Isaiah 13:6 - Hawaii Pidgin Bible

⁶ “You Babylon peopo, Cry an yell cuz you feel sore inside, Cuz Da One In Charge, his day stay come nea! Da God Dat Get All Da Powa, He goin wipe out da bad guys.

Isaiah 13:6 ပူးပေါင်းရင်းမြစ်များ

Job 31:23

Cuz I stay sked dat God goin wipe me out fo no help da kids! He real awesome, an I stay sked a him. Az why I no can do bad kine tings!

Isaiah 10:25

But ony litto bit mo time now, Den I no goin stay huhu wit you guys no moa. I goin come huhu wit da Assyria guys An go wipe dem out.”

Isaiah 10:3

But wat you guys goin do Wen da time come fo God punish you guys? Wen da army guys from far away Wipe you guys out jalike one storm? Wat peopo you guys goin run to Fo dem help you guys? Wea you guys goin leave all yoa rich stuffs Wen you run away?

Isaiah 13:9

“Look! Da One In Charge, his day stay come fo judge da peopo! Wen dat happen, he no goin give chance notting. He still stay huhu, An he had it wit da bad kine stuff peopo do. He goin make da land wea no mo notting dea, An goin wipe out all da peopo dea dat stay do bad kine stuff.

Isaiah 14:23

“I goin make Babylon town come jalike da boonies, One place wea da heron bird live inside da swamp. I goin wipe out Babylon town, Jalike I sweep um wit one broom.” Az how goin be, Da One In Charge, Da God Ova All Da Armies, tell.

Isaiah 14:31

Yell, all you peopo inside da town gates! Cry plenny, you peopo inside da big towns! All you Filisha peopo, You real sked, you stay shake! Cuz one strong army come from da north side! Dey burn down da towns. Can see da smoke! Da army guys, dey all stay togedda, Dey no even lose one army guy.

Isaiah 2:12

Da One In Charge, he da God Ova All Da Armies. Goin come one day, he goin go Agains erybody dat get big head, An agains all da peopo dat ack high makamaka. God goin bring down da kine peopo dat tink dey importan. He goin make all dat kine peopo come notting.

Isaiah 23:1

Me, Isaiah, I get heavy kine stuff fo tell bout wat I see goin happen to da Tyre peopo: All you guys inside da boats dat go Spain side, Cry an yell cuz you stay sad inside. You guys no mo house now, No mo place fo da boats fo go in. Wen da boats come back from Spain An stop Cyprus Islan, Den somebody tell dem Dat Tyre town stay all bus up awready.

Isaiah 34:2

Cuz Da One In Charge, he stay huhu Wit all da peopo inside da diffren countries. He no like wat all dea army guys do. He give up wit dem awready. He goin let odda guys kill dem An wipe all dem out.

Isaiah 34:8

All dat goin happen Cuz Da One In Charge get one time Dat he goin pay back da Edom peopo. He goin do um ova an ova fo one year. Cuz he goin make shua Da odda nations no goin take away da right Fo his peopo live inside Jerusalem town.

Isaiah 47:11

“Real bad stuff goin happen To you Babylon guys bumbye, But you no even goin know Wat kine magic goin stop um. Da trouble goin wack you guys big time, But even if you pay money, dat no goin change notting. Goin come jalike one big storm, An you no goin even know befo time.

Isaiah 52:5

An now, Da One In Charge tell: “Now, wat I get hea?! Da Babylon peopo take away my peopo An dey no pay me notting fo dem. Da guys dat stay lead da Babylon peopo yell plenny. An all day dey talk bad bout who me.

Isaiah 61:2

Fo tell, “Dis, da year Da One In Charge goin make good to his peopo, An dis da time oua God goin pay back da bad guys.” He sen me fo give good kine words To erybody dat stay sad inside.

Isaiah 63:4

Cuz I wen tink plenny, Dis, da right time fo me pay back dose peopo Cuz dey wen hurt my peopo. An da time stay now fo do wat I gotta do Fo get my peopo outa trouble.

Isaiah 65:14

My worka guys goin yell plenny, Cuz dey stay good inside. But you guys goin cry plenny, Cuz you stay sad inside, An moan, cuz inside, you donno wat fo do.

Jeremiah 25:34

“You bad leada guys, You suppose to take kea yoa peopo Jalike da sheep guys take kea dea sheeps. But you goin cry an yell. You guys dat get powa ova yoa sheeps, Roll aroun on top da dirt, Jalike fo one funeral! Now stay yoa time fo you get kill O get chase all ova da place! You guys goin fall down an come bus up Jalike you da kine clay pots dat cost plenny an easy fo broke.

Jeremiah 49:3

“You Heshbon peopo, yell real loud Cuz you stay real sore inside Cuz Ai town stay all bus up! Yell, you small towns aroun Rabbah! Put on burmbag kine clotheses An cry jalike fo one funeral Fo show you stay all bum out! Cut yoa body fo make um bleed An run all ova da place Inside yoa town wall, Jalike you donno wea fo go! Az cuz da army guys dat goin come Goin make yoa god Molek dea prisona, An take away his pries guys an leada guys anodda land.

Jeremiah 51:8

Wen da Babylon peopo tink notting bad goin happen, Right den an dea dey goin fall down an come all bus up! Cry fo da Babylon peopo! Bring medicine cuz dey hurt! Maybe dey can come good.

Ezekiel 13:5

Dey no go up to da places in da wall dat stay broke down fo fix um fo da Israel peopo. Da time wen Da One In Charge come fo punish dem, da Israel peopo wall no goin stay strong in da war.

Ezekiel 21:12

“ ‘Eh! Fo Real Kine Guy! Yell an make big noise! Cuz da killa guy goin use dat sword agains my peopo. An all da leadas fo da Israel peopo goin get kill too. Az why you gotta poun yoa ches Fo show you stay bum out an sore inside.

Daniel 5:26

“Dis wat mean: ‘mene’ mean dat God count how much time you stay da king, an he tell you pau awready.

Daniel 5:9

Az why King Belshazzar come even mo sked, an his eyes come mo big. Da alii guys no can figga um too.

Joel 1:11

Eh you farma guys! Bum out! You guys dat grow da grapes, cry loud! Stay sore inside bout da wheat an barley, Cuz da food fo harves come all wipe out!

Joel 1:13

You pries guys, put on burmbag clotheses Fo show you stay sad inside. Cry loud, you guys dat work in front da altar. Wear burmbag clotheses all nite, You guys dat work in front my God. Cuz no mo da wheat an barley sacrifices an da drink sacrifices, No mo notting fo bring inside da Temple Fo Yoa God.

Joel 1:15

Bummahs, dat time! Cuz pretty soon, Da One In Charge goin come. Dat time, Da God Dat Get All Da Powa Goin wipe out peopo.

Joel 1:5

Wake up, you piloot guys, an cry! All you guys dat suck up da wine, cry loud! Cry bout da juice fo make da wine, Cuz da locus, dey no let da wine reach yoa mout!

Joel 2:1

Blow da sheep horn trumpet On top Mount Zion! Yell to da peopo on top da hill dat stay spesho fo me, An tell um watch out! Good, dat erybody dat live inside da land goin shake cuz dey sked. Cuz da time stay nea fo Da One In Charge come!

Joel 2:11

Da One In Charge make noise jalike da thunda. He lead his army guys, Mo plenny den can count um. Dey strong, an dey do wat he tell um fo do. Da time wen Da One In Charge come fo take ova, Erybody goin stay sked an suffa. No mo nobody can hang in dea.

Joel 2:31

Da sun goin come dark, An da moon goin come red jalike blood. Dat goin happen befo da big an skery time Wen Da One In Charge come fo take ova.

Amos 5:18

Anodda time, Amos tell: “Bummahs, fo you guys dat talk lidis: ‘Time awready fo Da One In Charge show up!’ Wat you guys tink goin happen to you Wen Da One In Charge come back, aah? Wen he show up, eryting goin come hard fo you guys, not good! Jalike one storm make eryting come dark, no mo light!

Zefaniah 1:14

“Da day stay nea wen me Da One In Charge come fo judge da peopo! Goin happen fas! Lissen! Da peopo goin yell real hard. Da guys dat fight goin scream ova dea.

Zefaniah 1:7

“Shhh! No talk notting in front da Boss, Da One In Charge! Cuz pretty soon, da time goin come Wen Da One In Charge goin judge an punish erybody! Cuz Da One In Charge make ready fo kill da Judah an Jerusalem peopo, Jalike dey one sacrifice! Da One In Charge tell da nations Dat stay agains Judah fo come fo kill dem.

Zekariah 14:1

Look! Goin get one time fo Da One In Charge do someting. Dat time, da guys dat stay agains you goin rip off you Jerusalem guys stuffs an share um wit each odda, right dea in front you guys!

Malakai 4:5

“An one mo ting I goin do, I goin sen Elijah to you guys, Da guy dat wen talk fo me befo time. He goin show up befo I come back. An dat time goin be awesome an unreal!

James 5:1

Eh! You rich peopo! Lissen! Mo betta you cry plenny now, an feel sad! Cuz bumbye, you goin suffa plenny fo shua.

Jesus Show 18:10

Dey goin stan far away, cuz dey real sked wen dey see da Babylon peopo suffa. An dey goin tell, “Horraz! Horraz! Babylon, da big town wit plenny powa! An in one hour, you wen come wipe out!”