Isaiah 14:12 - Hawaii Pidgin Bible

¹² You Babylon kings, all you, You guys wen shine jalike da morning star, Shining plenny even wen da sun start fo come up. But now, look how you guys fall down from outa da sky! God take you an throw you guys down to da earth, No matta befo time you guys strong an bus up all da peopos.

Isaiah 14:12 ပူးပေါင်းရင်းမြစ်များ

Isaiah 13:10

Da stars in da sky an da kine pichas dey make Dey no goin get light dey make. Da sun goin come up dark. Da moon no goin get light.

Isaiah 34:4

All da stars inside da sky goin come jalike dey rotten. Da whole sky goin roll up, jalike peopo roll up one paypa. All da stars goin fall down, Jalike da leaf fall down from one grape plant wen stay dry, An jalike da dry up fig fruits fall down from one tree.

Jeremiah 50:23

Fo shua, befo time da Babylon army was jalike one sledge hamma Dat wen bus up da whole earth. But now, dat hamma stay all bus up An da handle all broke. Babylon stay da kine place Dat make all da odda nations tink, “Skery, wat happen hea?!”

Jeremiah 51:53

No matta da Babylon peopo like climb up to da sky, An make dea town wall real high Fo nobody climb ova um, Goin get guys dat come from me Dat goin wipe out Babylon town.” Az wat Da One In Charge tell.

Sad Song 2:1

Da Boss come huhu wit da Jerusalem peopo. He stay cova dem jalike wit one cloud! Da Israel peopo was awesome jalike da sky, But jalike he wen throw um down all da way to da groun. Wen he come huhu wit dem, He no even proteck his Temple.

Ezekiel 26:17

Den da princes goin sing one sad song bout you guys, an tell you Tyre peopo: “ ‘You guys stay all bus up, Erybody know bout yoa big town. Ocean peopo live dea! You get one real strong navy, You an da odda peopo dat live inside yoa town. All da peopo dat live nea da ocean, You make um come real sked.

Obadiah 1:4

No matta you guys fly high jalike da eagle. No matta you make yoa nes wit da stars. I goin bring you guys down even from dea.” Az wat Da One In Charge tell.

Luke 10:18

Jesus tell um, “I wen see Satan, dat time God throw um down from da sky fas jalike da lightning.

2 Peter 1:19

Az how make all us guys mo shua bout da tings we wen learn from da guys dat wen talk fo God befo time. Az good you guys do wat dey wen tell you fo do! Cuz da stuff dey tell, az jalike one small lamp dat shine inside one real dark place. You guys gotta lissen wat dey wen tell. So stay lissen good till Jesus come back! Den you guys goin undastan mo an mo betta. Goin be jalike wen da light from da morning star come out, an den da sun come out!

2 Peter 2:4

You know, befo time had angel messenja guys dat wen do bad kine stuff, an God da Judge neva let um go. He wen throw dem down inside Hell, an tie um up wit chains fo make dem stay inside da Deep Dark Hole. Bumbye dey gotta stan in front God.

Jesus Show 2:28

Erybody dat fight an win ova da bad kine stuff, Dey goin be awesome, jalike da early morning star.

Jesus Show 22:16

“Me, I Jesus. I wen sen my angel messenja guy fo tell you guys inside da churches all dis stuff. I come from David ohana. I jalike da plant dat come up from da root. I jalike da bright Morning Star.

Jesus Show 8:10

Den da numba three angel guy blow his trumpet. An one big star dat stay burn jalike one torch, fall down from da sky on top thirty percent a da rivas an da pukas fo watta.

Jesus Show 9:1

Den, jalike one dream, I hear da numba five angel guy blow his trumpet, an I see one star fall down from da sky to da earth. Den somebody give da star one key fo open da Deep Dark Hole.