Isaiah 14:20 - Hawaii Pidgin Bible

²⁰ Dey no goin bury you guys, Jalike dey bury all da odda king guys, Cuz you wen jam up yoa land, An kill yoa peopo. Bumbye, nobody goin talk bout yoa blood line, Cuz all you Babylon king guys Stay do ony wass bad!

Isaiah 14:20 ပူးပေါင်းရင်းမြစ်များ

2 Kings 9:35

But wen dey go outside fo bury her, dey no find notting. Ony her skull, her feets, an da inside part a her two hands.

Job 18:16

Da bad guys, jalike one sick tree. Da roots come dry undaneat dem, An da branches all dry up above dem.

Job 18:17

Nobody in da world rememba dem. Erybody foget wat kine guys dey was.

Job 18:19

Da bad guys no mo kids, an no mo ohana come from dem. No mo nobody stay alive wea dey wen stay befo time.

Songs 109:13

Cut off da peopo dat goin come From da guy dat stay agains me. No let nobody even rememba who da guy.

Songs 21:10

Dea peopo dat goin come from dem, same ting, You goin wipe dem out from da earth. Dey no goin be ancesta guys fo nobody.

Songs 37:28

Cuz Da One In Charge, He like fo peopo do wass right, An he no foget da peopo Dat stay tight wit him. Dose peopo, God goin take kea dem Foeva! But da peopo dat do da bad kine stuff, Even dea kids goin get cut off From God foeva!

Teacha 6:3

Maybe one guy get hundred kids an live long time. But if he no stay good inside bout da good tings he get, an peopo no show respeck wen dey bury him, den no matta how long da guy stay alive. Dis wat I tink: One bebe dat mahke awready wen he born, stay mo betta den da guy.

Isaiah 1:4

Ho! Erybody from inside dea Stay do plenny bad kine stuff, Gotta punish um fo teach um. Dem an dea braddahs, dey no do right kine stuff, Dey da kine peopo dat like bus up eryting! Dey go way from Da One In Charge. Dey hate da God fo da Israel peopo dat stay good an spesho. Jalike dey no like lissen an stay turn dea back on him.

Isaiah 31:2

But no matta wat dose guys tink, Da One In Charge know wat fo do erytime, An he can make bad tings happen too. Wen Da One In Charge tell someting, He no need change his mind bumbye. He goin go agains da ohanas dat do bad kine stuff. An agains da peopo dat help dem.

Isaiah 9:17

Dass why my Boss No goin feel good bout da young guys, He no goin show pity notting Fo dea widows o dea kids dat no mo faddah o muddah. Cuz all dem peopo ack jalike God no matta to dem, An still stay do bad kine stuff. All dem get pilau mout. An Da One In Charge stay huhu wit da Israel peopo still yet, An he stay ready fo bus um up.