylon guys stop all dat! You Elam army guys, go afta Babylon town! You Media army guys, make camp all aroun Babylon too, Fo nobody go inside dea o come outside!”

Isaiah 47:5

Da One In Charge, he tell da Babylon peopo: “Sit down an no talk! Sit inside da dark place. Nobody goin tell you guys no moa Dat yoa town jalike da queen Ova all da kings an da peopos.

Isaiah 49:26

I goin make da guys dat give you guys hard time Eat dea peopo. Dey goin come piloot Cuz dey drink dea blood jalike az was wine. Den da peopo from all ova da world goin know Dat me Da One In Charge, da One dat get you guys outa trouble. I pay da price fo do dat. I da Strong God, da One Jacob wen pray to.”

Isaiah 51:13

How come you guys foget Dat me, Da One In Charge, I da One wen make you?! I spread out da sky An put down da foundation fo da earth. So, how come you guys stay real sked ery day, Cuz you tink bout da peopo dat stay mad An give you guys hard time, Cuz dey huhu wit you guys, An dey stay ready fo wipe out you guys. But wat dey goin do cuz dey mad? Notting!

Isaiah 51:23

I goin put dat wine bowl In da hands a da peopo Dat wen make you guys suffa, Da ones dat tell you guys, ‘Go lay down on top da groun! Fo us walk on top you guys! Make yoa back flat jalike da groun Jalike one road fo us walk on top.’ But I goin make trouble fo dem.”

Isaiah 54:14

You guys goin come solid Cuz you stay do da right ting erytime, No mo nobody goin put presha on you guys, An you no need stay sked no moa. Cuz da tings dat make you sked, No even goin come nea you guys.

Isaiah 9:4

Jalike you wen do befo time, Wen da Midian peopo make da Israel peopo bus ass fo dem. You wen hemo da Israel peopo From da hard work da Midian peopo make dem do. Jalike you wen stop da Midian peopo Fo dem no wack dem wit one stick An poke dem fo dem work mo fas.

Jeremiah 24:9

I goin make to dem jalike peopo make to rotten figs, so all da odda kings inside da world an dea peopo goin tink horraz bout dem. Dey goin talk bout dem jalike da rotten fig nobody like. Dey goin make fun a dem. An dey goin use dea name fo put kahuna on top peopo wea eva I sen dem.

Jeremiah 48:17

All you peopo dat live nea Moab, Come real sore inside fo dem! Erybody dat know how awesome Moab was befo time, Dey tell ‘Bummahs! Dea king wen stay strong, but now his spear stay broke! Dea king was awesome befo time, but now, his kahili all bus!’

Sad Song 4:1

Bummahs! Oua bestes peopo stay jalike gold dat no shine no moa, Jalike pure gold dat no worth notting! Da jewelry stones from da Temple Stay scatta all ova da streets.

Ezekiel 5:15

Da nations aroun you goin tell how pilau you guys town stay an make fun a you guys town. Dey goin see dat dey betta not make jalike you guys. An dey goin come sked cuz dey no like come jalike you guys afta I punish you guys. I stay huhu, I tell ‘Laytas’ to da stuff you guys do, an I give you guys scoldings. Me, Da One In Charge, I da one tell dis.

Daniel 2:38

He wen give you powa ova all da peopo, an da animals inside da fields, an da birds inside da sky. Wea eva dey stay, he make you da boss ova all dem. You jalike da gold head on top da statue.

Habakkuk 2:17

You guys was wrong Da time you wen cut down da Lebanon trees! Now peopo goin cut down you guys. An cuz you guys wen wipe out da wild animals ova dea, You guys goin come real sked, jalike da animals was sked. Cuz you wen make peopo bleed an mahke, An wen wipe out lands an towns an erybody inside um.

Jesus Show 17:6

An I see, jalike one dream, dat da wahine feel high cuz she wen kill plenny peopo dat stay spesho fo God, an drink dea blood. Dass all da ones dat wen bleed an mahke cuz dey tell bout Jesus. Wen I spock da wahine, blow my mind.

Jesus Show 18:16

Dey goin tell, “Horraz! Horraz! Babylon, da big town! Look jalike one wahine wit fancy kine linen clotheses, Purple an red clotheses, An gold, jewel stones, an pearls all ova!

Jesus Show 18:20

Den I hear dis: “Eh! All you peopo dat stay wit God inside da sky, Stay good inside bout wat wen happen! God spesho peopo, an da guys dat God wen sen all ova, An da guys dat talk fo God, Stay good inside! Da Babylon peopo wen make any kine to you guys, But God wen come fo judge dem!”