Isaiah 14:19 - Hawaii Pidgin Bible

¹⁹ But you guys, wen you mahke, Da peopo throw you out on top da groun An no let you lay inside yoa grave, Jalike somebody cut off one branch dat make da tree come sick An throw um outside. Da odda guys dey wen kill wit swords, same time, Dey go all da way down to da stone inside da Big Black Hole, Dea mahke bodies lay dea on top you, Jalike da body az one blanket fo you.

Isaiah 14:19 ပူးပေါင်းရင်းမြစ်များ

1 Kings 21:19

Tell dis to Ahab: ‘Dis, wat Da One In Charge tell: Fo shua, you wen kill one guy, an den you take ova his farm!’ “Den tell um dis too: ‘Dis, wat Da One In Charge tell: Da same place wea da dogs wen suck up Nabot blood, dey goin suck up yoa blood too!’ ”

1 Kings 21:24

Da dogs goin eat da Ahab peopo dat mahke inside da town. Da ones dat mahke da country side, da scavenja birds goin eat um.”

2 Kings 9:25

Jehu tell Bidkar, da officer dat help drive his war wagon, “Pick up his mahke body, an throw um on top da field dat Nabot, da guy from Jezreel, wen own um befo Ahab take um away. No foget how me an you wen ride togedda inside two war wagons in back a Ahab, Joram faddah, wen Da One In Charge give dis word bout Ahab:

Isaiah 13:15

Erybody dat da army guys catch, Goin get stab. Erybody dey grab Dey goin kill dem wit swords.

Isaiah 14:18

In all da countries, weneva one king mahke, Da peopo erytime let da body stay inside da palace An dey go dea fo show um respeck.

Isaiah 34:3

Da peopo goin throw da guys dey kill outside da town, Cuz dea mahke bodies goin be haunas. Da mountains goin get blood soak inside da groun.

Isaiah 5:25

Dass why Da One In Charge stay come huhu Agains his peopo. He put up his hand An stay ready fo wack dem down. Dass why da mountains stay shake, An da peopo body dat mahke Lay all ova outside jalike opala. “But no matta God wack his peopo lidat, He still yet stay huhu An he stay ready fo wack um one mo time.

Jeremiah 16:6

“Da importan peopo an da not so importan kine peopo, dey all goin mahke inside dis land. No mo nobody goin bury dem, an no mo nobody goin stay sad inside an cry fo dem. No mo nobody goin cut dea body o make dea head bolohead fo show dey stay sad inside.

Jeremiah 22:19

Dey goin bury him jalike he one mahke donkey. Dey goin drag um outside da Jerusalem town gate An dump da body ova dea.

Jeremiah 41:7

Wen dey go inside da town, Ishmael, Netaniah boy, an da guys dat stay wit him, start fo kill dem an throw dem inside one big hole fo keep watta.

Jeremiah 41:9

Dat hole wea dey throw all da mahke bodies a da guys Ishmael dem wen kill, an Gedaliah body too, az da same deep hole dat King Asa from Judah wen dig fo his peopo. He use da hole fo get watta wen dey fight King Baasha from Israel. Dass da hole dat Ishmael, Netaniah boy, fill up wit all da mahke bodies.

Jeremiah 51:4

Da Babylon guys goin fall down an mahke. Dey goin get poke wit spear all ova da streets.

Ezekiel 32:23

Dea graves stay inside da mos far part a Da Deep Dark Hole, an dea army guys lay down dea aroun da Tomb fo Assyria. Dey da strong guys dat wen get kill wit swords. Dey da ones dat make da peopo dat still stay alive come sked.

Ezekiel 32:27

Dey no get bury wit respeck. Get odda guys dat no mo da mark from God fo show dat dey his guys. An wen dose odda guys go down inside da Mahke Peopo Place, dey take wit um dea weapons dey use fo fight. Dey get bury wit dea swords undaneat dea heads. But fo da Meshek an Tubal guys, God punish dem cuz a da bad kine stuff dey wen do. Da odda peopos wen stay sked cuz a dose guys.