Isaiah 14:2 - Hawaii Pidgin Bible2 Da peopos from Babylon goin take da Israel peopo An bring um back inside dea place. Den da Israel ohana goin take ova dose odda peopos, An da odda peopos, guys an wahines, Goin stay work fo da Israel peopo inside Da One In Charge land. Befo time, da Babylon peopo make da Israel peopo come prisonas, But now, da ones wen put presha on da Israel peopo, Dey come dea prisonas. အခန်းကိုကြည့်ပါ။ |
Isaiah 14:2
34 ပူးပေါင်းရင်းမြစ်များ
“Dat time, peopo goin bring gifs Fo Da One In Charge, Da God Ova All Da Armies. An who goin bring da gifs? Fo shua, dose same peopo from far places, Da tall guys dat get smooth skin, Dat erybody sked dem. An from da land even mo far still yet, Da real strong kine peopo ova dea Dat stay bus up erybody, Ova dea wea da big rivas cut thru dea land. “Dey da ones goin bring gifs to Jerusalem town fo him, cuz dass da place fo find out wat kine god Da One In Charge.”
Dis, anodda message from Da One In Charge: “Da stuff dey make inside Egypt an Sudan, An da tall Yemen peopo, Dey goin come ova yoa side, An goin come yoa guys. Dey goin walk behind you An come by you wit chains on top dea legs. Dey goin go down in front you. Dey goin beg you an tell, ‘Fo shua God stay wit you. No mo anodda one dass God.’
You Jerusalem guys, You goin get king guys fo take kea yoa kids An be jalike dea hanai faddahs, An da alii wahines goin be Jalike da muddahs fo breas feed yoa kids. Dey all goin go down Wit dea face on top da groun Fo show respeck fo you Jerusalem guys, Jalike dey stay eating da dirt on top yoa feet. Den, you guys goin know dass me, Da One In Charge. Da peopo dat wait fo me, fo see wat I goin do, No way dey goin come shame!”
Get peopo befo time Dat wen make any kine to you guys, Dea kids goin come by you guys An go down in front you guys. Erybody dat wen ack jalike dey tink you no good, Dey goin go down on top da groun by yoa feets. Dey goin call yoa town, ‘Da One In Charge Town, Zion Town, Da Town Fo Da One Dat Stay Good An Spesho fo da Israel peopo.’
Dis wat Da One In Charge tell, “You know wat?! I goin make eryting come out good fo da Jerusalem peopo, Jalike one big riva Wit watta all da time! I goin bring plenny rich kine stuff from plenny countries, Jalike wen da watta fill up one stream An den go all ova da place! An da Jerusalem peopo goin be Jalike da muddah fo all you guys, An you guys goin be jalike one bebe dat stay breas feed, An da muddah carry um all ova in her arm, An bounce um on top her knee.
But Da One In Charge tell: “Az why da time goin come Wen I goin make erybody hear Da trumpet blow fo war Agains Rabbah town, Da main town fo da Ammon guys! Rabbah goin come one big pile a dirt Cuz all da houses goin come bus up. All da towns aroun Rabbah goin burn down. Den da Israel guys goin kick out Da Ammon guys dat wen kick dem out befo time.” Dass wat Da One In Charge tell.
Dey no need go out fo pick up wood from da fields, o cut trees wea eva get fores, cuz dey goin burn da stuffs dat peopo wen use fo fight fo cook food. Da Israel peopo goin rip off da peopo dat wen rip dem off befo time. Dey goin take away wat odda peopo wen take from dem. Az wat me Da One In Charge, da Boss, tell.
Real good dey wen make up dea mind fo do dat cuz dey know dey gotta kokua da Jerusalem peopo. Dey do dis cuz all da odda peopos from all ova get da same good kine stuffs dat da Spirit from God wen give da Jews firs. Az why da church peopos dass not Jew guys give dea Jew braddahs an sistahs some money fo help um.
ကြော်ငြာတွေ