Isaiah 13:7 - Hawaii Pidgin Bible

⁷ Cuz a dis, all da Babylon peopo goin come weak An lose fight.

Isaiah 13:7 ပူးပေါင်းရင်းမြစ်များ

Songs 58:7

I like dem disappea jalike watta Dat run away An you no see um no moa. Wen dey shoot dea arrows, I like notting happen.

Outa Egypt 15:15

Dat time, da main leada guys from Edom, Dey lose fight an no can do notting. Da leada guys from Moab, Dey ony stan dea an shake! Da peopo dat live Canaan side, Dey all donno wat fo do awready.

Isaiah 19:1

Me, Isaiah, I get heavy kine stuff fo tell bout wat I see goin happen to da Egypt peopo: Da One In Charge stay come Egypt side, Jalike he stay ride on top one cloud. Da idol kine gods da Egypt peopo pray to Stay shake in front him. Da Egypt peopo stay plenny sked An no can tink good.

Isaiah 37:27

An fo you make da peopo dat live dose towns Get ony litto bit powa. Dey lose fight an come shame. Dey come jalike da plants dat grow inside one field, Da young green grass O da grass dat grow on top da roof O on top wea you plow fo plant da wheat, Wea da sun burn um befo can grow.

Isaiah 51:20

Yoa boys pass out. Dey lay down dea, da end a ery road. Jalike one deer dey catch inside one net. Yoa God, Da One In Charge, stay real huhu wit dem. An stay poin finga dem.

Jeremiah 50:43

Da Babylon king stay hear bout dis, An he lose fight. He no can handle! He real sore, jalike one wahine dat ready fo born one bebe.

Jeremiah 51:30

Da Babylon army guys, Dey no fight no moa. Dey stay inside dea strong wall. Dea powa all dry up. Dey come jalike wahines. Dea houses all burn down an dea town gates all broke.

Ezekiel 21:12

“ ‘Eh! Fo Real Kine Guy! Yell an make big noise! Cuz da killa guy goin use dat sword agains my peopo. An all da leadas fo da Israel peopo goin get kill too. Az why you gotta poun yoa ches Fo show you stay bum out an sore inside.

Ezekiel 21:7

Wen dey tell, ‘How come you stay moaning?’ you goin tell, ‘I stay moaning cuz a da bad kine stuff I stay hear. Erybody goin lose fight. Dea hands goin come weak. Inside, dey all goin give up, an dey goin piss dea pants cuz dey sked. Bad kine stuff goin happen fo shua!’ ” Az wat me Da One In Charge, da Boss, tell.

Ezekiel 7:17

Erybody real sked dey lose fight. Dea knees no can stan strait an dey fall down jalike watta.

Nahum 1:6

Wen Da One In Charge stay real huhu, No mo nobody can stan in front him. Wen he mad, jalike he throw fire on top you. Jalike da cliffs come broke up cuz a him.

Nahum 2:10

Da army guys goin rip off all da Nineveh peopo stuffs fo shua! Da Nineveh peopo lose fight an come bum out. Dey stay sked an shaking. Erybody look sked.

Nahum 2:11

Befo time, Nineveh stay jalike one cave Wea da strong lions live, Wea dey feed dea bebes, Wea da lion an da wahine lion go, An dea bebes no need stay sked a notting. But wea Nineveh stay now?

Joshua 2:11

Wen we hear dat, us lose fight, an no mo nobody like do notting agains you guys. Cuz yoa God, Da One In Charge, he da ony God in da sky up dea an on top da earth down hea.